الطبيبات كلهم عوانس ..!

[بعثرات فكر]

بسم الله الرحمن الرحيم
السلام عليكم ورحمه الله وبركاته​

شلونكم شخباركم ..​

أمس و أنا أسولف مع بنت عمي عن الطبيبات
و وحده من بنات عمي ودها تصير طبيبة
فقالت لها بنت عمي الثانية ترى الطبيبات يعنسون ببيوت أهلهم
عشانها تشتغل طبيبة وذكرت لي قصة عن وحده من الطبيبات بمنطقة داخلية
كل من يتقدم لها لا عرف انها طبيبة تراجع عن الخطبة
فهل القصة تنطبق على جميع الطبيبات ؟؟!!​

والسؤال السابق موجهه لكل من تعرف طبيبة أو هي طبيبة ؟؟!
أو من هي أم أو أخت أو قريبة لولد يريد الزواج .،هل يرفض الزواج من طبيبة ؟؟​

للعلم أنا مو بعثرات فكر أنا أختها :wqedqw:​

بنتظاركن عزيزاتي :eh_s(7):​

 

[اخت هنآدي]

رد : الطبيبات كلهم عوانس ..!

شغله شرريفه وماشوف فيه عيب
اشتغل من عرق جبيني واصرف على نفسي ولا منت احد محد دايملج لا ابو ولا اخو ولا ولد
والنصيب مايعرف لا طبيبه ولا مهندسه ولا بنت قاعد بيت اهلها
وصلنا 2010 ولليلحين في ناس متخلفها بهالسوالف والله انا بالنسبه لي لو تشتغل بالبيوت احطها فوق راسي لانها تفكر صح
احسن من قعدت البيت والطرارة ...؟؟؟

 

[monmon12]

لااااااااااااااااااااااااااااا

اما اعرف وايد بنات طبيبات متزجين وعندهم عيال شكووووو

ولا متزوجين من ايام كانو طلبة طب

شنو هالتفكير خبيتي هذا كلام حره ما يبون البنت دش طب

 

[بعثرات فكر]

رد : الطبيبات كلهم عوانس ..!

شغله شرريفه وماشوف فيه عيب
اشتغل من عرق جبيني واصرف على نفسي ولا منت احد محد دايملج لا ابو ولا اخو ولا ولد
والنصيب مايعرف لا طبيبه ولا مهندسه ولا بنت قاعد بيت اهلها
وصلنا 2010 ولليلحين في ناس متخلفها بهالسوالف والله انا بالنسبه لي لو تشتغل بالبيوت احطها فوق راسي لانها تفكر صح
احسن من قعدت البيت والطرارة ...؟؟؟

مشكورة على المرور
وأنا أتفق معاج ..
ولا كتبت هالموضوع إلا لأني استغربت الكلام اللي انقال عن الطبيبات ..

 

[بعثرات فكر]

رد : رد: الطبيبات كلهم عوانس ..!

لااااااااااااااااااااااااااااا

اما اعرف وايد بنات طبيبات متزجين وعندهم عيال شكووووو

ولا متزوجين من ايام كانو طلبة طب

شنو هالتفكير خبيتي هذا كلام حره ما يبون البنت دش طب

اختي بعثرات فكر تتفق معاج وتقول : ان مايقول هالكلام إلا ناس محتره
تسلمين ع الرد

 

[D a m a s]

كلام فاضي الدكتوره موظفه حالها حال المهندسه والمدرسه

صج انها تاخذ خفاره بس مو كل يووم ، وماأعتقد إن هالشي يأثر على موضوع زواجها

احنا الحين بالقرن 21 والناس تطور تفكيرهم وياكثر الطبيبات اللي نعرفهم متزوجين وعايشين حياتهم عادي !!

 

[جروح خالده]

رد : الطبيبات كلهم عوانس ..!

لاااااا اشدووعوه

الطبيبه تقدر اضبط وقتها ويكون فتره صباحي او لي 6 مساء

وشكويعنسوون شكثر دكاتره ومنهم بنت عمي ماشاءالله مزوجه وعندها اعيال

 

[فـــخـــر]

يمكن اللي يرفضونهم شهاداتهم اقل علشان

جذي مايبي زوجته شهادتها اعلى منه

 

[المرتاحة]

صح في طبيبات وايد مو متزوجات

يمكن لان الرياييل بمجتمعنا متحكم بالمرأه و بعض الرياييل ما يرضون ان زوجاتهم يداومون خفارات

واعتقد هذا تخلف في تفكير بعض الرياييل

 

[دكتوره شيري]

رد : الطبيبات كلهم عوانس ..!

والله هني عندنا بالسودان طبيبه مهندسه معلمه كلللله واحد ماشاءالله يتزوجون...والنصيب يجي حتى لو الواحده صارت وزيره انا
طبيبة اسنان وباذن الله زواجي بعد 4 شهور والعقبى لكل العزوبيات ياااا رب

 

[ترانيم القصيم]

رد : الطبيبات كلهم عوانس ..!

أخوي الكبير , شايل الفكرة من راسه تماماً

يبي موظّفة لكن دكتورة مستحيييييييييييييييل .. لأن مجال عملها يبي يكون مختلط ..

 

[خزنـة التايـــر]

رد : الطبيبات كلهم عوانس ..!

الطبيبات كلهم عوآنس ؟؟ تبين أقولج ليششش
أولا : يمكن الريآل مو حآب طبيعه شغل الطبيبة الا وهي الشفتات و الاحتكاك مع المرضى .
أو
ثانيا : قد تكون هذي الطبيبة وآيد يتقدمون لها و اهي ترفض بسبب ان الريآل ممكن يكون شهادته اقل منهآ >> وهذا من حقها طبعا .. فتضل عانس
وبس

 

[Leann]

رد : الطبيبات كلهم عوانس ..!

صحيح حبيبتي ترا هالشي للحين موجود ماقولج انه كلهم عوانس .. بس وايد شباب وقت الخطبه يقول مابي دكتورة لان نظام عملها وايد طويل ..

بالنسبه حقي انا باقيلي سنة و اتخرج و اصير طبيبه و الف الحمدلله عرسي بعد 4 شهور .. بس هم في وايد بنات دكاترة اعرفهم ما يالهم نصيب من شغلهم مع انهم حلوين و ما شاء الله ماكو عليهم

و على فكرة في بالكويت مستشفى معروف ماراح اقول اسمه .. :O_SHH_: بس الدكاتره الحريم اللي فيه اغلبهم عوانس و حتى احنا طلبه الطب لمن اتيي دكتوره من هالمكان تدرسنا الشباب يقوولون ويييه عوانس المستشفي الفلاني يايين لنا

المشكله في عقليه شبابنا المتخلف ما يبون وحدة مثقفه و احسن منهم استغفر الله ..

 

[ريماس21]

رد : الطبيبات كلهم عوانس ..!

شوفي نصيبج يجيج لو شنو ما يصير

فما له شغل الوظيفه

اذا هذا طموحها خل تحققه

 

[ما كو اسم]

بالعكس انا ملاحظه كل الطبيبات سواء زميلاتي ايام الدراسه لاني كنت طب وحولت او اللي اروح لهم المستوصف ولا في العايله كلهم متزوجات ومرت اخوي كانت طب وحولت ........... بعني نصيب

واللي قالت ما تبيها تدش طب . وهي ضامنه زواجها اذا مادرست طب او يمكن تتزوج وما تتوفق . اقول خل تدخل طب الحين وصير خير

 

[بدورة القمورة]

الي اعرفه اانه نصيبهم قليل مايتزوجون بسرعه

 

[q8_84]

1- بسبب الشفتات وان ممكن يتصلون فيها باي وقت للطوارئ

2- الاغلب ما يحبون زوجاتهم اعلى منهم بمستوى التعليم

3- بحكم ان عملها مختلط حيل و بعضهم ما يتقبل ان ممكن زوجته تكشف على رجاجيل

 

[مملوحة_الوصايف]

رد : الطبيبات كلهم عوانس ..!

اممم شوفي اهو صحيح وايد مو متزوجات منهم يمكن لان الطبيبه اغلب وقتها يكون بشغلها او مرات اذا في نواقص يدقووون على اي وحده تمسك مكان الثانيه شكثر اروح مستوصف وتكون وجه جديد اسألها تقوولي انا بدال رفيجتي ولا بدال وحده عادي اوو يمكن عشان المرضى ممكن يكونون ريايل وبكل الاعمار بس هم هذا مو عذر او هم مووو شرط يعني انا اعرف وحده دكتوره متزوجه وعندها عيال بس انا احس انها تكرهه داومها كله معصبه هههه والصراحه تخلف الي يفكر جذي انا اشووف انه بالعكس كافي انها مهنه انسانيه او وظيفه قويه

 

[FeShinGoOo]

رد : الطبيبات كلهم عوانس ..!

يمكن لان شغلها ياخذ كل وقتها ويمكن يكون شفتات ,,
الصراحه ماعندنا دكتوره بالعايله بس اعرف زوجة ارفيج زوجي << فججيها

 

[بعثرات فكر]

رد : الطبيبات كلهم عوانس ..!

أشكــــــــــــــــــــــــــــــــــر

الجميع]...~

للمرور الذي عطر متصفحي