الشكل اللائق والمكياج

[*أم*خالد*]

السلام عليكم

شلوونكم بنات

بحط اهني موضوع ويريت كل وحده ترد برأيها الشخصي بدون فتاوي

لمه تروحون الجمعيه تهتمون انه شكلكم يكون مرتب ولا عادي روحه جمعيه تطقين أي شي على أي خلقونه وتروحين ؟؟

ثاني شي تحطين ميكب ؟ اتكلم عن الميكب الخفيف يعني كونسيلر وقلوس يخلي الوي فريش وحلو


وبس بانتظار الاجابات .. وترى اجاباتكم تهمني

 

[عيش و مرق]

صباح الخير ,,,,,,,,

انا عن نفسي مالى خلق اكشخ حق جمعيه ,,, البس عبايه ام كتف واروح مع انى ما البس عبات بشكل رسمى عادى بدلات وجذى بس الجمعيه ما اهتم اى شي والسلام

 

[Killer^Girl]

الميك اب مو لازم
بس شكلي مرتب اي
مع اني احاول ااجل مشوار الجمعيه حق يوم اكون انا اولردي طالعه وكاشخه فيه

 

[غـــلا دبي]

وعليكم السلاام

اهم شي الترتيب والمظهر اللبق والحلو .,.

اما عن الجمعية الصراحه اي شي .,.

يعني على قولة اخت عيش ومرق

البسلي عباية كتف.,.

واخلص الشغل الي ابيه وارد

ويسلموو ع الموضووع

 

[omy nour 3any]

انا شكلي واحد سواء رحت للجمعيه للمول للكليه....
ومااحط ميك اب كلش....

 

[ماكنتوشة***]

اهم شي يكون شكل الوحده مرتب وبس !!!!!!!!

 

[q8rose]

مو شرط الميكب بس اهم شي اكون مرتبه

 

[قـہۈه فـرنسيـہ™]

والله على حسب ... مرات أروووح كلش مالي خلق ...>>>مثلا نكون رادين من بر ومارين ناخذ أغراض ونرد ...شي طبيعي بيكون الشكل مو مرتب يعني مووو على طووول لازم كووول ومرتبه

 

[Tutti-Frutti]

حـق الـجـمـعـيـه الـبـس عـبـايـه جـتـف
ومـو لازم مـيـك اب
وبـاغـلـب الاوقـات احـط شـويـه مـاسـكـرا وانـتـهـى الـمـوضـوع

 

[ام شيخوه]

الحمد لله والشكر يعني تحطين المكياج حق منو تبين تلفتين النظر ليش ماتذكرتي الاية ((ولايبدين زينتهن ))

 

[شــــــــــــــوقــــه]

لا انا الحين صرت اي مكان لازم اهتم بشكلي حتى لو مستوصف و مريضه

البس عبايه عادي بس الشيله مثلا اقطها قطه حلوه مو اي شي

و كحل داخل العين لازم نادر اطلع بدون كحل و اذا ماكو داخل العين احطه على الرمش من تحت

بس باجي الميك اب لا مو دايما

 

[قَلبڪْ صًخرْ]

مرات وددي اطلع في بيجامتي هههههههههههههههههههههههههههههههه
وعندي عباة وحده لفح << شخباري خخخخخخخخخ
البسها فوق بيجامتي ..

 

[حقوقيه زوغه]

لازم يكون شكلي مرتب يعني مثلا البس جينز وفوقه بلوزه تريننق ووشي طويل يغطي .. واحط بودره وحمايه من الشمس وقلوس وردي ونظاره شمسيه لووول وبس

 

[*أم*خالد*]

عيش ومرق

احترم ثقتج بنفسج :weight_lift:

killer girl

خطتج خوش على خوش وتصلح للتطبيق العملي

غلا دبي

اسعدني مرورج يا عمري

أمي نور عيني => اي والله مو بس نور عيني الا دم قلبي

" كنت " مثلج بس سبحان اللي يغير ولا يتغير

ماكنتوشة و Q8ROSE

ثانكس على المرور

قهوه فرنسيه

حياج صح كلامج للضروره احكام بس انا اتكلم عن الوضع العادي
شرفني مرورج

توفي فروتي

لو تحطين قلوس ابرك من تنتف الرموش :eh_s(2):

ام شيخوه => الحمدلله والشكر هذا نك ؟
انطرج ورا المحول وبايدي العجره والثانيه سجين جان فيج خير تعاليلي :rgewrg:

شوقة
فديتج انا في الطريق عشان اصير جذي بس بشوف وايد بنات جذي ولا قلة :rerrerek:

قلبك صخر

لالالالا عاد قويه !! بجامه مره وحده ؟ لوووووووووول
بدعتي ياختج

حقوقيه زوغه

مشكورة على مرورج العطر حبوبه​

 

[Q8iYa'87]

والله ميك اب انا اساسا ما احط حق طلعات بس حماية و زبدة و ساعااااااااات بلشر يعني شغلات خفيفة ما تبين بس تصفي عرفتي
و عموما البس عباية و احرص انها تكون مرتبة غالبا بس الجمعية موضوعها استثنائي خخخخخخ
تسلمين عالموضوع :*

 

[eva beach]

لاااااااااا طبعاا استحااااااااااااااااااله احط مكياج ماكو شغل !!

واممم اللبس بلى .. البس اي شي بصرااحه .. لانه مو مكان كشخه ولا شي

البس جينز ويا اي شي فوق وبس مع السلامه

يقولج المثل ( لكل مقام مقال )

والجمعيه كلها هنود وشياااااب وعيايز ويهالوو .. وبرووح اخذ اغراضي وبطلع ومحد درا عني

ههههههههههههههه

>> وجهة نظري طبعا

وبعدين احس حدده مايسوى اتمكيج عشان الجمعيه !! ليش شصاير بالدنيا

زين انتي ماقلتي لنا وجهة نظرج يلا ناطرينج

لمه تروحون الجمعيه تهتمون انه شكلكم يكون مرتب ولا عادي روحه جمعيه تطقين أي شي على أي خلقونه وتروحين ؟؟

لوووووووووووووووووووووووووووووووووووووول

:dddds: :dddds:

عجبتني حيييييل هههههههههههه

 

[ام شيخوه]

الحمد لله والشكر هذا رد اقول مالت عليج بس ماعليج شرهه يلا انقلعي

 

[عهود الحب]

يا اختي حتى بالبيت قلوس وكحل وحواجب تتغير النفسية

بس بالجمعية انا ما احب اكون مهتملة ماتدرين منو بتواجهين

ما تسوى عليج حزتها تتمنين تنخشين تنشق الارض و تبلعج وتاليتها الشخص المنحاشة لايشوفج يواجهج عند الكاشير


انا كشختي للدوام يخرب بيت الدوام بس بالجمعية بالمستوصف بالسوق نفس الشكل
عباية راس ونقاب ولا بأس من تحديد الملامح خو بدون هالكحيلة مافي اصلا عيون يتروالي
لا افراط ولا تفريط

 

[كيكه توفي]

لمه تروحون الجمعيه تهتمون انه شكلكم يكون مرتب ولا عادي روحه جمعيه تطقين أي شي على أي خلقونه وتروحين ؟؟

ثاني شي تحطين ميكب ؟ اتكلم عن الميكب الخفيف يعني كونسيلر وقلوس يخلي الوي فريش وحلو

البس امبله اهتم ان شكلي يكون مرتب

اما الميك اب لا الصراحه ما اهتم احط ميك اب حق جمعيه

وشكرا

 

[aṕriliå]

انا الجمعية مثل السوق مثل الجامعة >>الا ان الجامعه احيانا او نادرا احط ميك اب


عباة وملفع وشكلي مرتب ونظيف بدون ميك اب