الصحه وما ادراك ما اصحه

[هرج ومرج]

بسم الله الرحمن الرحيم

أنا ادري يااعضاء المنتدى ان كل وحده فيكم لازم عندها مشكله بوزارة الصحه
انا بكتب هل موضوع بس عشان افش غلي وافرغ القهر إلى في قلبي على هل الصحه لمتى حضها ما ينعدل والله الكويت فيها الخير بس الصحه من ازل الأزلين وهي على اردي

لمتى الصحه :eh_s(14): تستحين برواح ناس



والله واحد من الجماعه قاطعين مصارينه ولا الورم زي ما هو ماشلوه وقبله ابوي الله يرحمه إلى عندهم سته شهور معرفوا شنو فيه مره بروستات ومره تدلع ياشيخ مافيك إلى العافيه واخيرا يوم سفرنا طلع فيه سرطان منتشر من قبل مدة شهور وتخيلوا السستر إلى في المانيا هي إلى اعرفته بشنو بالمنظار العادي وحنا تكاتر اطرح واضرب على قلتهم وتوفي الله الوالد الله يرحمه بسرطان منتشر الله يعافي الجميع

ولا اسمعوا الطامه تخيلوا عمتى الله يشفيها فيها الم بالكليه واحتمال كبير يصير فشل فيها ورايحه للدكتور تعالج من الألام إلى يبي يذبحها شوفوا شنو قالها الدكتور
( يابنتي الواحد يموت وهو زغير احسن من هو يموت وهو كبير وينحد على الناس واحسن وترتاحي من هموم الدنيا ) بالله هذا دكتور مفروض يعالج الحرمه مو يسمعها كلام يسم البدن

ولا وحده راحت تسوي تحليل بسيط مطلعينها حامل وهي للحين ما تزوجت توقعون وش سووا فيها اخوانها

والله عندي قصص تدمع وتشيب له العين على الصحه إلى الممرض بالسعوديه صاير عندنا دكتور

الحين إلى عندها الم بالاصبع لا تروح المسشتفي تخاف والله يشلونه من الرباده


ولا النواب فالحين راح نستجوب هل وزير وهل وزير الحين ناقش قضايا الفساد هموم الناس

والله فيني حره على هذا الوضع متى ينعدل

انا أدري ان محد راح يسمعني من المسؤلين بي كتبت هل موضوع والله من القهر وعشان ارتاح كل ما رحت مستشفي اتذكر سالفة الوالد ادعي عليهم وتدمع عيني ومن المعاناه إلى عانها من فشل بعض الدكاتر


الله يحفظ الكويت من كل مكروه