الصلاة

[travel_addicted]

السلام عليكم

شلونكم بنات ان شاء الله مرتاحين

عندي مشكلة و اتوقع ان في مجموعة كبيرة يعاني منها و ان شاء نستفيد و نلقى الحل عندكم

المشكلة اهيا زوجج و الصلاة

انا حمدالله زوجي يصلي ما اقولكم قاطعها لكن كلش ما يهمه ان يصليها ابوقتها يعني متى ما رد البيت صلى و طبعا صلاة الفير ما يقوم يصليها الصبح قبل الدوام ابي طرق تخليه يلتزم اكثر في الصلاة و تخليه حريص عليها طبعا غير النصح لانه جربت و ما فاد معاه :eh_s(11):

انا الحين ما عندي غير الدعاء و ان شاء الله الله يستجيب لي والله وايد مضيق خلقي الموضوع معنه انا عادية ما اقول اني متدينة لكن الف الحمدالله الصلاة عندي شي مهم و لازم تكون ابوقتها و اذا ما حسيت في المنبه و ما قمت حق صلاة الفير اقعد الصبح متضايقة و احس ابتأنيب الضمير ربي لك الحمد

و الله انه دايما اصلي جدامه اول ما ياذن عشان يشوفني و احط منبه حق صلاة الفير لكن ما يأثر فيه معنه انا متأكدة انه يسمعه

ودي اذا ياني عيال يشوفون ابوهم ملتزم بالصلاة و يكون لهم قدوة
الله يهديه يا رب و يهدينا و كل المسلمين

ناطرة نصايحكم بنات و ابي اشياء غير النصح و الترغيب و الترهيب

 

[رضاهم جنه]

انا الحمدلله كل الصلوات يصليها بوقتها الا الفجر وتعبت من الكلام ومالنا غير الدعاء

يقول ودي اقوم بس ما احس >>> عيار الدوام يقوم بسرعه اذا قعدته

 

[زوجة عزيز]

الله يرزقج بالذريه الصالحه ان شاء الله انا مايصلي كلش تعبت معاه وساعات يصلي قبل الاذان اقول له ما اذن يقول مايخالف ولا مايصوم بعد لين اقول له يقول انتي مابتدشين قبري لا اتحنين علي تعبت معاه كيفه جهنم تاكله

 

[G!RLooNa]

عنده بي بي ولا اي فون .. وايد تندز مسجات دينيه و قبل جم يوم ياني برودكاست انا ماتوقعت عقاب اللي يطوف الصلاه و يتهاون فيها جذي وايد حلووو و كل صلاه الواحد يطوفها شنو عقابها

دزيله فيديوات و مسجات بدون ما تكلمينه انشالله يتأثر :/

 

[ماني من الناس]

الله يرزقج بالذريه الصالحه ان شاء الله انا مايصلي كلش تعبت معاه وساعات يصلي قبل الاذان اقول له ما اذن يقول مايخالف ولا مايصوم بعد لين اقول له يقول انتي مابتدشين قبري لا اتحنين علي تعبت معاه كيفه جهنم تاكله

يصلي قبل الاذان خخخخخخخخخخخخخخخخخخخخخخ
:krkrkr:

الظاهر يبي يستبق الاجر

وصاحبه الموضوع مالج الا الدعاء

 

[أميرة زوجي أنا]

حبيبتي انتي ذكرية بوقت كل صلاة ان يصلي

 

[زوجة عزيز]

يصلي قبل الاذان خخخخخخخخخخخخخخخخخخخخخخ
:krkrkr:

الظاهر يبي يستبق الاجر

وصاحبه الموضوع مالج الا الدعاء

خخخخخخخخخخخخخ اي ماشاء الله عليه دوم سباق لفعل الخير والاجر :krkrkr::krkrkr::krkrkr::krkrkr:

 

[ماني من الناس]

خخخخخخخخخخخخخ اي ماشاء الله عليه دوم سباق لفعل الخير والاجر :krkrkr::krkrkr::krkrkr::krkrkr:

حاسبها صح الظاهر :krkrkr: واحنا يا غافلين لنا الله ههههه

 

[Cute mama]

الله يثبتكم يارب
اي حبيبتي خليه يشوفج انج ملتزمه فيها وماتأجلين ولا تأخرين اي فرض وكل ما اذن حني عليه بس مو تكرهينه فيها اهو غصبنعليه لازم يصلي
وخلج على الدعاء وعسى الله يهديه ان شالله​

 

[Cute mama]

الله يرزقج بالذريه الصالحه ان شاء الله انا مايصلي كلش تعبت معاه وساعات يصلي قبل الاذان اقول له ما اذن يقول مايخالف ولا مايصوم بعد لين اقول له يقول انتي مابتدشين قبري لا اتحنين علي تعبت معاه كيفه جهنم تاكله

حبيبتي ماعليج منه حني حني حني ليمن يزهق لوول

حلوه هذي مابتدشين قبري اصلا اذا ماقلتيله صلي بتتحاسبين الله يهديه ان شالله​

 

[سوسو الأموره]

مالج الا الدعاء وانتي ذكريه بوقت الصلاه طرشي له مسج عن صلاة الجماعه وفضلها رغبيه لا ترهبينه

والله يهديهم ان شاءالله

 

[حدى عنيده]

الله يهديه ان شاءالله

 

[أم توتو]

انا يصلي بالمسجد وساعات يدش تكرمون الحمام ويطول وتروح نص الصلاه ويروح المسجد ويرجع ليش

يقول فاتتني الصلاه إي دامنك تطول بالحمام من تسمع الاذان روح له موبالحزة واللزة ويصليها بالبيت

وافجر اقعده ويقوم وساعات يرد ينام جني امه يالله قوم ويهاوش هذا جزاتي بعد الله يهديه

 

[travel_addicted]

انا الحمدلله كل الصلوات يصليها بوقتها الا الفجر وتعبت من الكلام ومالنا غير الدعاء

يقول ودي اقوم بس ما احس >>> عيار الدوام يقوم بسرعه اذا قعدته

صلاة الفير وايد ناس عندهم مشكلة فيها لانه فيها قعده من النوم ! و عشان جذي اجرها عند الله كبير ... انا قاص عليه الشيطان و قانع نفسه انه اذا قعدت حق صلاة الفير ما اقدر ارد انام ! الصراحة عذر اقبح من ذنب و صاجه مالنا الا الدعاء

 

[travel_addicted]

الله يرزقج بالذريه الصالحه ان شاء الله انا مايصلي كلش تعبت معاه وساعات يصلي قبل الاذان اقول له ما اذن يقول مايخالف ولا مايصوم بعد لين اقول له يقول انتي مابتدشين قبري لا اتحنين علي تعبت معاه كيفه جهنم تاكله

الله يهديه ان شاء الله صج اذا الواحد شاف مصايب الناس تهون عليه مصيبته يارب تهدي ريايلنا ان شاء الله و اهم شي انه يصلي قبل الاذان لوول حلوه هذي

 

[travel_addicted]

عنده بي بي ولا اي فون .. وايد تندز مسجات دينيه و قبل جم يوم ياني برودكاست انا ماتوقعت عقاب اللي يطوف الصلاه و يتهاون فيها جذي وايد حلووو و كل صلاه الواحد يطوفها شنو عقابها

دزيله فيديوات و مسجات بدون ما تكلمينه انشالله يتأثر :/

اي عنده و ساعات ادزله بس انا حاسه انه اهوا يدري انه غلطان بس الشيطان اقوى منه لانه يحب يتناقش ابكل المواضيع و دايما يحاول يقنعني ابرايه الا المواضيع اللي جذي يحاول يتجنبها لانه ماعنده عذر فا اتوقع اذا وصله شي جذي يطوفه و ما يقراه من الخوف

 

[travel_addicted]

حبيبتي انتي ذكرية بوقت كل صلاة ان يصلي

دايما اذكره اذا كنا في البيت و ساعات يقوم يصلي الظليمة شينه لكن اذا كان طالع ما يحسب حساب الصلاة اذا كنا داشين فيلم انا اطلع اصلي اهوا ما يفكر يسوي جذي ساعات يرجع البيت مثلا قبل اذان المغرب اب 5 دقايق و يكون ليما الحين مو مصلي العصر جذي قصدي
الله يهديهم و يصلحهم

 

[انا لحبيبي .]

خليه يتعوذ من ابليس ، وخلي يدعي ..( اللهم ثبت قلبي على دينك ) ،

حاولي احكيلو صلي الصلاه بااواقاتها احكيلو انه اتخيل هاي اخر صلاه رح تصليها

( بعيد الش الله يحميلك ياه يارب ويخليلك ياه ) بس حاولي خوفيه عشان يخشع

بالصلاه ، احكيلو ما تتهاون بالصلاه

وانتي صيري زكريه ، بس يأدن احكيلو انه يصلي ، لو كان بالدوام زكريه ابعتيلو مسج انه يصلي

الا الصلاه ما يتهاون فيها ، بس هالشي بعود ببيت اهله انه كان يتهاون فيها

عشان هيك اجا بيته وضلو متهاون فيها

بس ان شاء الله انتي بتكسبي حسنات من ورا وبتشجعيه اكتر واكتر

اعطيه شريط يسمعه بالسياره بخصوص الصلاه

​

 

[travel_addicted]

الله يثبتكم يارب​

اي حبيبتي خليه يشوفج انج ملتزمه فيها وماتأجلين ولا تأخرين اي فرض وكل ما اذن حني عليه بس مو تكرهينه فيها اهو غصبنعليه لازم يصلي ​

وخلج على الدعاء وعسى الله يهديه ان شالله​

امين يا رب و يهدي الجميع مشكورة عى المشاركة حبيبتي

 

[travel_addicted]

خليه يتعوذ من ابليس ، وخلي يدعي ..( اللهم ثبت قلبي على دينك ) ،​

حاولي احكيلو صلي الصلاه بااواقاتها احكيلو انه اتخيل هاي اخر صلاه رح تصليها ​

( بعيد الش الله يحميلك ياه يارب ويخليلك ياه ) بس حاولي خوفيه عشان يخشع ​

بالصلاه ، احكيلو ما تتهاون بالصلاه​

وانتي صيري زكريه ، بس يأدن احكيلو انه يصلي ، لو كان بالدوام زكريه ابعتيلو مسج انه يصلي​

الا الصلاه ما يتهاون فيها ، بس هالشي بعود ببيت اهله انه كان يتهاون فيها​

عشان هيك اجا بيته وضلو متهاون فيها​

بس ان شاء الله انتي بتكسبي حسنات من ورا وبتشجعيه اكتر واكتر ​

اعطيه شريط يسمعه بالسياره بخصوص الصلاه ​

والله حبيبتي ما احب اسلوب الترهيب و احسه ما ينفع اهوا كبير و فاهم و يدري اكيد شنو عقوبة الصلاة فا انه احب اييه بالحسنى و ودي ان اهوا يحب الصلاة من نفسه و اول ما يأذن يقوم يصلي
و ان شاء الله ناخذ اجر من التشجيع مشكورة على المشاركة و ما قصرتي