الشوفه الشرعيه

[آحسآس]

بنااااات ابغاكم تساعدووونى يوم الشوفه الشرعيه
كيف البس والمكياج وهل في دعاء اقووله


انتظررررررررررركم :eh_s(2):

ادعوووووووولي :eh_s(2):

 

[الحنينه]

وناااااااسه اول وحده ارد<<خخخخ
الله يوفقج ان شاءالله
حبيبتي من عائله لعائله تتغير طريقة الشوفه
بالنسبه لي لبسة عبايه مع ان كنت مفكره ببدله بس حبيت العبايه مو واسعه ولا ضيقه ,,والميك اب كنت مسويه حواجبي وحافه الشنب,,في بعضهم يقول ماابيها تكون حاطه شي,,حطيت تحديد طبيعي خدودي ماله داعي بلشر بروحهم مولعات خخخخخخخخ يمه ردلي الشعور<<والماسكرا خفيفه مو مكثرتها,,وبس يعني نعومه ومرطب الوجه وبيس الوردي لميك اب شحلاته والله يعطي نظاره للوجه انصح كل بنت يكون متوفر عندهااا,,موفقه..

 

[آحسآس]

فديتك يا قلبي والله انى حطيت الموضوع واقعد اسوى تحديث ابي احد يرد الله يوفقك

مشكوره عالنصايح

اخخخ ي قلبي الله يعين

 

[عاشقة هواك]

اب اب

موفقه يا قلبي

 

[bal8es]

up
up
الله يوفقج

 

[دانه الشطوره]

موفقه حبيبتي وان شاء الله البنات يفيدونج

 

[L A T T E]

تلبسين بدلة أو عباية..
* البدلة : تكون تنورة و قميص أو فستان
* العباية: عباية جتف (كتف)

البسي شي يبين جسمج، مو شي واسع.. بس ديري بالج تلبسين مخصر.. بس شي يبين لهم اذا انتي متينة او ضعيفة.

المكياج:
- كونسيلر طبيعي + كريم اساس طبيعي >> وركزي على طبيعي.. واذا ماتعرفين للميك اب حطي اولاي.
- كحلة خفيفة جدا + بلشر وردي او مشمشي
- حطي حمرا وردية ومسحيها.. وحطي بعدين غلوس او زبدة كاكاو
- مسكرا + سوي حواجبج بشكل طبيعي

لا تنسين:
- تحفين
- تلبسين كعب بس مو عالي و يكون راقي
- كل شي لازم تكونين كاويته
- حطي عطر خفيف جدا و بريحة الورد
- نامي قبلها عدل
- البسي ساعة حلوة و خاتم ناعم وسوار ناعم و قلادة ناعمة
- لا تتوترين دشي عادي وخلج طبيعية
- ماكو دعاء بس بعدها صلي صلاة استخارة وقولي دعاء الاستخارة

واي سؤال انا حاضرة

 

[عبير الود]

الله يكتبلك اللي فيه الخير
اقري المعوذات وادعي اللي تبين والأفضل تقولي اذا كان فيه خير الله ييسر لي وان كان شر بعده
والشوفه الشرعيه
زوجي سأل شيخ معروف وكنت متحديه زوجي وقال الشيخ
تلبس لبس ساتر يعني تنوره وبلوزه طويله
وتحط مكياج خفيف جدا غير مبالغ فيه ولايخفي الملامح فقط
وفيه ناس عندهم عاده لبس العبايه وتطلع قدله خفيفه
والله ييسر امورك ويوفقك

 

[ياعين ابـوي]

لازم تلبسين شي يبين جسمج .

ولاتكثرين مكياج , الله يوفقج​

 

[قمر الكويتية]

الله يوفقك
و البنات ما قصرو ،، بدله حلوه ومرتبة ومومخصرة ،، مع مكياج بسيط

ونصيحة لج ،، إنت رح تكونين مرتبكه وهذا أمر طبيعي ،، بس صلي إستخارة قبلها ،، و حاول تقعدين بمكان مناسب بحيث أنك تقدرين تشوفين العريس
لان إذا قعدتي بمكان مو مناسب مع الربكه رح تستحين حتي ترفعين راسك

إن شاء الله تبشرينا بأخبار حلوه