الصفه السيئه او المزعجه 0000!

[رنيم الروح]

السلام عليكم
صباح/مساءالخير:eh_s(17):
حبيباتي:eh_s(22):
الموضوع حبيت اطرحه واهو عن الصفه السيئه او المزعجه عندك او عند زوجك0000:eh_s(2):
وهذا الشي اعاني منه حاولت اغيره مافي فايده:eh_s(10):
بالنسبه لي عندي1- صفة الاستعجال في اموري الخاصه :RoadRunner:0
2-ماعرف اتكلم بالتليفون الا امشي سوء بالبيت ولا بره ماعرف اتكلم قاعده ضروري امشي والف المكان مادري احس كلامي يكون منظم بس قاعده يضيع الكلام والصوت ههههههههه 0:eh_s(22):
------------------
بالنسبه حق سي سيد:bbbiu: :حبيبي مايعرف يتكلم بالتليفون الا على باب الشارع اي وقت صيف و شتاء لليل ونهار حتى لو المتصل اخواني او امي لازم يرتز ذيك الرزه واحيانا يكون لابس فانيله وسروال كاااشخ مين قده0:krkrkr:

والحين دوركم والمايك لكم ابي احس
انه مو بروحي اعااااااني
ههههههههههههههههه

 

[سندس 90]

ههههه صفاتج حللوه يامعووده اهون من غيرج
انا عالابواب عاااد الله يسستر ان شالله ماتطلع فيه صفه مااتحملها 

 

[أم يزيد &سديم&]

أنا عكسك في اموري الخاصة أحب اسوي أي سيء أوعمل علىأقل من مهلي وهده أشوفها مو صفة سيئة فيني
لأني باردة وزوجي حار مرة عشان كذا امورنا ماشية
وتراي ماحبيت أخرج من موضوعك بدون ما أكتب شيء
تحياتحيتي لك

 

[رنيم الروح]

يسلمووو على الردود حبيباتي

 

[Bnt-USA]

هههههههههههههههههه حلو الموضوع

مادري احس مافيني صفة خلتني انزعج من نفسي
بالعكس احب دايما اغير بالصفة اللي مو زينه فيني

بس احس صفة عنادي لنفسي
يعني لما كنت حامل كان زوجي يقول لي لا تتحركين
ولا تنظفين البيت انا اخلي الخدامة كل يوم تصعد لج وترتب لج

ولما كان يطلع
كنت انا اللي اشتغل
واشيل واحط واغسل ،، مادري احس احب اسوي كل شي بنفسي ما احب اعتمد على احد

وبسبة عنادي اجهدت نفسي والله كتب لي الاجهاض


وبالنسبة للصفة اللي مزعجة فيه :$
لايوجد

 

[رنيم الروح]

ههههههههه العناد فيني طبيعه حتى لو كلامي غلط ولي حولي صح ماغير كلامي

يسلمووو حبيبتي انتي الحلوه وكلك ذوق

 

[غـرامـي أنـت]

انا زوووجي فوضووي بشكل ، وهالصفه حيييل تزعجني حاولت

اغيرها بس مافي امل يعني يجي الغررفه مرتبه يدخلها خمس دقايق

يقلبها فووووق تحت ��

وانا مدرري كلي حلااا �� >> برررررئ

 

[دلوعة أبوهآ]

حلووو آلموضوع

بس ان شاءالله لمآ اتزوج بشآرك

 

[غلآ نوآف]

ههههههه

صفاتي السيئة :

عنيدة لا ارادياً
اذا انتقدني ريلي اهاجمه حتى لو الموضوع مايستاهل خخخخ
اذا زعلت منه يبان علي
اصير حساسة مع ريلي واخذ بخاطري لكن اسكت ماقول شي
اذا قاعدة ارتب او اجهز روحي ياخذ مني وقت حتى اخلص
عفوية واعامل الناس بنية حسنة واخذ راحتي معهم وياخذون فكرة موحلوة عني اني ع نياتي

صفاته السئية :

اذا اكل شي مايرميه الزبالة تكرمون او مايوديه المطبخ
ينثر اغراضه الشخصية بكل صوب بالغرفة لمايرد البيت مثل مفاتيحه بوكه ساعته قلمه تلفونه ومرات اوراق صغيرة وخواتمه
ولي ضاعت يقول انا ضيعتهم خخخخخخخخ
اذا يتسبح يتاخر بالحمام ويحوسه حووووس
ينتقد اشياء اسويها او فيني كثير وبشكل متكرر *_*
يقارني بغيري

 

[رنيم الروح]

حلووو آلموضوع

بس ان شاءالله لمآ اتزوج بشآرك

إن شاءالله حبيبتي الله يرزقك بالزوج الصالح ويرزق بنات المسلمين

 

[شادن33]

انت وريلج عندكم التلفون مشكله خخخ

بالنسبه لي بسرعه اصدق الكلام وساعات تكون طنااازه
والتلفون لازم بعيد عن سي السيد عشان لا يسمع الحشششش عنه

وريلي لازم السبيكر يحطه عل السبيكر وكل البيت يسمع خخخخ وفضايح الناس أسمعها لوووول

 

[حبيبي مالكني]

الصفة السيئة الي فيني وايد اعطي الموضوع اكبر من حجمه
وافكر بالموضوع حتى لو ما يستاهل
الله يفكني من هالطبع
طبع رلي الكريه اهو وايد ما يثق بالناس يعني يمتحن الشخص واذا اهو مو مرتاح له لازم انا بعد مارتاح حق هالشخص
يعني نقدر نقول اهو شخصيته ما يثق بسهوله

 

[رتو الكيوت]

انا مشيتي سريعه ماعرف اتسوق ومعي احد اصير اركض

ماحب ااخر احد !! وهم يتفشلون مني يقولو شوي شوي خخخخخ

 

[modern]

انا:عنيدة شوي
زوجي:عصبيييي

 

[Nwear_a]

انا فيني مشكله معقدتني ومعقده اهلي لول ان كل ما اقعد بالسياره بنطلع اتذكر اني عطشانه ومرات يسحبون علي مايشترولي ماي لول

وزوج المستقبل لي يه بقولكم عيوبه

يسلمو يقمر عالموضوع

 

[Omhamood]

عيوبي انا : شوي مللوله امل من كلشي بسرعه وعجوله مرات اذا في شي شاغل بالي
بسرعه ابيه يخلص وسويه ورباديه ساعات خخخخخ

زوجي فديته :انسان كسول /ومهمل يوصل في الاهمال يضيع شغلات مهم جدا مثلا مره ضيع جنسيته لووووول
يوثق بالناس بسرعه وهذا الي مسبب لي وله ازمه وخسرنا بسبت ثقته العميه بلاوي ويومه بسنه

 

[بنوته ستايل]

انا الي موحلو فيني اني اذا متضايقه من شغله يبين ع وجهي مااعرف اغطي ف اتهرب بالنوم..

وهو عيبه عنيد بس عناده مقدور عليه مو صعب حيييل الحمدلله..

 

[PuPa^^SWeeT]

احب الشي السريييع



و طبعي ابي كل شي بيرفكت





و وسواسية من ناحية التربية و التعليم



ريلي


وسواسي من ناحية مستقبل العيال


يعني مكملين بعض

 

[مالي بالدنيا حظ]

عيوبي : حساسه وااايد واذا عصبت عصبت مع ان الكل يتفاجأ لاني بارده احيانا يصير فيني فسل موطبيعي
اتأثر حيل بكلام الناس خصوصا لما يكون الكلام يخصني مااطيق اللي يقارني في وحده
عيوبه: مهمل واااااااااايد وكسول وكله بعدين فووووضه حلجه شوسعه اذا قام يصرخ لوووول في العنااااااد محد يقدر يصير صوبه


حبيت موضوعج فديتج

 

[بكيزة هانم]

على فكرة حتى الاطباع تتغير مع الزمن
انا من اول زواجي كنت مشتطة وخابة عمري لو ماكو سالفة
بعد هالسنين ..سبحان الله (يمكن فرغت البطارية )
صرت باردة وما اهتم حتى لو السالفة شكبرها
وزوجي ((( كان كله يقول خيره ومايهتم
الحين صار عصبي جدا جدا
لدرجة العصبية قامت تاثر علي صحته