الشدو العادي والمخملي والمائي والكريمي ..

[منار الروح]

ابي اعرف شنو الفرق بين الشدو العادي والمخملي والمائي والكريمي ..

يعني من حيث الثبات وبروز الالوان وكل شي .. وشنو تنصحوني حق حفلات المخملي او المائي ..

وبعد ابي اعرف هل المخملي والمائي ما يساعدون في الدمج ..

 

[aloooya]

اب اب

 

[فديت حبوبي]

المائي ما جربته لكن جربت العادي والمخملي وطبعا المخملي الوانه ابرز واقوي ومن ناحيه الدمج ايه تقدرين تدمجين المخملي
وهذي المعلومات اللي اعرفها واتمني البنات يفيدونج

 

[little-voice]

المخملي حلووو حق الحفله والوانه احلى واذا تبينه يثبت اكثرر حطي بالاسفنجه ماي و بعدين حطيها على الشدو وراح يثبت ويصير حلووو
هم الكريمي بس اذا بتدمجين الالوان استخدمي الكريمي اسهل

 

[krkooora]

المخملي يصير فيه لمعه شوي و ثابت >> انا احبه سواء حفلات ولا استخدام شخصي
المائي تستخدمين معاه الماي يصير ثابت و قوي اللون و مو سهل بالدمج

 

[ديانا سبنسر]

اب اب

 

[L A T T E]

الشدو المخملي يكون فيه زري ولمعة، ولما تدمجينه يعطيج تدرج حلو
الشدو العادي اهوا الشدو العادي لوول.. اللي يكون بودرة و مافيه لمعة وايد نفس المخملي
وهذول تحطين منهم كمية بالفرشة و ثباتهم مو قوي

المائي نظامه تاخذين فرشة تبللينها بماي وتحطين من الشدو.. الوانه عجيبة و واضحة بس ممكن يدمرج.. واذا بتدمجينه ماتدمجينه بعينج.. تخلطين اللونين اول قبل لاتحطينه عالجفن

الكريمي، وايد قوي و ثابت.. و يصلح لعروس اكثر.. وانصحج فيه كألوان إضاءة او الاسود للاي لاينر

 

[معلمة_منكوبة]

مابي اعيد كلام البنات .. انا ماحب المخملي لانه احسه يتكتل مايعطي بلندنج حلو ...

والعادي نفسه تقدرين تحطين بالفرشه ماي ويصير مائي بدال ماتشترين مائي بعد

وتخسرين فلوسج .. ان شالله اكون افدتج

 

[noona90]

نفس كلام البنات بنظري افضل شي المخمل والكريمي

 

[وافرر]

البنات ماقصروو كل شي قالو

 

[جوانا2010]

ماقصرو البنات........

 

[منار الروح]

مشكورين حبايب قلبي ما قصرتوا .. بس انة سمعت ان الشدو المخملي صعب في الدمج فشرايكم

 

[منار الروح]

اااااااب