الشيـب المبكر

[Megan Rocks]

السـلام عليـكم بنـات

أنا عندي مشكله وأهي مخليتني أستخف الصراحه , أنـا طالع لي شيب براسي علي صوب ومن داخل شويه بعد وصرت كل دقيقه اروح للمنظره وأدور علي الشكر وأبجـي :eh_s(2):

أنا توني 23 سنه ومو متزوجه يعني لا الحين ماعندي أحد يحن ويزن علي راسي وماكو توتر بحياتي فليش طلع لي الشيب الحين

الي تعرف طريقه تخلي الشيب يوقف لان مو قادره أنـام كله أتخيل انه شعري كله قلب أبيض بليله وحده

الله يجزاها ألف خير الي تعلمني حل لهلمشكله ولعلمكم أنا عمري ما صبغت شعري أخاف يخترب​

 

[سلاسل ذهبيه]

عادي اعرف وايد بنات طلع لهم شيب قبل العشرين يمكن انتي ترشين عطر او اسبراي على شعرج
او والشيب المبكر وراثه في عايلتكم

 

[نوري اكتمل]

أنا بعد عن قذلتي متروس شيب
انجنيت من الشيب قمت امشي واقص فيه بس مو
من جذوره بس ماكو فايده اخر شي صبغت هع هم طلعلي مره
2:eh_s(2):

 

[مولاي الفرج]

وداع الشيب .. خلطة طبيعية !
وصفة طبيعية لمشكلة تؤرق الكثيرات خاصة صغيرات السن . تابعوا معنا .. حبيت إنكم تستفيدون معي من هالخلطة للقضاء على الشيب إن شاء الله.. والخلطة هي:

تأخذي نصف كوب من أوراق الريحان المجففة أو الخضراء توضع على كوبين ماء مع ملعقة إكليل الجبل
أغليهم مدة 10 دقائق على النار

وبعدين تحطيهم في علبة بخاخ إسبراي فاضية وتستخدميهم بعد غسل شعرك بدون وقت معين
يعني كل مرة تغسلي فيها شعرك بالشامبو عادي اشطفيه وجففيه بالفوطة وبعدين رشي من الخليط بالبخاخ على أماكن الشيب في شعرك واتركيه لحين يجف لوحده ولاتغسليه بعدها لأن ماراح تبان ريحته أبدا...

وهكذا مع الاستعمال المتواصل راح تلاقي أن لون شعرك توحد (يرجع للون الأصلي) والشيب أختفى
وعلبة البخاخ اللي فيها الخليط أحتفظي بها في الثلاجة.
* * * * * * * * * *


منقووووووووووووول


يارب تضبط وياج