- إنضم
- 8 مايو 2011
- المشاركات
- 341
- مستوى التفاعل
- 0
- النقاط
- 0
- العمر
- 51
مرحبا خواتي العضوات .... انا حابه أتناقش معاكم بخصوص شرف بنات خلق الله ، وانا مني وحده ما سلمت من القذف بس ما بينت حق احد هالسالفه ، وهالسالفه طاف عليها سنتين والى اللحين تحوس في قلبي .
الله يسلمكم انا من تزوجت وانا حسره عليي السفر زوجي مو راعي سفرات واذا نوى على سفره سافر مع ربعه ... وانا اشكثر كنت احن على ريلي بس ماكو فايده.. اخر شي غزمت على سفره مع صاحبتي من بعد ما اخذت موافقة زوجي ... بالموت بالحسره يالله وافق .
طبعا أنا اهني بروحي قعدت اراكض على مكتب السفريات وريلي كاشت فيني ، المهم أنا لما رحت المكتب عشان اسجل مع اقروبات تلاقني واحد الله العالم يمكن يقرب حق راعي السفريات ، وطبعا أنا جابلت الريال وقعدت استفسر عن هالسفره من الألف الى الياء وسجلت اسمي واسم رفيجتي مع قروبات ، وصار في اتصال بالتلفون بيني وبينه بخصوص الحجز والفيزا ورجعت مره ثانيه السفريات عشان دفع الفلوس .
ولما صار حزت السفره وعلى اساس ان ريلي بوصلني المطار ... ما اوتعيت الا ريلي قطني عند باب المطار ومشى .. ما تنزل حتى يشيل جنطتي ووصلني داخل المطار ( ريلي صاكه فيه الدنيا ليش بتركه وبسافر ) ، عكس رفيجتي اللي ريلها معاها الى اخر لحظه .
المهم ما ابي اطول عليكم ....سفرتنا هذه فيها تنقلات من منطقه الى منطقه وطول السفره أنا ورفيجتي سوالف ضحك وغشمره .. والهريال بس يراكض ورانا وكانت له نظرات خاصه لي انا ، ورفيجتي تقعد تنقزني وتطنز على الريال ونقعد نتضحك انا وياها .
ما اوتعيت الا حرمه ويانا بالقروب جارتلها وحده وتحط راسها براس الحرمه ويطالعونا ويتساسرون .... طبعا انا حسيت بحركات هالحرمتين وعلى قولت الشاعر اللبيب بالإشارة يفهم ، وباين انهم امصنفين عليي انا لانهم ما يدرون ان عندي ريل ، بس انا ما بينت حق رفيجتي عن حركات هالحرمتين ، ورفيجتي الله يهداها من شطانتها كانت دايما تقول لي امشي خل نمره يمه ، امشي خل نروح نستفسر عنده ، بس ترى شطانتها على حسن نيه ، والهريال حركاته وتصرفاته تدل على ان اهوه ناطرني ابادره والحرمتين عينهم عليي وعلى الريال انا بسميهم المخبر الخاص التحريات جاريه عندهم .
وعلى نهاية السفرة وكان باقي يومين على نهاية السفره صار في حجي بيني وبين رفيجتي وتفارقنا عن بعض ، واضطريت اني اروح بروحي حق هالريال عشان كان عندي استفسار عن موعد روحتنا حق المطار ، والتحريات لازالت جاريه عند هالحرمتين قصدي المخبر الخاص .
ورجعنا ديرتنا بالسلامة وكانت هذه احلى سفره عندي ... والحرمتين والله انهم مو هاميني لطالما اني الحمدلله صاينه شرفي وعندي وفاء حق زوجي ، ( طبعا بالتالي اتضح لي ان هالريال من الوسط الرياضي بس مو لعب كره ، وباين ان اهو ضايق اللهوس ومطيح عدل مع البنات )
ومع مرور الايام وفي شهر رمضان الكريم ... لما رحت المسجد حق العشر الاواخر واتصادف مع وحده من الحرمتين ... المره طقتها البوهه لما شافتني مع بنتي ولا كنت وقتها حامل ، ما ادري شنو كانت نيتها عليي انا اللي اتفاجئت لما شافتني مع بنتي .
وصدقوني يا بنات اللي ايتكلمون بشرف بنات خلق الله ترى يرد عليهم ويشوفنه في بناتهم ، وانا توني اليوم سمعت ان في وحده متكلمين بشرفها ... هالوحده هذه ياما وياما اطعنت وتكلمت على البنات والحريم ، وشوفوا اللحين شلون رد عليها ، والله سبحانه وتعالى نهى عن قذف المحصنات والزانيه عليها اربع شهود .
يلا يا بنات عطوني رايكم باللي يطعنون بشرف البنات سواء البنت امسويه شي او لا ؟؟؟
التعديل الأخير:
)
