الشنغن؟؟؟؟؟؟؟

[لميس]

السلام عليكم ورحمه الله وبركاته..


خبيرات السفر عندي سؤال لكم...


الشنغن اقدر اطلعها من سفاره واروح لدوله ثانيه غير دوله السفاره اللي طلعت منها الشنغن؟؟؟؟

واي سفاره ممكن تخلصها بسرررعه؟؟؟

وكم تطول ؟؟

مع الشكر سلفا,,,,,

 

[dl3_wl3]

لا حبيتي ما تقدرين
لازم الدوله الاوروبيه اللي بتنزلين فيها يعني سكن وبعدين تقدرين تستخدمينها اي مكان
انا كنت مطلعتها ولما رحت السفاره ---- انا قلت اقرب لي جان يقولون وين حجز الفندق قلت لهم انه بروح*****بس بنززل ترانزيت عنكم ما رضوا
لانه يطلبون منج حجز الفندق

 

[مشاعر أمرأه]

انتي بتروحين دوله وحده ولاأكثر من دوله

اذا اكثر من دوله طلعيها من وحده من الدول اللي بتروحينلها

 

[أم عزيـز]

اذا اكثر من دوله طلعي على اي وحده من الدول اللي بتروحين لها
واسهل سفاره اللأامانيه بصراحه سهالات وبعد يومين تستلمين الفيزا

بس الفرنسيه حسبي الله عليهم متفقين مع مكتب القبس ان اي احد يتصل عليهم او يبي يسوي فيزا يقولون له لا تيي السفاره !!!
روح مكتب القبس اهو اللي يسويلك الفيزا ؟؟ والقبس نصاب ياخذ على الشخص 30 دينار
وعلى الفكره الياهل الي اقل من سنتين بلاش والقبس ياخذ 5 دنانير

وصراحه احنا سوينا الفيزا بالسفاره الألمانيه بروحنا ووفرنا 50 دينار

 

[هاجس خاطري]

يالله المستعان

 

[غنوة ستايل]

شوفي ياقلبي انا توني راده من باريس
يوم دقيت على السفاره عشان الفيزا حاطين رقم مكتب اسمه القبس موجود بالعماره اللي خلف الخطوط الكويتيه بالديره .. تعرفينها ؟
فوق بالدور الميزانين ..

المهم طلبوا منا طلبات تعجيزيه .. اخذي عندج :
كشف حساب 6 شهور !
صور للزوج من غير غتره
شهاده راتب الزوج
صورة لي الخلفية بيضاء
حجز الفندق
حجز الطياره ( التذاكر صورة منهم )
تأمين صحي !! هذا اهم يسونها ياخذون مبلغ ويسونه لج ..


تاخذين الوصل منهم . وتنطرين بحدود 10 ايام عمل ( دوام ) لا تحسبين الاجازات
يدقون يبشرونج ان الفيزا طلعت

طبعا الفيزا هذا تسمح لج ادشين كل اوربا ما عدا ( بريطانيا ) ما يصير تدخلينها

لو بغيتي بريطانيها تفيزين من السفاره البريطانيه فيزا ثانية ..

 

[غنوة ستايل]

اذا اكثر من دوله طلعي على اي وحده من الدول اللي بتروحين لها
واسهل سفاره اللأامانيه بصراحه سهالات وبعد يومين تستلمين الفيزا

بس الفرنسيه حسبي الله عليهم متفقين مع مكتب القبس ان اي احد يتصل عليهم او يبي يسوي فيزا يقولون له لا تيي السفاره !!!
روح مكتب القبس اهو اللي يسويلك الفيزا ؟؟ والقبس نصاب ياخذ على الشخص 30 دينار
وعلى الفكره الياهل الي اقل من سنتين بلاش والقبس ياخذ 5 دنانير

وصراحه احنا سوينا الفيزا بالسفاره الألمانيه بروحنا ووفرنا 50 دينار

صح حنا القبس خذا علينا بحدود 48 دينار على النفر
يعني انا وريلي .. طلع مبلغ محترم !!

 

[أم عزيـز]

صح حنا القبس خذا علينا بحدود 48 دينار على النفر
يعني انا وريلي .. طلع مبلغ محترم !!

تدرين ليش ؟؟ لأن التأمين الصحي حاسبينه على النفر 12 دينار
انا سويت التأمين الصحي بالبنك الوطني عائلي حقي انا وزجي وعيالي 3 طلع علينا على ما اعتقد 27 يدنار
والفيزا سويناها بنفسنا في السفاره الالمانيه النفر 30 دينار وبنتي الصغيره عمرها سنه و4 شهور بلاش

حسبي جم وفرنا

بس ما اللي مستغربه منه اشلون السفاره تمنع اي احد يرجاعها ؟ !!
على اساس متفقين مع مكتب القبس ايبون لهم ناس والعموله بينهم والا شسالفه !!!

وجنهم يقولون حتى السفاره الايطاليه جذي !!

 

[C'est La Vie]

كانت عندي شنغن وكنت ساكنة بفرنسا
وكان مسموح لنا ندش دولة وحده غير فرنسا
ردينا الكويت ترانزيت فرانكفورت
وليما بغينا نرد فرنسا وطبينا بفرانكفورت
وهقونا قالو انتو دشيتو المانيا وانحسبت عليكم ما يصير تعبرون حق فرنسا
ودونا الشرطة وشرحنالهم ظروفنا وقالو بنطوفها لكم هالمرة بس لا تطلعون من فرنسا مرة ثانية

 

[om_3azoz]

ايي يصير احنا الصيف اللي طاف كناا بنروح فرنساا عند امي رايحه علاج
انا واختي وريلي سويناا على الاسباانيه لان تطلع ب3 ايام بس الفنرسيه تطلع 10 تيام تقريباا
فكناا نبي بسرعه سوينااها على الاسبانيه وعادي دشيناا فرنساا ونقدر اندش ايي دوله اوربيه بعد

 

[لميس]

مشكورات خواتي..

بس اذا بطلع من السفاره الالمانيه اروح لهم مباشره والا عن طريق مكتب نفس حاله الفرنسيه؟؟

ارجو الرد لاني بكره بروووح.....

 

[bambena]

احنا سويناها بالهولنديه وطلبوا حجز فندق

طلعنا حجز اي كلام اتفقنا مع السفريات

حجز جذيبو