الشمر و اليانسون .. نحت و تنحيف

[فتاة حالمة]

بنات حابة اسألكم هل الشمر هو نفسه الينسون ( الحلوة )

ولا يختلفون عن بعض

وهل ينفع اشتريه جاهز نفس اكياس الليبتون

و احطهم مع الزنجبيل و النعناع و القرفة و الشاي الاخضر و اسويه مثل الشاي و اشربه

وممكن تفيدوني اشربه قبل الوجبة ولا بعدها

واذا اقدر اضيف لهم قشر القهوة ولو في طريقة افضل خبروني عنها

طريقتي بالتفصيل

طبعا انا اغلي الماي مع ورق الملفوف وزنجبيل طازج بعد ما يغلي اصفي الماي

و اصبه بكاس و اضيف له الزنجبيل و النعناع و الشاي الاخضر و القرفة واتركه عشر دقايق

واشربه بعد الوجبه

استمريت عليه حاليا 4 ايام و حابة اضيف لهم الشمر بس مو عارفته و كمان قشر القهوة

فيدوني اللي سويته صح ولا لا؟

 

[modern]

ما اعتقد نقسه ابدا,,,و اكيد افضل اذا كان طازج

 

[فتاة حالمة]

انا قرأت بعض المقالات انه اسمه شمر و في ناس تسميه الحبة الحلوة و حنا

البعض عندنا خصوصا الكبار بالسن يسمون الينسون حلوة منشان كذا حبيت اتأكد

الينسون متوفر عندي بالبيت اذا هو نفسه الشمر راح استخدمه و اذا يختلف راح اشتريه

منشان كذا سألتكم

 

[فوز السعودية]

ايوة هي نفسها الشمر واليانسون

 

[فتاة حالمة]

شكرا لكم

 

[شيماء المطيري]

العطار أو الحواج عنده الخبر اليقين---تحياتي عزيزتي​

 

[احساسي غريب]

لا اختي مو مثل بعض
الشمر هو الحبة الحلوه واليانسون غير عنه واحنا التسميات تختلف من بلد لآخر

 

[احساسي غريب]

هذا الشمر او الحبة الحلوة لونه اخضر




وهذا اليانسون لونه اصفر شوي



​

 

[كيكه توفي]

احساسي غريب .. شكرا

 

[سكون الروح1]

dsgl,,,,

 

[Miss sensitive]

جربي شاي الاعشاب من منتجاتي
فايده وطعم حلو بنفس الوقت

مكوناته بالتوقيع

 

[تفاصيل الغرابه]

عيوني شنو تقصدين بورق الملفوف اللي نسويه بالسلطه ينحف اذا غليناه قصدج؟؟
انا سمعت طريقته انج تسخنين ورق الملفوف بالفرن وتحطينها ع المكان اللي تبي تنحفينه
وتلفين بالنايلون بس سمعت انه يسوي ريحه مب حلوه عشان جي ماجربته للحين
​

 

[زينه العتبان]

شنو هالخلطة العجيبه شوفي حبيبتي الشاي الاخضر اول شي تغلين مقدار كوب اوكوبين ماي وتحطينة مطارة تكفي وبعدين تقصين الجنزبيل صغار او تبشرينة وتحطين نعناع فريش واداحبيتي نص ليمونة تقصصينها مع قشرها وتخلينها ربع ساعة وبعدين تشربينها حبوبة الشاي بعد كل وجبة اما القشر تاخدين كوبين ونص ماي وتحطين ملعقة كبيرة ونص قشر ونص ملعقة جنزبيل ناعم وملعقة كمون اوشمر حب ونص ملعقة دارسين ناعم تخلينهم لين يغلونتالي تحطينة بالمطارة تتقهوين علية عاد اناعلمتك طريقتي وادعي لي ربي يشافي ولدي ويخلية لي ويرزقني برة هو واخوانة امييييييييييييييييييييييييييييييييييين

 

[شندوخه]

الملفوف ليش تفوحينه ؟
والشمر يختلف عن اليانسون
بس بسالكم بنات الشمر يسهل البطن؟؟

 

[ام حمد 85]

للرفع

 

[احلى من القمر]

ورق ملفوف شحقه؟

 

[مسك وطيب]

حبيباتي انتبهوا الشمر واليانسون يرفعون هرمون الحليب .... ماسألتوا نفسكم مره ليش النفاس تكثر من هالاشياء عشان تدر حليب اكثر وتقدر ترضع طبيعي ...

اللهم بلغت اللهم فأشهد

 

[Miss sensitive]

حبي الشمر مع الحلبه برفع هرمون الحليب مو الينسون
وكل شي بالاعتدال ما منه مضره باذن الله

 

[ريمااااس الحلوه]

انشاء الله البنات يفيدونج

 

[miss swan]

اليانسون غير عن الشمر والحلوه
الينسون يصير حبه صغييييره
والحلوه والشمر كبيره الحبه
​