الشرطه النسائية

[FAROU7 ALSALI7]

السلام عليكم بنات
حبيت استفسر الي عندها معلومه عن موعد التسجيل بكلية سعدالعبدالله (الشرطه النسائية)
تفيدني ولي يعافيكم
و شنو الأوراق المطلوبة؟
غير هذا يستثنوني من ناحية اللياقه اذا كنت بنت شهيد؟
لانه فيني ضعف بعضلة القلب


و مشكوووورين

 

[Break Time]

أب واتمنى البنات يفيدوووووونج

 

[FAROU7 ALSALI7]

يا حياتي تسلمين عال "اب"

 

[FAROU7 ALSALI7]

شدعوه مافي ردود؟

 

[عاشقة الاسلام]

اب اب اب

 

[om.googi]

اللياقة البدنية ما فيها استثناءات بالمرة ,,

وبالنسبة لحالتج مرفوضة عندنا بالأكاديمية لأن بالاختبار احتمال تطيحين أو تغشين ,, آخر 3 سنين متشددين حيل بالنسبة للياقة والاختبارات مافيها واسطات ,,

ومن اللي مرفوضة حالاتهم اللي فيهم فلات
( أقل شي اذا تبي تنقبل تشتري جوتي فلات من مركز بالسالمية متخصص بجواتي التقويس لحالات الفلات وعندها 4 أشهر تعود ريلها على هالنوع )
لأن البسطار اللي راح تلبسه من ناحية وزن وضيق ماعتقد راح تتحمله اذا ما عودت ريلها عالطبي ,,

والتسجيل خلص حبيبتي ,, التسجيل الياي شهر 6/2012 ان شاء الله والأوراق والمستندات المطلوبة لما اتيين تاخذين الظرف تعرفين طلباتج ,, بس حالتج صعبة حيل نقبلها في الهيئة المساندة ( الشرطة النسائية )

وفي وايد غير هالمهنة ,, وموفجة ​