الطريقه الصحيحه لتنظيف صدور الدجآج واللحــم المفروم ..

[لبـى قلبـي]

السلآم عليكــم ورحمة الله ..


أولاً ,
العيد عليكــم مبآرك قبل الزحمه .. :eh_s(7):


وثآنياً ,
يآليت كل وحده تكتب طريقتهآ بتنظيف صدور الدجاج واللحم المفروم ..

لأني كل ماسألت كل مره القى جوآب مختلف ..!

:eh_s(10):






المآآآيك لكــم ..

 

[sara1963]

اللحم طبعن ينغسل في المصفاة الناعمة

بس المصفاة حقتي بلاستك
الدجاج انظف من بعض الريش برضو بقايا جلد الخارجي الي يمسك الريس لونه اصفر تقريبا
برضو انظفها من داخل فيها تجويف انظف واشيل باقي الاحشاء
ماعندي صور توضح شو اقصد بالظبط بس فيه تجويفات من داخل انظفها
والي مابيه من الدجاجة الي هي الرقبة اشيلها برضو
البتاعة حقت الدجاجة هههههه ماعرف شسمها بس اكيد وصلت المعلومة
ان شاءالله افدتج حبيبتي

 

[جارة القمر]

تفضلي طلبك::
http://www.q8yat.com/t289066.html

 

[انثى الكويت]

انا بخصوص اللحم المفروم
اييب اللحم واغسله بالماي عادي عشان انزل الدم
بعدين اكون مجهزه ماي مغلي عالنار احط اللحم فيه بو خمس دقايق يغلي بس مو اكثر
تعالي شوفي الدهن وباجي الدم يطلع ولون اللحم تحسينه صار نظيف ماكو اي الوان فيه
اول شي هالحركه اسويها عشان اتاكد انه الدم طلع
ثاني شغله ماعمرج راح تذوقين زفره فيها لان انا عاد اصفيها وبعدين احمسها على طريقتي مع البصل والبهارات والخضره






الدياي انا استخدم المثلج من غير احشاء
ايييب الدياي بعد ما فجت من الثلج

اهيا نظيفه بس شسوي اقص مؤخرتها بسجين والرقبه ما احبها واقصها بالنص عشان اتاكد من داخلها مافيها شي
واذا لقيت شي خيوط احكهم بالسجين

بعدين ايييبها وافركها بملح واغسلها عشان الزفره وامي معلمتني افركها بطحين بعد
بو مرتين ثلاث وبعدين حطها بماي نظيف وملح واكون مفركتها بطحين للمره الثالثه واتقعها بس سبع دقايق او عشر بالكثير
بعدين اغسلها
عاد تبين تفوحينها تتبلينها بطريقتج او حسب الاكل



وان شاء الله اكون ساعدتج انتي والبنات

 

[لبـى قلبـي]

Sara
مشكوره حبيبتي ..
كفيتي ووفيتي ..


جآرة القمر
جزآك الله كل خير ..



انثى الكويت
ماشاءالله شرح وآآآآضح ..
تسلمين والله ويعطيك العآفيه ..

 

[لبـى قلبـي]

طيب بنآت وكيف على صدور الدجاج الجآهزه ..
الي بدون عظــم ..

نفس الطريقه ..!

 

[noynoy]

صدور الدياي اللي بدون عظم و جلد
غسليهم بماي بارد بعدين نشفيهم بكلنس
حطي عليهم ملح و فلف اسود و كركم شويه و طحين و خليهم ساعه او نص ساعه
و ردي غسليهم و نشفيهم و استخدميهم مثل ما تبين

 

[queenbeeuty]

يسلمووو