الشمس حرقت ايدي دشي و ساعديني

[smore!!]

السلام عليكم و رحمة الله و بركاته


شلونكم..... و شخباركم انشالله تمام!

بنات طبعا ردينا حق الدوامات و الكرف و الشمس قطعتنا و اهم شي ايدي سوووووووووووووووووووووووووووووووووووووووووووووده
فابي تجاربكم الي تعرف خلطات لليد اتفيدنا و مشكورين

 

[قطوووة]

اي ؤلله حتى انا ايدي لؤن ؤجسمي لؤن

 

[فرقى ولايف ..]

مثل حالتج

الشمس نتفت جلدي

و مفكرة أطلب خلطة وردة سلفر لأن واجد يمدحونها

 

[سمو الغلآ]

انا سووويت الخلطه انوول جزها الله خيير<<الفايتمن سي

واستخدمتها ع ايديني لما ارد من الدووام وقبل النووم والصبح حمايييه ..,


وبسس الحمد لله جابت وياي نتيجه حيييل حلووه..,

 

[سارونه الامورة]

حتى انا نفس الشي ايديني لون وجسمي الباقي لون ثاني​

 

[شذى الحب]

بنات البسوا دسوس ابيض

 

[ام كوثر2007]

خلطه انل لا يعلا عليها صراحه جربناها وحيل انفعت ويانا ...


بحطلج ايااها الحين وان شاءالله تفيدج ... وادعي للبنت تستاهل بنت الحلال علي هالوصفه ..





المهم ذيك المره اختي طلبت مني اسويلها خلطه تفتح ايدها وعلى قولتها ما تبيها تدبق و اهم شي ريحتها حلووووه

قلت لها بسويلج بس على شرط تستمرين فيها عالاقل اسبوووع عشان تشوفين نتيجه ...



عااااد انا كنت توني مسويه خلطه بس ماجربتها على نفسي كنت بستخدمها حق ريولي لان تكرمون من الشحاااطه

صار فيها حز اسود والخلطه سهله ومكوناتها اكيد موجوده عندكم واذا مو عندكم بالجمعيه والحواي




اول شي خلووونا نشوووف النتيجه هذي صور ايدها قبل و بعد استخدام الخلطه اسبوع وشي تقريبا :


وهذي صورة الخلطه هذي العلبه الثانيه اللي اسويها لها لان هذيج خلصتها باسبوع :




هااااااااااااااا تبون تعرفون شنو الخلطه ؟؟؟ _03BA:





هذي الخلطه :






عباره عن :

كريم جليسوليد الاحمر ( 125 ml )

ليمون ( عصير 4 حبات )

زيت اللوز المر ( فنيان واااحد )

فيتامين سي الفوار ( 2 قرص )








الطريقه :


تخلطين الجليسوليد مع زيت اللوز المر عدل

تذوبين قرصين الفيتامين بعصير الليمون

تخلطين العصير مع الجليسوليد والزيت عدل مدل

تحطينهم بعلبه وتسكرينها وتخضين العلبه عددددل اوكي
مهم : لازم تحطين العلبه بالثلاجه ووتخلصينها باسبوع وكل

اسبوع تسوين يديده لان يمكن تخترب

الكميه اللي انا حاطتها تكفي اسبوع وشوي تقريبا

 

[لمبة مطفية]

وهـ وهـ شنو هذى طيب خبو ايديكم بمخبآتكم وبس ~~ يعني مآ تجيكم الشمس

 

[قطوووة]

^^^^^^

ؤاللي تسؤق سيارة ؤالشمس ضاربتها

 

[smore!!]

ام كوثر صج مشكووووره بجربها الحين بس ما قلتي متى استخدمها؟؟؟؟؟؟؟

 

[لعبة ايام]

اب اب لعيونك

 

[miss angel]

بنات شفيكم ليش ما تلبسون دسوس السياره استغرب منكم بعديين تقولون الشمس سودت ايدي

انا دايما بالشمس مايطيح من ايديني الدسوس

غسلي ايدج بصابونة بابايا القطع وايد حلوه تبيض

وخلطة انل الي حطتها ام كوثر عجيبه جربيها

ودايما رطبي ايدج لا تخلينها ناشفه

 

[خفايا الايام]

اناااا بعد ايديني ذابحتني

 

[ام كوثر2007]

ام كوثر صج مشكووووره بجربها الحين بس ما قلتي متى استخدمها؟؟؟؟؟؟؟

حبيبتي انل كاتبه اي وقت تحطينها بس لاتتعرضين للشمس انا استخدمها قبل لا اناام واقعد الصبح اسبح واسبوع بتشوفين الععجب


عسى الله يبارك بأنل بنت الحلال ما قصرت ..


بشرينا عنج سموور .. وقوليلنا متي راح تستعملينها واشلون النتايج . ​

 

[عبقرية]

ادخلي الرابط


http://www.q8yat.com/t572531.html

 

[smore!!]

اي اكيييييد حبيبتي يالله بنات خل نستعمله:**

 

[smore!!]

عبقرية مشكووووووووره يا قلبي

 

[ام كوثر2007]

اي اكيييييد حبيبتي يالله بنات خل نستعمله:**

سمووور انا صار لي فتره عليها والحمدلله شفت نتيجه حلوه

خبرينا شيصير وياج يا قلبي ناطرينج ...