الصالونات اللي عندهم جلسات ماسكات طبيعيه للشعر شخبارهم؟

[^^ROSE^^]

السلام عليكم

بنات تذكرون قبل فتره يوم هبوا الناس بالماسكات الطبيعيه للشعر
جرجير وصبار وفواكه وهالسوالف؟
كانوا الصالونات يسوون اشتراكات حق هالجلسات وصج تنفع
انا خبري بصالون سويت فيه بس ياربي متروسزباين فلبينيات ومادري احس مو نظيف ماقمت اروحله
بس صج هالماسكات تعدل الشعر وانا مالي خلق احوس بالبيت الطخ شعري

فاللي تعرف صالون قريب وزين حق هالسوالف تعلمنا
بس مو جلسه ب 7 و 10 على نتفة جرجيره ب 200 فلس

((مانبي دعايات خلطات اللي تبي تحط دعايه تروح المول وشكرا))

 

[احلى من كل البشر]

حبيبتي اللي اعرفه صالون رنيم 5 جلسات 25 دينار ماجربته بجربه بس الصالون حده نظيف

موفقه

 

[يا قلبي لا تحزن]

رد : الصالونات اللي عندهم جلسات ماسكات طبيعيه للشعر شخبارهم؟

والله ماعرف

 

[Miss-Madry]

اذكر اختي سوت اشتراك بصالون فيزك على ماعتقد يم لامود

يا بالسره او اليرموك ماني متاكده بظبط بس جنه كان يمه مخبز البوغسلافي ؟

حللوو شغلهم حتى الحنه عندهم رووعه

جربي مس 1 انا كل مآ اروح اشوف هالبنآت مصطرين كلهم حاطين حمام زيت

انا احط حنه عند مس 1 حلووو شغلهم وايد

 

[^^ROSE^^]

مشكورين بنات
وبعد؟

 

[جوك احلى جو]

انا كنت اروح برونايل بس قطيعه مكانه بايخ بعز الزحمه ما ارتحت

 

[DiaMonta]

رد : الصالونات اللي عندهم جلسات ماسكات طبيعيه للشعر شخبارهم؟

رنيم شغله حلو والشرقيه بعد

 

[^^ROSE^^]

برونيل شخباري عتيج وعلى قولتج زحمه
ابي مكان نظيف حتى لو ب 20 ولا 25 ميخالف بس يكونون نظاف

 

[الزينه اصايل1]

حبيبتي انا جربت صالون رنيم الي بخيطان بس للأمانه ما حسيت اني استفدت شي الكورس 25 فيه 5 جلسات انتظمت على 3 كورسات جرجير وثوم - فلفل وثوم - وحطولي مرة ثانية جرجير وثوم - طريقتهم تجيب ثومه وتقصها بالنص وتفرك فيها المكان الي ما فيه شعر وتجيب خلطة الجرجير وتحطها وتدلك عشر دقايق وتخليه نص ساعه بعدين تغسله والله يعييييين على ريحة الثوم والله ما تروح الا بعد ما توقفين الكورس بشهر لوعة جبد واخر شي ما نفع ولا سوا لي شي 25 دينار على ربطة جرجير ب150 فلس وثوم ربطة كاملة ما تتعدى ربع دينار الله كريم

 

[^^ROSE^^]

مشكوره عالمعلومات حبيبتي
انا افضل مكان قريب مابي بعيد

 

[آمول~]

رد : الصالونات اللي عندهم جلسات ماسكات طبيعيه للشعر شخبارهم؟

رفـــــــــع
زيت يعطيج لمعه وحيويه ونعومه من آول آستخدآم وبعد 2 آستخدآم تشوفين توقف التسآقط
وبعد من آسبوعين الى 3 تشوفين شعرج طول سآنتي وطلعت منآبت
والتجآرب الحمد لله تثبت هالشي .~
60334590
http://www.q8yat.com/showthread.php?t=777129

 

[dla3_princess]

حبيبتي رووحي صالوون فيزيك السرره جربته شغلهم حلووو

و مكانهم زين ...

5 جلسات اب 25 د,ك

عندهم واايد اشيااء انتي تختاررين او ممكن اهيا تنصحج ...

يخلونه على شعررج 30 الى 40 دقيقه و يغسلونه لج او تحطينه و بالبيت تغسلينه

و طوول الاسبووع شغالين ... شغلهم حلوو و مكانهم سهل بالسرره يم لامود ..


مووفقه

 

[sweet.sanfoora]

حبيبتي انصحج نصيحة من قلب وخيتج اللي خايفة على فليساتج تطير

سوي خلطاتج بنفسج

صدقيني هالصالون يحطونلج نتفةحمام كريم ب5 دنانير وعلبته بدينارونص والعوده بدينارين ونص

 

[^^ROSE^^]

صاجه هونت بسوي بالبيت

 

[San3a.Q8]

صالون عروس الثلج بالجابرية يسوي خلطه زيت بالثوم و صبار و جرجير

بيني و بينج الصالون مبهذل بس الخلطة عجيييبة و ريحة الثوم تروح لي غسلتي شعرج زين

 

[Eva-SS]

رنيم يمدحونه بس مو مجربته

 

[رافعة الجامة]

صالون نوره ستايل 5 جلسات ب 20 حولي مقابل الجابريه

 

[DaloOoLa Q8]

رفع رفع رفع