كحح .. خل اقولج ع الإداره اول شي
بكل مدرسه لازم الاداره متشدده ولا شلون ينضبطون البنات
عندج الناضره غثيثه ما تنبلع ولا تتفاهمين معاها
اصلا محد ايي صوبها كلش
بس الوكيله ابله حسنا حبووووبه بشكل مو طبيعي
اهيا المسؤوله عن الطالبات
تتفاهم معااج وتسمعج للآخر
بس اذا كل يوم رازه ويهج عندها ووايد مشاكلج وجذي بتتمصخرين اقوى شي كاك
اهيا لا عصبت عصبت
بس والله اتينن ما مرت علي وكيله نفسهاا
عموما انتي لما تكونين ملتزمه و مؤدبه مع الكل .. بيحترمونج ويحطونج على راسهم
وبخصوص البنات .. خوش بنات والله
صج في بنات مش ولابد وهالشي بكل مدرسه
بس الاغلبيه حبوبين ..
والابلآإآإآإآإآإت
عندج قسم الرياضيات وهذا اهم شي بما انج علمي
رئيسة القسم توها هالسنه يايتنا .. مو ششششششي بمعنى الكلمه
الابلات ماعليهم كلام
يفهمون و يراعونج بالدرجات
بس رئيسة القسم نحيسة شوي
تحاسبج ع كل حرف بالورقه
وعادي غلطه بسيييطه تنقصين عليها درجتين ولا ثلاث
والله بامتحانات الفتره و الفاينل العموم يحاتي هالماده بالذات
عندج الكيميا انا ما امشي فيه الا مع ابلة ريم
صج هالابله غثيثه شوي .. لان ما تتغشمر ولا تسولف ولا تحتك مع البنات
تشرح وتمشي
طبعا هالشي احنا ما نحبه حلاته الابله حبوبه وتعامل البنات جنهم خواتها وجذي
بس همن اححححبها والله
تشرح تفهمج وصج تحسين قاعده تدرسين كيميا
وعندج ابله ايماان .. هذي نايمه بالعسل لووول ..
واكثر من مره صار بينا تج
مع اني هاديه ومالي حس الا هالابله وايد بطيت جبدها لوول
طبعا منها مو مني .. يعني ماتعرف تسكت البنات ولا تعرف تشرح
انا ماخذه الحصه احتيااط .. لعب وبس
بس والله ع كل هذا ما تحقد ولا تشيل بقلبها
وتعطيج درجاااااات كااامله .. ماتقصر
يعني ضامنه درجاتج منها وحطيلج مدرس خصوصي .. تييبين فل مارك
وهمن باجي الابلات حدهم تمااام ..
والفيزيا مالج الا ابله نهاد ..
تفهمممج وتحببج بالماده
تشرح بضمير وقبل الامتحانات اسبوع كله مراجعات اللي ماااله داعي تدرسين ببيتكم
تفهمج وتحفظج وربي
عجيييييبه بالتدريس
بس كَ اسلوب مو شي مع اللي مو مهتمين وجذي
ولا اللي كله درجاتها نازله .. تحرجها جدام الكل
هالشي يكرهنا فيها
بس تحببج بالفيزيا والله .
قسم الانجليزي رئيسة القسم اتينن
بس لا تسمعين صراخها ع البنات ولج يصير زلزال بالمدرسه ههههههههههههههههه
الكل يقول شفيها هذي وربي مينونه
بس حبووبه و تراعي البنات بكل شي
وباجي الابلات شي
بس التونسيين وييييييييييييييع
كلهم ربع وكلهم نفس الطقه
تمصلحي معاهم خلج رفيجتهم تمشين ..
غير جذي ما ينفع :/
ووو عندج الاحياء والجيولوجيا كللللللهم عسسسسل والله
رئيسة القسم اتينن
والابلات كلهم ماشالله .. يعطونج درجات كامله ويفهموون
امممم شنو في بعد
والله خوش شي هالمدرسه
بس لازم تديرين بالج من الرياضيات ووبس
الباجي لا تحاتينه
والله يوفقج ..
