الصوغه

[بحرينية@ماركة]

سلاام

بنات اذا سافرتو سفره ام يوميين يحتااي إتيوبون صوغه حق اهل ريلج
وخصوصاً انتي ماشريت شي رايحه بس جذي

 

[Dancing^Queen]

هلا حبيبتي تروحين وتردين بالف سلامه ان شاءالله


اشوف ان لازم ام ريلج وابوه حتا لو شي بسيط

 

[iLLuMinaTion]

الله يردج بالسلامه

 

[jooosy]

يعني اهي موسفره طويييله وسياحه وتشري
سفرة يومين وراده
انا احس ماله داعي
هذا رايي الشخصي

 

[FeShinGoOo]

مو ظروري ://///////////////////

 

[مولاي الفرج]

ماعتقد له داعي

 

[cat^q8]

حبوبة اخذي من الكويت جيسه فيها قطعة خام مع بخور

او لفة و عطر رجالي

وبس ما تكلفج حتى 20 دك

وطيبة خاطر حق خالتج

 

[++صدفة++]

آنا أشوف دام مو سفرة تشري ماله داعي
خو يومين الواحد مايمديه يسوي شي
وين بيلحق يدور صوايغ حق الناس ؟؟

 

[مألوفة]

يبا لا رحتي لهم اخدي صينية حلو معاج ومكسرات وروحي جنه ماكو شي

 

[طموحه بزياده]

@@@





حبيبتي ماله داعي لا تكلفين علا نفسج


سفرتج قصيره واكيد فلوسج محدوده وانتي اصلا مرح تشترين لنفسج



اذا ودج ومشتهيه تجيبين صوغه هذا امر راجعلج شخصيا


لكن من ناحيه لازم. انا من رايي مو لازم كلش كلها يومين وراده





سفره موفقه




@@@

 

[لبى عيونه]

أنا عن نفسي بس أجيب لخالتي ام زوجي وامي بسسس

 

[انا لحبيبي .]

على حسب الوقت ، اذا كان معك وقت بسيط بجيب شي بسيط

واذا مافي وقت ، مافي داعي

 

[اه ع قلبي]

جيبيلهم حلو مشهور بالديره اللي بتروحيلها ههههههههههههههههههههه

 

[نور وشموع]

علي حسب الظروف

 

[الأماكن]

بصراحة ماله دااااعــــي

سفرة يومين ما في وقت تشترين شي

لو تبين بس امج و خالتج ... و بس وكان الله غفور رحيم

 

[رفيعة الشآآن]

على حسب المكان الي رحتي له

وصوغة للام والخالة بس

 

[Adorable]

انا بالسفرات الي جذي اخذلها عطر من المطار و انتهى الموضوع

 

[ياروحي مشتاقه]

انا عن نفسي صوغه لخالتي وامي حتى لو شي بسيط

 

[صمت المرافئ]

ماله داعي
السفرة كلها يومين

​

 

[pusy cat]

يومين بس

لا ماله داعي