الصيام في اوروبا

[احلى اسم]

بنات منو فيكم سافرت الى اوربا في شهر رمضان وباسالكم عن مواعيد الافطار
لاني عرفت انهم يفطرون الساعة 9او عشر بليل وفي هولندا يفطرون على توقيت مكة
الي عندها معلومة ياليتها تساعدني .

 

[<miss botamba>]

http://www.islamicfinder.org/world.php?lang=arabic

هالموقع فيه تقريبا اغلب الدول بالعالم اختاري الدوله وضغطي عليها ويطلع لج مواقيت الصلاه واماكن المراكز الاسلاميه

 

[احلى اسم]

مشكورة على الرد مو هذا قصدي انا اعرف انه موعد الغروب الساعة 9.45م ففي هولندا يفطرون على توقيت مكة
لانه متعب الصيام في اوربا فابي منو عندها معلومة على الفطور
او سافرت في رمضان وشنو سوت

 

[<miss botamba>]

اي بعد كل واحد ملزوم يصوم على المكان الي اهوا فيه وبالعكس على جوهم ماكو تعب ذاك الزود

واهما الشمس تشرق مصيف فعادي يمديج تتسحرين فما تيوعين

 

[~{GooShTa}~]

و الله انا السنه اللي طافت برمضان كنت بلندن و كان عندي امتحان .. و الصراحه فطرت لانه ماقدرت ادرس و اصوم لي الساعه 10 بالليل .. و صلاة الفير بروحها كانت الساعه 3 مادري 4 !

 

[الرهف]

عادي الصيام انا قعدت اسبوعين من رمضان هناك بس كنا نصوم لساعه عشر او اقل شوي بس الامساك مع الكويت والنهار طوييييييييييييييييييييييييييييييييييييييييييييييييييل هناك بس ربج يسهل وبالنسبه للندن كان اخواني يجيبون امساكيه توزيع بمحلات العرب او المسلمين خاصه بمناطق لندن

 

[غـَربة مشآآعر ~]

من متى هولندا يفطرون على توقيت مكه
رفيجتي كانت هناك قبل سنتين وكانوا يفطرون متأخر
بس لو نفطر بدري ونآسه .. لاني بدرس هنآك بـ رمضان :eh_s(4):
ربي يسهلهآآ

 

[دلوعة أبوهآ]

حلاة صيآم رمضان بـِ بيتك

وأنا مآجربت الصيام برآ

الا انهم يفطرون متأخر يعني حدود 9 أو 10

 

[ام نواف 5]

فى فرنسا الايام هذي مانصلى المغرب الا الساعه عشر ونص تقريبا النهار طويل مره بس الحمدلله فى رمضان بنرجع للسعوديه بالنسبه للصوم عادى زوجى قبل سنتين صام هنا ما كان عنده مشكله

 

[احلى اسم]

اتصدقون الصيام عندهم افظل نتعبد بجو ايمالني ببيوتنا بعيدين عن مسلسلات رمضان
مشكورين على الردود
بس عن هولندا انا سمعت من وحدة انه اهلها ما يقدرون يتحملون الصيام الى الساعة 10م والامساك 3يتعبهم فيطرون على توقيت مكة وهذا الي خلاني استفسر .
وسالت اليوم الفتوي قال ما يجوز .​