الصراخ كـ لغة تواصل عند الأطفال بعد السنة الأولى

[t0o0fa]

السلام عليكم ورحمة الله​

بدون مقدمات راح اكتب الموضوع ​

شلون تتصرفين مع الطفل لما يكون لغة التواصل عنده بالصراخ ​

عندي بنتي الحين عمرها سنة و شهر تقريبا ​

الله يحفظها نشيطه و حركيه بس صايره من تبي شي تصارخ ​

و صاير الشي بزووده قمت اتفشل عند الناس ​

ابي اعرف شلون اعلمها ما تصارخ و شلون اسيطر على الموقف​

اهي الحين متعلمه عطوني اللي ابيه ولا بصرخ وانا هالشي ما يعجبني بس اظطر اسويه عشان افتك من صراخها .. ​

لكن مابي هالشي يكبر معاها و يصير جزء من شخصيتها ​

بس ماني عارفه شلون اغير هالطبع و اكسبها لغة تواصل افضل من الصراخ ​

فيدوني من خبرتكم و تجاربكم ​

 

[shai6ona19]

بنتي نفس المشكله

ياليت احد يفيدنا ))=

 

[M!SS.LOBY]

الله يحفظها

 

[غفرانك]

نفس شي نبي حل ��

 

[M!SS.LOBY]

لما تصرخ لا تنفعلين معاه انفعال قوي او تهتزين اذا بينتي لها الشئ هذا راح تستعمله الصراخ كل ما تعصب او بنفسه شئ تبيه

عوديها ما تصرخ

 

[تحرير @]

انا عيالي جذي بس اقعد اطالعهم بكل بروووود الصغير لما اطالعه يستحي وينزل راسه بالارض والكبير لاحياة لمن تنادي

 

[MoonDiamond]

انت لااا تصارخين واذا صارخوا انزلي لمستواهم وعينج بعينهم وكلميهم بصوت واطي
ومع الوقت يتغيرون
انا بفتره من حياتي كنت متوتره وحيل اصرخ على عيالي
بعدين استوعبت لنفسي وغيرت طريقتي معاهم
وبنفس الوقت اخليلهم مجال يفرضون شخصيتهم ويختارون براحتهم
مع التنبيه ان الكلمه الاخيره لي بكل شي

خليك هاديه يصيرون هادين
وعن تجربه ويبيلك صببببببببببر و وووووووووقت

والله يعينا ويذوقنا برهم ويصلحهم يا رب

 

[شوكلاتة سويسرية]

نفس مشكلة ولدي
لا وولدي بعد يضرب ويشمخ ويمشع الشعر
مع اني هادية معاه واضمة دايم واعطية حنان طوال الوقت بس مافية فايدة

 

[ككوته]

اسلوب الطفل عباره عن مرايه لاسلوبج معاه مثلا لمن يصارخ ماينفع انتي تصارخين وقولين له لاتصارخ او يسب انتي تسبينه وتقولين له لاتسبين انتي تعاملي معاه بالهدوء ونزلي لي مستواه وعينج بعينه وطلبي منه ان مايصارخ والله يهديهم ويخليهم =)

 

[صاعقة بيوتي]

لماتصارخ تبي شي وانتي ماتبين تعطيها اياه قولي لها لا وبس لاعاد تكلمينها واعتبريها مو موجودة عندج وخليها تصارخ الين مايروح صوتها وبتهجد طبعا هالشي في البيت وعند الناس او بالاماكن العامة سوي نفس الشي بس قوليلها اذا ماسكتي بنرد البيت وطبقي الشي اذا ماسكتت ردي البيت بياخد معاج وقت طبعا حدود الشهر وبتتعلم انه الصراخ مارح يفيدها بالعكس بيحرمها من الطلعة اهم شي خلج صبورة ولاتنفعلين خلج باردة [

 

[ام رينـاد]

نفس الحااااااااااااالة الله يعين​

 

[قمرية الفيس]

انا ولدي كبر بنتج بالضبط وهم يصارخ بس اعتقد بس يقدر يتكلم بخف الصراخ
وانا استغرب من الي تقول كلميه بصوت واطي وهو ومايتكلم ولايفهم للحين الكلام الا قلييييييا

 

[أم يزيد &سديم&]

حبيبتي لسا البنية صغيرة جاهل ما. تفهم
إذا بدت تتكلم علميها انه هذا الشيئ غلط
وعامليها بالتي هي أحسن
ولاتقارنين نفسك فيها أبد. حنا جيلنا غيير عنهم