الصراحة انقهرت وانفجرت من هالمطعم .....

[ليلى اشكناني]

هاي كويتيات انا بقولكم اللي صار معاي من هالمطعم عشان تحطون بالكم اذا طلبتوا منه وتوصونه دايما انه الاكل لازم ييبه فريش ونظيف :bbbiu:


من ثلاث ايام الساعة تقريبا 3 الفير طلب ريلي وجبات من مطعم هارديز وصل الطلب الساعة اربع وربع وعيني لا تشوف

* طلبت ذرة يايبنها يابسة وفي لون اسود من داخل يعني معفنة
* والبطاط بايت ويابس وبارد يلوع الجبد
* والصمون سواء دياي كان بارد يابس عرد وسواء لحم بارد وريحته زفرة ادش بالمخ :eh_s(16):

ريلي قالي خلاص سوي اكل من البيت انا الصراحة ما مسكت نفسي رحت اتصلت عليهم جدام ريلي وريلي منصدم مني قعدت ازف فيهم من قمت راسي والله العظيم قهر دافعة 10 دنانير عشان تاكل اكل نظيف ويطلع اكل انتوا والكرامة يعني ينقط بالزبالة مو اكل اوادم وبعدين ريلي خذا التلفون وقعد يزف فيهم جان يقوله خلاص الحين المسؤول يدق عليك ( ادري قرقه بس اتحملوني والله قاعدة انصحكم ) وطنش ريلي ومادق بعد نص ساعة ريلي دق على سايقهم وقام يهدد ردوا فلوسي لا ايركم المخفر قام دق المسؤول وتاسف وقال رح ييب طلب يديد وفريش من هالكلام
ريلي قاله خلاص مو مشكلة وياب طلب يديد فريش وهدية بيبسي زيادة لووووووووووول وايد الصراحة وبس



انا بنصحكم يا بنات اللي تطلب بالبيت كلميهم قوليله اذا مو فريش ونظيف رح ارد الطلب ومارح اطلب منكم خير شر وترا مو بس هالمطعم وايد مطاعم يسوون نفس اللي سوا هالمطعم :rgewrg:


ادري طولت عليكم بس شسوي والله قهر .....................................................

وسلامتكم حبايبي :eh_s(7):