الشكوى للة ..واللة ماارتحت طول العطلة واللي توقعته صار..

[dlo3a81]

بناات انه وايد تعبانة من قسمي..
واللة انه طوول العطلة احاتي دوامي وهاليوم اللي بداوم فيه..
بعد ماكنا على قلب واحد ونشيل بعض واللة انه كنا حسبة خواات..
واللة اني حبيت التدريس منهم..
حبيتهم وكنت ابي لكل وحدة فيهم الخير واهم ماقصروا معاي بالنصح ولابالسؤال..
صار موقف الكورس اللي فات قلب الموازين..وانه مالي شغل بشي..رئيسة قسمي تغيرت ..اللي اعتبرها اقرب الناس لي فجت مني..وصار القسم احزااب..
انه انحشت من المدرسة الي قبل وسبة الاحزاب وطحت بنفس المشكلة..
مليت احس جني منبوذة وغير مرغوب فيني..بعد ماكنت شمعة القسم والكل يحبني ويفقدني..قلبي يحترق وقاعدة اموووت واللة ذبلت واتبعت طريقة اجاوبهم على قد السؤال او اي شي يبونه..ياجماعة انه اجتماعية واحب اخالط واسولف..حسيت نفسي مالي مكان بينهم وخاصة اني منتقلة لهم العام يعني ايدد وحدة فيهم ..بناات حدي مهمومة وقاعدة افكر بالاستقالة..كرهت التدريس والحريم..بس الشكوى للة..

 

[اسمي بين الاسامي]

نصيحة عليج بشغلج وبس

مالج شغل باللي معاج بالقسم

واذا انتي من النوع الاجتماعيه وماتحبين تقعدين طول اليوم بمكتبج حاولي تمرين على الاقسام الثانيه تسلمين عليهم وتقهوين معاهم

 

[الأميرة جوري]

رد : الشكوى للة ..واللة ماارتحت طول العطلة واللي توقعته صار..

الله يكون بعونج بس شنو السبب ؟؟ وانتى مو تستقيلين علشانهم

 

[العجوزوعيالها]

اسسسسسسسسسسسسسسستريحى الحريم مادري شنو يبون بالضبط وخلج بشغلج وبس و بيردون نفس قبل عليج بالاستغفار والصدقه وكثرى الصلاة على الرسول على فكرة اللى فيها خير ومتربيه عدل مايتغير معدنها @لالالالالالالالالالالالالالاتفكرين بحد الدنيا ماتستاهل
وبالتوفيق

 

[بحر الرمال]

مع الوقت راح تتأقلمين معاهم صدقيني و راح تتذكرين هالايام
انتي عزميهم مره على حلو او شي خفيف و حاولي تتواصلين اكثر معاهم

 

[نــوره]

^
^
^

عدل كلامها والا رووحي للاقسام الثانيه يمكن تعجبج

 

[miss_math]

رد : الشكوى للة ..واللة ماارتحت طول العطلة واللي توقعته صار..

الله يفرج همج

 

[dlo3a81]

اشكر تفاعلكم ومروركم على موضوعي..
المشكلة اللي صايرة يابنات انه رئيسة القسم غابت امتحانات الفاينل بالكورس اللي طاف..وكلفت زميلة لنا بمهامها..وطبعا الشخصيتين مختلفتين بالاسلوب والطبع..والبعض ماعجبه اوامر النائبة..وقاموا يتحلطمون عليها حاول اهدي بينهم خصوصا اني يديدة واهم ربع من زمان ولاابي ادش بمشاكل مع احد..لكن اللي حصل انه بعضهم دق على رئيسة القسم وقالوا لهاا شنو هالقرارات وجنا خدم يتامرون علينا وغيره من هالحجي..(انه ماعرفت الاعقب)
دقيت على رئيسة القسم اسلم عليها واتطمن على صحتهاا..وسالتني عن احوال البنات وشلونهم..وبحكم الميانة والصراحة اللي بينه قتلها باسلووب غير مباشر انه في البعض معترض على اسلوب النائبة وليس طعن بشخصها لان اسلوبها امر وبعصبية..وبينت لها انهم مو معترضين على قراراتج بالعكس الكل يعزج..ماادري اذا تفهمت الموضوع ولا لا؟؟!بس بينت لها قصدي واسطة خير لااكثر ولااقل..
وطبعا كانت النائبة ورفيجة رئيسة القسم مثل خلية النحل ماشاءاللة بالامتحانات وبالقسم وكانوا يؤدوون مهام وشغل زيادة عن المطلوب للتباهي جدام الادارة والناظرة..وشايلين خشومهم عليناا..شكوو ماادري..حاولت اساعد وابدي التعاون باللي اقدر عليه ..
اللي حصل داومت رئيسة القسم عقب الاجازة وكان سلامهاا حار للنائبة ورفيجتها عكس الباجي..ماعلينا كيفهم..عقب رئيسة القسم اجتمعت بالمدرسة اللي عارضت القرارات وابدت عدم التعاون..حاولت افهم شنو شبب الاجتماع عرفت انه هذي المدرسة على قولتهاا طلعت اللي بقلبهاا وحطت باسمي وباسم مدرسة ثانية معترضين على قرارات النائبة..انه بصراحة انصدمت شكوو انه مااعترضت وبينت للمدرسة انه مو معترضة بس مصدومة ليش كان بصيغة التهديد والافادة@@
عقب طبعا ماصدقت خلص الدوام وكان الجو مشحوون وسلاام بارد..سلمت على الكل ورحت البيت كان بداية العطلة الصيفية..طوووول العطلة محد سال ولا احد دق قلت يمكن ضروف السفر ولاغيره..
قرب رمضان طرشت مسجات تهنئة وسلاام محد ر علي..دقيت محدرد علي..@@ انزين لييش شصاير@@؟؟ شسويت لهم وطوال العطلة وانه بقلق وحالة نفسية اللة يعلم فيهاا..
وفي بداية الدوام لاحظت الاحزاب والقروبات والمساسر..خلال3 ايام ماافي احد ماسالني اذا بنقل ولا لا؟؟
واللة يابنات جني منبوذة ومغضوب علي انه واللي اعترضت وطبعا دايم معارضة..بس بالحق ورفيجتي لانها عارفة ظروفي..
هذااا اللي صاير يابنات واللة نفسيتي صايرة تحت الصفر تعبااااااانة مااحب هالاسلوب وهالتعامل انه ماسويت شي ولاضريت احد فيهم حبيتهم مثل الخوات واكثر..
شراااااايكم؟؟

 

[منال القلب]

حبيبتي انتي ليش معوره راسج؟ خليهم عنج ما عطوج ويه لا تعطينهم ويه، دخلي المدرسة وسوي شغلج وطلعي وبأخر الشهر استلمي معاشج؟ ماكو شغل تستقيلين علشان القسم ما يعطونج ويه؟ والله احسن جذي مالهم شغل فيج ولا لج شغل فيهم
واذا بيكرهونج خل يكرهونج ويحشون فيج، تاخذين حسناتهم وياخذون ذنوبج واذا انتي اجتماعيه وتحبين المخالطة في صديقات برا اسوار المدرسه

 

[#بربريس#]

اسال الله العظيم ان يفرج همج.... ويشرح صدرج...

اكثري من....: استغفر الله الذي لا اله الا هو الحي القيوم واتوب اليه..

وتوكلي على ربج لانه وحده اللي يقدر يألف قلوبكم سبحانه...


بس حبيبتي بغيت انبه ان {الله} تكتب بالهاء مو بالتاء
لان لما تنطق بالتاء يصير اسم صنم والعياذ بالله...


تقبلي مروري...

 

[اسمي بين الاسامي]

اذا الوحده بستقيل علشان قسمها مايعطونها وجه بتلقين ثلاث ارباع المعلمات استقالوا

انا قسمي اردى من قسمج بس موهامني علي بشغلي وبس

واذا ضاق خلقي رحت قسم الاسلاميه او الفنيه افرفش معاهم شوي بعدين ارد قسمي

 

[dlo3a81]

منال القلب ماقصرتي حبيبتي على مرورج العسل,,
بربريس اشكرج على هالدعاوي اللي تشرح القلب..واشكر لج ملاحظتج..
كيتي كويت ..الشكوى للة وانه خيتج ياليت اعرف اجتمع بالاقسام الثانية اولا لاني استحي..وثاني شي الناظرة مانعة هالشي..

 

[البندري22]

جني اقرى قصتي والله هذي مشكلتي انا احبهم واهم للاسف متحزبين ومخليني برى الحزب يمكن لاني مميزة بالقسم واهم مايحبون تميزي او لاسباب اجهلها بس عموما الله يهديهم لي ويهدي اللي عندج لج ويهدي جميع المسلمين

 

[درة أهل الطولات]

رد : الشكوى للة ..واللة ماارتحت طول العطلة واللي توقعته صار..

الله ييعينججججججججججج

 

[ام خالد 78]

الله يكون بعونج

 

[توليب بنفسجي]

رد : الشكوى للة ..واللة ماارتحت طول العطلة واللي توقعته صار..

ليش ما تحاولين تقولين لهم هالكلام لما تقعدون كلكم مع بعض و رئيسة القسم موجودة ؟
عادي يعني شبيصير ؟
قولي كل اللي بقلبج