الطامة الكبري في مدرستنا وينج يا وزيره؟؟؟؟؟؟

[أريام الكويت]

تكفون اردي شي صار في مدرستنا المديرة منزلة استبيان حق منو ولمنو تخيلووووووووووووو استبيان للطالبات


تقيم فيه معلماتها تخيلو الطالبة تقيمني وتقيم حصتي ووقفتي تكفوووووون شسوي انا واثقة من نفسي بس

المشكلة شيكون موقفي جدام طالباتي والله الهيبة راح تروح للمعلمات اذا الطالبة بتقيمني

شسوي عطوني حل تكفون لا تخلوني اروح حق منو واشكي حق منو لا والقهر ان صاحبة ا

الاستبيان معلمة مصرية شوفوا شلون انذلينا بديرتنا اخخخخخخخ يا وزيرة وينج من معلماتج لا

تخلوني شوروا علي

 

[قفشـه]

رد : الطامة الكبري في مدرستنا وينج يا وزيره؟؟؟؟؟؟

عشان استبيان انذلينا بديرتنا شدعووووه!

ليش اهو غصب والا اجباري!

استبيان من معلمة تقدرين ترفضينه وانتي مو ملزومه فيه نهائيا قولي لا

وشوفي اذا احد قدر يجبرج!!

 

[أريام الكويت]

رد : الطامة الكبري في مدرستنا وينج يا وزيره؟؟؟؟؟؟

اجباري علينل بس والله اني ما راح اسويه واللي بيصير بيصير

 

[قفشـه]

رد : الطامة الكبري في مدرستنا وينج يا وزيره؟؟؟؟؟؟

صدقيني مستحيييييييييييييييل يكون اجباري

مافي قانون يلزم

واساسا غلط الطالبه تقيم معلمتها بأي شكل من الاشكال هذا اللي اعرفه

ان شالله البنات للي يعرفون بالقوانين يفيدونج اكثر

 

[عزتي مالها حد]

رد : الطامة الكبري في مدرستنا وينج يا وزيره؟؟؟؟؟؟

والله مصخره

طالبة تقيمني انا , ولاااااااا الفكرة فكرة معلمة مصرية اللي مايعطون بضمييير عشان ينجبرون الطلبة بأخذ درووووس خصووووصية

 

[اريج الجوري]

رد : الطامة الكبري في مدرستنا وينج يا وزيره؟؟؟؟؟؟

امبيه من صجها ناظرتكم ؟؟؟


لا يبه قولي ما راح اسمح بتوزيع الاستبيان بحصتي ,,,



واللي بتسويه خل تسويه مادام الورقه مو قانونيه ,,,


والله طرطره ويلومونا يوم زهقنا من التربيه ,,,

 

[بنت الكويت 25]

اريام وين الغلط اذا صار في استبيان تقييم بالكليات والمعاهد قاعد يصير تقييم على الدكاترة وبالعكس احس ان هالشي صحي مافيها شي لو صار

تقييم على المدرسات هذا رأيي

 

[ليالي نجد]

قمة المصخره حسبي الله ونعم الوكيل

اطلبي من كل طالبه تكتب اسمها ولايكون الامر عايم علشان البنات ماينتهزون الفرصه ويقعدون يبدعون ويتشيحطون قدام بعض على حساب الابله المقروده

بس هذي الامور تحتاج اذن رسمي من المنطقه مو بكيفها تسويه !!!

 

[شيخة الغيد]

بالعكس احس احسن من يقيم المعلمة طالباتها و اذا فيه وحده و الا ثنتين بيخربطون بس اكيد المعلمة الكفو بيبين من استبيانها
لما كنا بالجامعه احنا اللي نقيم الدكاترة و انا متاكده انه قمه بالعداله
للن الموجهه و الناظره بتحضرلج مره و يمكن يكون عندج ظرف
اما البنات فاهما اللي شايفينج بكل حالاتج
و هالتقييم مو رسمي يمكن يكون مثل اختبارات المسح يعني استطلاعي

 

[درة أهل الطولات]

رد : الطامة الكبري في مدرستنا وينج يا وزيره؟؟؟؟؟؟

ليش عادي

اخلي بناتي يقيموني

ويقيمون طريقتي

ليش لا ؟؟

 

[فطووومة]

اهو صحيح ان بعض الطالبات ما ينعطون وجه وعلبالهم اهم كل شي :bbbiu:

بس مافي شي الاستبيان مادام الابلة شايفه شغلها ومعطيه من قلب

ولا يكون اهو الاساس في التقييم

 

[وجدان الكويت]

عادي مافيها شي حبيبتي

كنا باالجامعة وكاوا يعطونا استبيان نقيم فيه الدكاترة والدكتور يكون واقف عادي لايزعل ولا يعصب

 

[قفشـه]

رد : الطامة الكبري في مدرستنا وينج يا وزيره؟؟؟؟؟؟

الاستبيان من الجامعه بفرق عن التعليم العام

الجامعه البنات كبار

اما التعليم العام مراهقات يبون يلعبون وينحاشون عن الحصه

فراح يقيمون الابله الزينه اهيا اللي تخليهم يشاغبون

والشينه اللي تزفهم وتضبط الصف

 

[Lilly - KSA]

طيب عادي ليه زعلانه !!
انا بالجامعه وزعوا علينا استبيانات نقيم فيها الدكاتره
بكل نهاية ترم يعطونا استبيان تقييم
اعتقد هالشي عالميا يطبق
بالعكس اصلا هذا الصح ان المعلم يتقيم من الطالب
لان شغل المعلم بالنسبة للمدير صحيح ومايشوف عليه شي اداريا
لكن الطالب هو اللي يعرف اسلوب المعلم وطريقة شرحه وتعامله
انتي ماعليك من التقييم مين مسويه ومن راح يعبيه
انتي عليك من اللي بيفرز التقييم ويحلله
ان شاء الله يكون تقييمك توب
قوود لك

 

[حجيه هيونه]

رد : الطامة الكبري في مدرستنا وينج يا وزيره؟؟؟؟؟؟

يتراوالي عادي مايحتاج كل هالثوره

 

[وزيره الخارجيه]

عادي انا بالكليه واقيم دكـــتــور واهو يكون واقف وعادي عنده ويشرطون لاتكتبون اسماءكم يعني اذا انتي واثقه من شرحج بالعكس تقبلي الوضع

 

[ضحـاوي]

الاستبيان ماراح يقدم ولا ياخر في تقييم الابله

 

[أريام الكويت]

رد : الطامة الكبري في مدرستنا وينج يا وزيره؟؟؟؟؟؟

يا ناس افهموني انا ادرس مراهقات بالثانوية بس المهم عندهم لبس ومكياج الابلة والله ما راح يقيمون عدل انا زعلانة عشان التقييم راح يروح المديره يعني المعلمة ما راح تستفيد شي غير انها طاحت هيبتها وما راح تعرف شنو قالوا عنها ومن بنود القيم هل المعلمة عادة درسها عدل ومحضرة عدل والاهداف السلوكية صح انزين اشدرا الطالبة وشعلمها علي صياغة الدرس والله بنود سخييفة وتفشل والله لو انها تقييم صحيح انا اول وحدة اطبقة وانا ما امدح بنفسي بس الهيبه راحت ما دام تقيمني طالبة

 

[Lilly - KSA]

لاتخافين ..يعني اذا انتي كويسه والمديره تعرف كفائتك
هل تقييم الطالبات بيغير شي؟
واكيد هي عارفه الطالبات وعارفه وش يهمهم يعني ماراح تكون سطحية لهدرجة
ياااكثر مابنات جامعتنا حطوا تقييم الدكاتره بالنازل
وماتغيرو هالدكاتره نفسهم نفسهم كل ترم وماسكين نفس الماده
لان الوكيلة او المديره عارفه ان هالماده محد يعرف لها غير هالاستاذه او ان كفاءة الاستاذة مايأثر عليها هالتقييم
وسعي صدرك يا أبله أريام

 

[اقلام]

يعنى ويش بصير في اسوا الاحوال .. يعنى بفنشونك .. اكيد لا .. اللى فى الجامعه ما قدروا يسوون شى في الدكاترة وهو مجرد تعبير .. واكيد الطلبه ما بيعرفون التقييم علشان تخافين .. لا تهولين المسئله وتعطينها اكبر من حجمها وكوني واثقه .. وهونيها بتهون