الشيب وبالعربي الشعر الابيض ذبحني

[أم البناات]

صباح الخير حبايبي اول مره اكتب موضوع وماني عارفه شنو الطبخه بس عندي مشكله عويييصه على قولة اخواننه بمصر
عمري 35 وشعري كله ابيض مافيه شي اسود ماقدر احنيه
ومليت من الصبغه البني الغامج من يطوف اسبوع إلا والشيب بدا يطل عليي طلته البهيه شنو لون الصبغه اللي مايبين فيها الشيب قمت استحي اقعد جدام احد من غير لفه والمشكله انه كله من جدام مو مطشر
بنات فيكم الخير والبركه ساعدوني والله يوفقكم ويبلغكم اللي في بالكم
​

 

[wd_q8]

والله يا ام البنات الكل يعاني من هالمشكله
والشيب مهما صبغتي راح يرجع يطلع لا وبعد الصبغ يكثر الشيب اكثر فأحسن شي تحاولين اتخففينه
انا هالايام قاعده اسوي سيرج عن حبوب يرجعون صبغة الشعر الطبيعيه يعني يرجعون لون الشعر ويعالجون الشيب
اسم الحبوب " البارا امينو بنزويك" <<ابي اسأل الدكتور عنهم لان هم عباره عن فيتامينات واحماض​

وان شاء البنات يفيدونج اكثر مني

 

[أم البناات]

مشكوووره حبيبتي وماقصرتي
​

 

[منو انت]

شوفي ياقلبي الشيب ماله حل الا صبغه الشعر وبالعكس البني مافي مشكله انا جذي خالتي فيها ودايم تصبغ واذا تقدرين تحطين حنه سوده ليش لا

 

[مس وردة]

مافي علاج طبيعي حق الشيب او اعشاب تعبت منه

 

[بس بس كات]

اانا بعد اصغر منج وذبحني الشيب وصبغت اشقر بخصل ونفس الشي ماكو جم اسبوع ماكملت الشهر وقعد يبين ويسلم علي والله كل مااشوفه اموت قهر

 

[بنت الشامسي]

الله يريح بالك

 

[دربي طويل]

ماكو حل ،،
وحاولي تتأقلمين معاه ،،
كلنا شيب بشيب ،،
بلشت عوامل التعريه امبجر
وكله من طبيعه اكلنا وطريقة حياتنا
لها دور

 

[الله كرريم]

هذا نقص بأحد الفيتامينات يسبب الشيب بس مااذكري اي فيتامين بالضبط ، حاولي تسوين سيررج *

 

[أم البناات]

مشكوووورييين حبايبي عالردود .. والله مليت من هالشيب لا والطامه الكبرى اني مليت من اللون الغامج ورحت سحبت الصبغه على بو اني اصبغه فاتح ومايبين اللون الابيض احترق شعري ...وقصيته بووووووي بعد ما كان لين آخر ظهري وياشماتت ابله طازه فيييه ...ومن بعدها قلت توبه ماراح اصبغ غامج
الحين قاعده ادوري صبغه فاتحه مايبين الشيب فيها ..لأن الغامج ابسرعه يبين البياض فيه بس الاشقر مايبين يضيع الشيب فيه ولا اشرايكم ...

 

[أم البناات]

الحين اخترعوا ابره تخلي السمر بيض ماقدرو يخترعون شي يخلي الشعر الابيض اسود !!!!!!!!!!!!!!!!!!!!!!!!!

 

[غلاي عزوزي]

بنات امس كنت بعيادة ماجد تقي طبعا البنات طوابير كنت بجرب ابر فيتامين سي هونت ماسويتهم قريب بالبروشور انه مرت الدكتوره نورة الصليلي عندهم عندهم بالعياده جهاز للشيب بس ماستفسرت عنه اخاف نصابي*

 

[فلبينية عبدة]

●
●
●

up

up


●
●
●
​

 

[أم البناات]

غلاوي حبي هذا جهاز ليزر يشيل الشعر الابيض
..لأن الليزر العادي مايشيل الشعر الابيض بس الاسود
​

 

[Najla82]

أكلوا فيتامينات B Complex

 

[أم*سلمان]

آب

آب


لعيووونج

 

[ســـمـــااا***]

جربي الكتم والروب

 

[أم البناات]

مشكورين حبايبي على الردود ..بس شنو الكتم ..وينفع للشعر الاشقر انا صابغه شعري اشقر زيتي علشان لا يبيض البياض فيه

 

[umzayed3711]

الحين اخترعوا ابره تخلي السمر بيض ماقدرو يخترعون شي يخلي الشعر الابيض اسود !!!!!!!!!!!!!!!!!!!!!!!!!

ههههههاااااي هيه والله صادقه