الشريجه

[غلا أحمد]

شلوونكم يا احلا كويتيات
اكيد لمى قريتو العنوان حسبالكم الزوجه الثانيه

طبعا لالالالالا ​

الى اقصد فيها اهي الديوووووووووووانيه

يابنات ذابحني ريلي بالديوانيه واغلب مشاكلنا كله على الديوانيه من كثر مايحبها صدقوني والله مايطوف يوم الى لازم يروح يمكن مره بالسنه الى يقعد عن الديوانيه واستانس وما اصدق نفسي اقول لمى يتاخر اقول الحين بيطلع :eh_s(9): مايخليها حتى لمى نكون طالعين لمى نخلص الطلعه يقطني بسرعه البيت ويروح حق الديوانيه انا بالصراحه معتبرتها شريجه بموت ابي اعرف شنو السر تكفون يابنات تعبت وهل كلكم تعانون مثل ما اعاني ابي تفاعلكم معااااي يابنات ديرتي تكفوون
وشلون اخلي زوجي تخف روحاته حق الديوانيه

 

[انا مو هني]

رد : الشريجه

عادي انا ريلي لازم يطق كرتا بالقهوا صبح ظهر عصر مغرب عشا ليل فير عيد رمضان صيف شتا دوام عطله اجازا

 

[KOKO_284I]

رد : الشريجه

الحمدالله ريلي ما يدش الدواووين ولا القهاوي امي دايعتلي انشالله البنات يفيدونج

 

[krkosha]

المشكله ان ايام المجله مايعرف شي اسمه ديوانيه وربع وفجاه بعديييييييييييييييييييييييييييييين يوميا طايحيله بالدوانيه جنه امهم قاطه سرتهم فيهااا

 

[الأميرة جوري]

رد : الشريجه

........الله يعينج

 

[((shoOoshoOo))]

صج صج الله يعينــج

 

[Tom ♥ Jerry]

.


لوول لا انا زوجي يروح الدوآنيه 3 مرات بالآسبوع يعني 3 ايام
> شوية صح !

و كل مآ يروح لآزم ثم لأزم ثم لآزم اقوله يقطني بيت آهلي
مآ اقعد بروحي دآم آهوه مو موجود آخآف

 

[monmon12]

خايييه بالديوانيه صدقيلي أحسلج من شي ثااني ههههه

 

[لمسه حزن]

رد : الشريجه

حبيبتي

كل الرياييل جذي

حاولي تسسوين لج جو

بالبيت يعني شاركييه هوايه اهو يحب

يسويها غير شكلج

ضحكي فرفشي

اشتري افلام

يعني ضيعوا وقت ..

تحياتي

 

[al-musk]

رد : الشريجه

تلاقينه شلته دمها خفيف والوناسه محد يعافها

 

[سوسن1980]

رد : الشريجه

نفس المشكله ومالقيت لها حل بس الحمدلله يشغل نفسه بالديوانيه ولايشغلها بحاجات ثانيه

 

[بسبوسه11]

رد : الشريجه

اهو صح الديوانيه ولا شي ثاني
بس ترى حتى الديوانيات خراب
يعني يمكن ياخذ راحته هناك بالمغازل بالتليفون او الاب او يشوفون افلام مو شي
يعني هالسوالف بدون مايكون عليهم رقيب
والله يعين

 

[*peace*]

رد : الشريجه

ي والله احسن من القز بالسوقه والخرابيط

 

[om deaj]

رد: رد : الشريجه

عادي انا ريلي لازم يطق كرتا بالقهوا صبح ظهر عصر مغرب عشا ليل فير عيد رمضان صيف شتا دوام عطله اجازا

مي تو بس انا مااكلمه عن القهوة كلش
بس قلتله لازم يوم تفضي نفسك حقي وحق ولدنا
وعقب الولادة بحدد يومين يوم للعايلة مع بعض
ويوم لي وله اسبوعيا
لانه صج طقت روحنا من قعدة البيت

 

[كريستينا اوغلير]

رد : الشريجه

تلاقينه شلته دمها خفيف والوناسه محد يعافها

أوافقج الراي
لان زوجي كل ماادق عليه ويكون بالدوانيه بس أسمع ضحكهم
ووناستهم<<ودي أجرب و أقعد بالدواتيه هههههه:ggdw:
أحس قعدت الشباب والدوانيه كلها وناسه وضحك وفررفشه
لاهم ولابطيخ ....................................الحياه حلوه :eh_s(6):

 

[Mrs.Q]

في حلول تخفف
سوالف تسويله أيام رومانسية غريبة إذا ريلج نوعه جذي سوالف يوم الغابة يوم الدكتورة يوم الثلج وتقوليله اليوم يوم الثلج لا تتأخر بالليل
بييج طيران
إذا تحددين أيام هم فكرة حلوة
وأهم شي إذا نوعه يقولج آنا ماحب خصلة معينة فيج ضروري تقطعينها
يعني أكثرية الرياييل مايحبون الحريم اللي يحنون واللي يتشكون وهذا أكثر شي نسويه بحياتنا
ومايحبون الحريم اللي ماعندهم سالفة غير شيل وحط وييب وشوف هالولد مريض وهالولد مايدرس
خلوا سوالفج وياه عن كل شي إلا العيال خليهم شي هامشي مو شي أساسي
وخلوا سوالفكم أشياء يحبها اهو سوالف هواياته سوالف عن ناس يحبهم وحتى سوالف عن الأشياء الرومانسية جان فهمتي قصدي
غرقيه بحبج وعطيه انطباع أن إنت مهم فلو تطول برة البيت يصيق خلقي
والله يعينج حبيبتي

 

[غلا أحمد]

مشكووورين ياقلبي كل الى ردوا على وبخصوص الرومنسيه انا رومنسية واايد واسويله جو حلو ومفاجاات والله مو مقصره واحب اهتم في نفسي تعرفون بعد احنا الكويتيات لازم نهتم بنفسنا حتى لو تكون علي الدوره اهتم واذا على الحب احبه وامووت فيه واهو بعد يحبني مووت بس حاولت افهمه ان يخصص يوم او يومين على الاقل بالاسبوع يروح حق الديوانيه ماكو يقولي هذا طبعي ما اقدر اغيره بس انا متضايقه والمشكله حتى بالدوامات والله مرات انام واخليه بدون عشا لان يتاخر وانا ما انام العصر اعاني والله يابنات
ادوعولي الله يهديه

 

[om_7amny 85]

يبا شنو المشكله ألي تواجهج؟؟؟
خلي يروح كل يوم عادي باجر تتعودين
مو معقوله كل يوم بتحترين على روحته الدوانيه
بعدين يمعة الرياييل و خصوصا اذا اهما ربع و يمونون على بعض وايد وناسه و ياخذ راحته اكثر من لما يكون معاج بالبيت
يعنى اذا شرب بيبسى عادي يتريع بأعلى صوته محد عنده يحسب حسابه اذا بسب رفيجه ياخذ راحته بأوصخ سبه اذا طلعت مذيعه او ممثله حلوه ياخذ راحته بالمدح ما يحاتي و غير طبعا التدخين بالهبل و البلي ستيشن و الجنجفه
و تلاقين ربعه كلهم على نفس جوه
اما اذا كان عندج بالبيت لا غير لازم يكون رومانسي لازم يجاملج و يمدحج اذا كنتى كاشختله لازم يكون ذرب مو نفس دفاشة الدوانيه و تلاقين سوالفج ما تيوز له مثل ربعه يسولفون عن السيارات و الحداق و الرياضه و الكره و انتى سوالفج بالنسبه له ممله يعنى مثلا تقولين له اشرايك بلبسي ؟؟ امسويتلك نيو لوك
اتحبنى و لا ما تحبني ؟؟؟ اشكثر اتحبنى ؟
ترى من زمان ما طلعتني ودي اطلع اغير جو .. .. و من هالسوالف
انا ما اقولج صيري ريال لا بس قاعده اوضحلج الصوره اكثر عشان تعرفين ليش يروح الدوانيه ترى مو بس اهو كلهم جذي
جربي مره تحطيلج البلي ستيشن و تلعبين و لبسي بجامه عاديه مالت البيت و لا تسألين عنه و حطي يمج جنجفه و كاكاو و عصير و كيك و بفك و هالخرابيط و سويلج قعده ارضيه اجبال التلفزيون و شوفي اشلون بيستانس حده و لما يدخل عليج بالبيت سوي روحج مندمجه ما تدرين عنه ههههههههههههههه
كل ما كنتي طبيعيه كل ما حبج اكثر

 

[غلا أحمد]

يبا شنو المشكله ألي تواجهج؟؟؟
خلي يروح كل يوم عادي باجر تتعودين
مو معقوله كل يوم بتحترين على روحته الدوانيه
بعدين يمعة الرياييل و خصوصا اذا اهما ربع و يمونون على بعض وايد وناسه و ياخذ راحته اكثر من لما يكون معاج بالبيت
يعنى اذا شرب بيبسى عادي يتريع بأعلى صوته محد عنده يحسب حسابه اذا بسب رفيجه ياخذ راحته بأوصخ سبه اذا طلعت مذيعه او ممثله حلوه ياخذ راحته بالمدح ما يحاتي و غير طبعا التدخين بالهبل و البلي ستيشن و الجنجفه
و تلاقين ربعه كلهم على نفس جوه
اما اذا كان عندج بالبيت لا غير لازم يكون رومانسي لازم يجاملج و يمدحج اذا كنتى كاشختله لازم يكون ذرب مو نفس دفاشة الدوانيه و تلاقين سوالفج ما تيوز له مثل ربعه يسولفون عن السيارات و الحداق و الرياضه و الكره و انتى سوالفج بالنسبه له ممله يعنى مثلا تقولين له اشرايك بلبسي ؟؟ امسويتلك نيو لوك
اتحبنى و لا ما تحبني ؟؟؟ اشكثر اتحبنى ؟
ترى من زمان ما طلعتني ودي اطلع اغير جو .. .. و من هالسوالف
انا ما اقولج صيري ريال لا بس قاعده اوضحلج الصوره اكثر عشان تعرفين ليش يروح الدوانيه ترى مو بس اهو كلهم جذي
جربي مره تحطيلج البلي ستيشن و تلعبين و لبسي بجامه عاديه مالت البيت و لا تسألين عنه و حطي يمج جنجفه و كاكاو و عصير و كيك و بفك و هالخرابيط و سويلج قعده ارضيه اجبال التلفزيون و شوفي اشلون بيستانس حده و لما يدخل عليج بالبيت سوي روحج مندمجه ما تدرين عنه ههههههههههههههه
كل ما كنتي طبيعيه كل ما حبج اكثر

مشكوره ياقلبي وابي اجرب واشوف رده فعله شلوون لان انا بروحي بالشقه يضيق خلقي بسرعة ومرات حزة الدوامات يكون مالي خلق اطلع واهو اغلب وقته بالديوانيه