الشغل يركض وراج للبيت ؟؟؟

[بـاربي بدويـه]

السلام عليكم


شلونكم ابلاتنا


في سؤال يراودني <<<<ركزوا على يراودني

مو اول سنه تعيين .. ميخالف مو ثاني سنه ...


ثالث سنه .. هل الشغل يلحقني للبيت ويركض وراي وانا انحاش وهو يلحقني يلحقني ويصيدني <<<توم وجيري مو شغل:krkrkr:

لا يعني قصدي حتى بعد ماتجمعين اشياءج ووسائلج وشغلج كله بعد يلحقج شغل للبيت يعني حالكم حال مدرسات المواد الاساسيه عربي انجليزي ولا سهالات؟؟؟؟؟؟؟؟ وفي محاتاه ؟ واذا في انزين تحاتون شنو اكثر شي؟

وحفلات التخرج على كل مدرسات الروضه ومقسم الشغل؟ وباقي المناسبات نفس الشي؟؟

 

[أوركيد]

اذا على الملاحق ..اي والله يلحقج :ada: الشغل وما يهدج ..

واكثر من ابلات الابتدائي والمتوسط ..لأن طلبات الروضه اكثر والشغل يعتمد على ايدج ووسائل مو بس منهج وتمشين عليه ...

والشغل والله تقريباً كل يوم ..اذا عندج حلقة ..تزهبين الحلقة والمنبه والمسابقات واللاب توب .....الخ

زاذا عندج لا صفي تزهبين شغل اللا صفي ..سواء فنيه او علميه او مطبخ او شي ابداعي ...اللهم المكتبه والحركيه اللي ما يبي لها شغل ..

وبالنسبة لحفلات التخرج ..كل ابله مع صفها تختار الفقرة وتدرب ..وابلات اولى يريحون ابلات ثانيه بالفترات بس ..وممكن ببعض الرياض يدربون معاهم ..

وطبعاً المناسبات على كل الابلات ...كل من يحوشه نصيبه ..توزيعة توزعها المشرفه عليكم وكل مناسبه مجموعة ابلات ..

وبس

 

[بـاربي بدويـه]

شهالاحباط

معقول سنتين ثلاث مايمدي الاغراض تجمعت الدروس ماتتكرر كل سنه؟؟

يعني الادوات نفسها شحقه اللحق والملاحق بعد

انزين حفلات التخرج ماتتوهقون؟ والي ماتعرف تدرب؟ ولا تعرف طابور عرض وفقرات وخرابيط ... وبعدين ماظن الجهال الي بهالعمر يعرفون يمثلون ولا يسوون فقره خخخخخخخخخخخخخخخخخخخ

 

[شمووووع الليل]

اكيد يلحقج الشغل هههههاي ورانا ورانا

 

[غزلان الكويت]

والله يااختي لادخلتي مجال الرياض بتعرفين متعب جدا صراحة ولو يرد الزمن والله مادخله بس قدر الله وماشاء فعل