الصبيان امأذين ولدي.....قولولي شالحل؟؟

[om mohammad]

السلام عليكم..
ولدي بأولى ابتدائي ومن خوفي عليه دخلته مدرسه خاصه بسبت الصبيان ومشاكلهم.المهم دخلته مدرسة الرؤيه ثنائية
اللغة بصباح السالم
المصيبه والمشكله أني انصدمت من شطانة الصبيان اللي فيها وفوق هذا امأذين ولدي حبيبي كل يوم يقولي ماما في
اصبيان مو بصفي بالفرصه يطقوني وأكبر مني ويعيبون علي .... رحت أنا وزوجي ثاني يوم المدرسه وكلمنا المديره
وطيبت خاطرنا بالكلام بس لي اليوم ولدي يشتكي قولولي شالحل؟؟
وانا كل يوم اطلع من دوامي امبجر عشان اخذه بالهده المسكين مايبي السايق ياخذه يقولي انت تعالي اخذيني عشان الصبيان يخافون منج. ياريت اتفيدوني بحل

 

[^^ ريان^^]

لازم تروحين مرة ثانية وثالثة تشتتكين شهالفوضى وين الاشراف؟؟؟

 

[om mohammad]

اي والله ماخلو شي للحكومه... صرت طول مانا قاعده بس أحاتيه

 

[وافية*]

من صجج هذي الرؤيا جذية؟؟؟
انتي لازم تروحين للاخصائية واطلبي الصبيان اللي طقوة وزفيهم شهالفوضى ولا قولي للادارة اذا انتو ماحليتولي المشكلة هذي انا بتصرف معاهم...
نفس ولدي حبيبي باولى ابتدائي بالمستقبل ويقول في صبيان كبار ياخذون اكلي ويخلوني الحقهم

 

[اي اسم]

مو معقولة جذي وين الاشراف وقت الفرصة
لازم تروحين المدرسة مرة ثانية وتشتكين
حرام يضايقون الولد ويخوفونه
حاسة فيج يا اختي لاني مسجله ولدي بباص وفيه صبي بالباص يعيب على ولدي ومرات ياخذ اكله وولدي حيل متضايق
رحت المدرسة واشتكيت ووعدوني خير وانا ناطرة ...ان شا الله ما يصير الا الخير

 

[ReeMaN]

اى نفس ماقالت الاخت وافية لاتسكتيييييييييييييين روحي الاداره وعفسيهم شهالفوضى باجر يتمادوون مع ولدج ان سكتي ...والله ان اعررف وحده كانت نفس حالة ولدج بس بمدرسة البنات ..البنات الكبار كانو ياذونها بالفرصه ويعيبون عليها بكل شي اهى ذكية وشاطره بالمدرسة بس من تصرفاتهم اكرهت المدرسة وكل يوم تبجي ماتبي اتروح المدرسه وامها مسكينه كل ساعه ياداقه على المدرسة تشتكي يا رايحتلهم بالاداره واهم يطمنونها ان راح يحلون المشكله ولا في فايده اليييييييين اطفرت منهم. اخر شي ابوها راح وعفسسسسسهم مارضى يطلع من المدرسة الا ايبون له البنات اللي غربلوها عشان بيزفهم ويعطيهم العين الحمرااا وكانت اتعرفهم وفالت اساميهم والاداره خافو منه تكبر السالفه عند اهالي البنات لان شكله خوووفهم بعد ههههه ووعدووه انهم راح يحلون المشكله وفعلا حلو المشكله وماقامو يتعرضوون لها :> بس انتى يبيلج اتخوفييييييييينهم او خلي ابوه يروح لهم

 

[أم بدوووري]

الحين لومتدخله ولدج حكومة جان احسن قاطة فلوسج وهم ولدج متضايق روحى وزفيهم وخل ابوكم معاج ليشنه يخافون من الرياييل

 

[رفرف]

غير انكم تشتكون عليهم ..
علمي ولدج ياخذ حقه بييييده لأن هذا اهوه الصح
الصبيان جذيه لو وين تودينه بيأذونه عندهم رجوله ..
واللي ايده مو طويله بينطق ويعيبون عليه

 

[om mohammad]

ابشركم... اليوم راح زوجي للمدرسه وعفسهم فوق تحت مابقى اخصائيه ماكلمها ومابقى ناظره
المهم سوا روحهم انهم مصدومين ولايمكن مدرستنا يصير فيها هالفوضى وطيبوا خاطرنا وقالوا انشالله يوم الاحد بالطابور راح يخلون
ولدي يطلع الصبيان اللي يطقونه وياخذون معاهم الاجراء اللازم
بس انشالله يوم الاحد ماينسون

 

[malekatsabaa]

ابشركم... اليوم راح زوجي للمدرسه وعفسهم فوق تحت مابقى اخصائيه ماكلمها ومابقى ناظره
المهم سوا روحهم انهم مصدومين ولايمكن مدرستنا يصير فيها هالفوضى وطيبوا خاطرنا وقالوا انشالله يوم الاحد بالطابور راح يخلون
ولدي يطلع الصبيان اللي يطقونه وياخذون معاهم الاجراء اللازم
بس انشالله يوم الاحد ماينسون

حبيبتي..

الله يعينج..
لازم اتابعين الموضوع عشان لا يتناسونه..

 

[bint_looda]

انا اخوي بالرؤيه نفس الحاله لمن اذووه الصبيان امي راحت والاخصائيه نادت الصبيان ومادري شصار المهم ان اهم حدهم متعاونين ماشاء الله والحمدالله الحين مرتاح

 

[Dancing^Queen]

تم نقل جميع الردود التي تناقش هدف مغاير لهدف الموضوع الاساسي

تنبيه اداري للعضوه malekatsabaa : ارجو الالتزام بادب الحوار والنقاش والرد بصلب الموضوع - العضوه صاحبه الموضوع لم تهدف لنقاش سلوك الاطفال تبعا لمكان سكنهم .