الطب المساعد هل ممكن نحول منه للطب أو نزيد سنوات الدراسة ونتخرج طب؟؟

[ابداع x ابداع]

السلام عليكم بنات

مثل ما شفتوا انا بخاطري ادش طب لو طب اسنان
بس تهقون لو ادش طب مساعد احول منه للطب؟؟
وشنو الكلية اللي اقدر احول منها للطب ؟؟

وشنو تخصصات الطب المساعد؟؟ يعني شنو؟؟

بنات للعلم ان نسبتي 84 ع تكفون ساعدوني

 

[~ miss NERD ~]

ما عندي اي فكري عن التحويل
بس تخصصات المساعد اهي مختبرات و علاج طبيعي و أشعه و تغذيه
بس مو متأكده من التغذيه
ياالله اموفقه ان شاء الله

 

[JaN JaN]

نفس الحاله شنو تخصصات الطب المساعد؟؟؟
اب
اب
اب

 

[RS___RS]

الطب المساعد تخصصاته خمسه علاج طبيعي و اشعه وتحتها يندرج يا طب نووي او اشعه تشخيصيه , و مختبرات طبيه و اداره معلومات طبيه و فيه تخصصين يدد راح يفتحون العلاج التأهيلي واتوقع يفتح قريب و العلاج التنفسي بس هذا راح يطول على ما يفتح...
و اي سؤال حاضرة

 

[عرموشة]

شلون الدراسة فيه صعبه ولا اقدر امشى نفسي فيها

 

[مخلصة للاسلام]

انا كنت بطب مساعد وشاطرة بعد بس كنت ابي احول طب بس هم مايقبلون لا شوي 5 او 10 يعني اشوي وبس يقبلون التحويل للصيدلة



والطب المساعد حييييييييييييييييييييييييييل صعبة :0bee2e8d89:كانج بالطب حيل صعبة

وتخصصاتها حيل عادية نفس اللي يدرسون بالتطبيقي بس الفرق الشهادة تخيلي تدرسين 4 اسنين وتنكرفين:tomato2: و هذا اذا تخرجتي ب4 سنين انا اول وحدة حولت منها
البنات كلهم ازعلو رفيجاتي و الدكاترة بعد كورس الا كل البنات رفيجاتي وبنات كنت ما اعرفهم حولو تقريبا نص البنات فانصحج استخيري واسالي عمادة القبول بالطب نفسة عن التحويل لاني متاكدة ان بس يقبلون صيدلة وبعد بمعدلات حيل مرتفعة ​

 

[soosoo_q8]

يعني شنوو بس يقبلوون صيدله

يعني اذا ييت اسجل عادي احد مع الخيارات صيدله وبعدين احول طب والا شنو قصدج ؟؟

 

[~ miss NERD ~]

أول مره أدري انه يصير احول
عاد الصيدله بعد خوش تخصص
بس آنا بعد ودي طب أسنان أو جراحه
يا رب توفقنا و ننقبل بالطب

 

[RS___RS]

شلون الدراسة فيه صعبه ولا اقدر امشى نفسي فيها

الدراسه يبيلها مجاااابل مو هينه و مو مثل الثانويه ابدااا!! و كلها طبعا بالانقلش و موادنا اول سنه بالعلوم غثيثه و صعبه لان دكاترة العلوم مو شي و دوامنا كرررف و طوييل و لابات و حوسه! و من سنه ثانيه نبدا ناخذ المواد بكليتنا و هم دوامنا طويييل و من سنه ثانيه نعتبر نظام سنوات يعني اي مادة نسقط فيها نغرز سنه لووول:krkrkr:
و المواد مو سهله شربه ماي!! لا فيه مواد عاديه و فيه مواد مادري شقولج ماكو شي يوصفها:cxxxp:

 

[مخلصة للاسلام]

بنات انا اقولكم ومتاكدة بعد بس اتحولين صيدلة من الطب كلها ومو بسهولة لازم تاخذين امتياز عشان اتحولين يعني مستحيل لان البنات حيل شا طرات وجيدات بعد يعني مستحيل ههههههههههههههههههههههه واحلى تخصص المختبرات بس والعلاج الطبيعي حيل صعب اما السجلات مو شي

 

[عرموشة]

الدراسه يبيلها مجاااابل مو هينه و مو مثل الثانويه ابدااا!! و كلها طبعا بالانقلش و موادنا اول سنه بالعلوم غثيثه و صعبه لان دكاترة العلوم مو شي و دوامنا كرررف و طوييل و لابات و حوسه! و من سنه ثانيه نبدا ناخذ المواد بكليتنا و هم دوامنا طويييل و من سنه ثانيه نعتبر نظام سنوات يعني اي مادة نسقط فيها نغرز سنه لووول:krkrkr:
و المواد مو سهله شربه ماي!! لا فيه مواد عاديه و فيه مواد مادري شقولج ماكو شي يوصفها:cxxxp:

مشكورة يا قلبي وانا علي فكره عمري 37 يعنى مو صغيرة بس توني ادش الجامعه واخاف تكون صعبه علي يا ريت توضحين لي شلون غثيثة

وانا مو مشكله اجابل الدراسه بس مو قويه بالانجليزي وابي ادش معهد لغه علشان اصير احسن

وادري دوختج بس شنو تنصحينى اروح له وانا نسبتى 81,47 علمي

 

[مخلصة للاسلام]

مشكورة يا قلبي وانا علي فكره عمري 37 يعنى مو صغيرة بس توني ادش الجامعه واخاف تكون صعبه علي يا ريت توضحين لي شلون غثيثة

وانا مو مشكله اجابل الدراسه بس مو قويه بالانجليزي وابي ادش معهد لغه علشان اصير احسن

وادري دوختج بس شنو تنصحينى اروح له وانا نسبتى 81,47 علمي

انا اقولج طب مساعد سهل بس يبيلة دراسة ولازم لازم لازم لازم :ggdw::ggdw: اتعرفين انجليش عشان تمشين

 

[عرموشة]

انا اقولج طب مساعد سهل بس يبيلة دراسة ولازم لازم لازم لازم :ggdw::ggdw: اتعرفين انجليش عشان تمشين

مشكورة يا قلبي علي الرد بس تدرين في وحده من البنات تقول ان معاشتهم ما تسوي المدرسات معاشتهم احسن وبصراحه حسيت بالاحباط

كل هالدراسه ومعاش ما يسوي شنو رايكم يا بنات

 

[عرموشة]

وينكم بنات

 

[ابداع x ابداع]

بنات اللي يبي يبرز نفسه بين العالم لازم يدرس وكل كليات الكويت يبيلها دراسه واحنا لازم نتعب .

خلو انا احنا ندرس السؤال المهم اهواا؟؟

هل لما نتخرج من الطب المساعد ينقالنا لقب دكتورة ؟؟

هل الدوام بعد التخرج شفات او مسائي ولا بس صبح ؟؟

هل معاشاتهم قوية؟؟

ياريت اللي تعرف احد تخرج منه تسأل او تقول لخوانها يسألون

بنات ساعدوا بعض مابقى شي على التسجيل اذا زينه بنحظها رغبة اولى

 

[RS___RS]

شوفي الدراسه مرات احس سهله و زينه مرات لا مو هينه ما اقولج تعجيزيه لا عادي بس المشكله بالدوام حيييل طوويل و غير جذي و المحاضرات طوويله مرات تكون ساعتين و مرات 3 ساعات..المشكله الاساسيه بهالكليه اهي لما تتخرجين تنصدمين بالشغل! لان جد جد متعب الشغل بالمستشفى و ما تحسين انج تتميزين عن غيرج... و صاجه اختي(مخلصه للاسلام) البنات اللي يدشون الكليه اكثرهم متفوقات و ماشاءالله شاطرات حييل.. يعني لو بتحولين و فيه جم بنت بيحولون لااااازم تشدين حييييلج لان مقاعد الطب حيييل شويه و شروطهم تقريبا كل سنه تتغير يعني من الحين روحي حق العميد المساعد للشؤون الطلابيه مال كليه الطب وسأليه لا تروحين التوجيه والارشاد لان صراحه يلعوزون و بعض الموظفات ما تعرف شي و تعطيج معلومات غلط!!و التحويل للصيدله اسهل من الطب لان مقاعدهم اكثر يمكن حوالي 20 مقعد و هم شكثر بنات حولوا معانا للصيدله بس اتاخروا سنه على ما حققوا شروط التحويل... و اذا عللى المعاشات بكليتنا تخصص العلاج الطبيعي من 900 و طالع و الاشعه 870 و المختبرات و اداره المعلومات ما عندي خبر عنهم بس ما اتوقع اقل من 800 ... و المسمى الوظيفي فني بس مع الترقيات يتغير حسب كل تخصص.. و الشفتات تعتمد على كل مستشفى فيه مستشفيات تعطي شفتات العصر وفيه جم مستشفى يعطي شفت لي 7 بليل.. و ما اوصيكم استخيرووا عددل و الله يوفقكم ان شاء الله

 

[ابداع x ابداع]

زين بسألج يا عمري بما ان عندج خبره يعني

بالنسبة للعلاج الطبيعي يعني انا اشوف لما اروح المستشفى يقولولي دشي على الدكتور مال العلاج هل هذا اهوا اللي ندرسه احنا ولا احنا اللي داخل اللي يدلكون؟؟

 

[RS___RS]

زين بسألج يا عمري بما ان عندج خبره يعني

بالنسبة للعلاج الطبيعي يعني انا اشوف لما اروح المستشفى يقولولي دشي على الدكتور مال العلاج هل هذا اهوا اللي ندرسه احنا ولا احنا اللي داخل اللي يدلكون؟؟

لا هذاك دكتور طب و تخصصه العلاج الطبيعي.. ولووول للحين الناس علبالهم العلاج الطبيعي تدليك!! لا احنا الفنيين اللي نسوي التمارين مالت العلاج حق المريض..

 

[~ miss NERD ~]

أمبيه توني استوعب شنو علاج طبيعي
على بالي تدليك ويا ويهي

 

[ابداع x ابداع]

زين هل ممكن اننا نزيد سنوات الدراسة ونصير دكاترة

<<<< غصب اصير دكتوره