السيلوليت وعلامات التمدد stretch marks

[jours]

السلام عليكم خواتي عضوات المنتدى

الله يخليكم بغيت اعرف من تجاربكم او اذا عندكم خبر عن السيلولايت وعلامات تمدد الجلد اذا في علاج يقضي عليهم او اخصائي او دكتور جلدية ممكن يفيدني بهالمشكلة

الله يجزيكم خير

 

[ii DareeN ii]

والله ياريت احد نفع وياه يقولنا لان صج صاير جسمي زيبرا من الضعف والمتن

 

[وجودي عسل]

آآآآآآآآآآآه من هالخطوط


انا سألت قنال الصايغ وقالت انها ماتروح خير شر

اما السيلوليت تروح بالليرز

وقالت اخذي 3 جلسات ليزر و3 جلسات تقشير

ونسبه اختفاءها من 30 الى 50%

بس بنات الجلسه تقريبا 200 ومدري دام هي قالت ماتروح الا 30% اتوقع انها اقل بس تبي تشفط فلوووس

 

[jours]

يعني خلاص مالنا امل

راحت علينا!!!!!!!!

ببجي من القهر==========>>>> اهي اهي اهي

 

[* عباية راس *]

دارين لووووووووووووول سجلي اثنين زيبرا

وجودي عسل حطمتيني قنال الصايغ تقول مايروح

جورز تعالي ببجي معاج

 

[زوجة الثويني]

حبيبتي انا اليوم بروح حق الدكتورة دلال التركيت وبشوف شتقولي وأبشرج..ادعي انشالله يروح..

 

[نبض قلبه]

انا سمعت انها تخف بالليزر بس ما تروح نهائياً يعني ما تنشاف بس اذا حطيتي ايدج عليها تحسين فيها وانا قاعدة ادور عن افضل عيادة ليزر بسويها عندهم لان شي أهون من شي بصراحة ...

 

[وجودي عسل]

بناااااااااااااااااااااااات ابشركم





واخييييييييييييرا في علاج نهائي لها






بس فقط لشجاعات واللي بايعتها<<<< داشه حرب_03BA:






دقيت على رويال حياة

وقالي تروح نهائيا بس بعملية جراااااااااااحيه:23_asmilies-com:

يعني تخدير كامل وتنويم بالمستشفى كذا يووم


لجذي ولهذا السبب قلت ياروح ماوراج روووح

اخااف صج اسوي عمليه

يعني اشيل الخطوط واحط غرز واتلعوز فيها



بس بنااات شرايكم انا مفكره اسوي عن قنال مع ان حييل غالي ونسبة الاختفاء ماتسوى


حدي حيرانه بالذات اني عروس لجذي احترت اكثر :0bee2e8d89:

 

[* عباية راس *]

وجودي عسل

لاتغامرين من صجج عمليه السالفه ماتسوى لهالدرجه

اسمعي أنا أعرف ثنتين معرفه شخصيه كان جسمهم مخطط خطوط بيض وفيه تشققات وخطوط بنيه ورااااااااااااااح واختفى والبنات يقربون لي وامون عليهم سألتهم قالولي يحطون كريم كاتي دالاس او كاثي دالاس واذكر اني شريته وكان سعره 15 دينار بس ما استمريت عليه

انصحج فيه شفت النتيجه بعيوني شي خيالي اختفت الخطوط والتشققات

 

[نبض قلبه]

اختي عباية راس لحقينا وين الاقي هالكريم؟؟عشان استخدمه بنفاسي

 

[وجودي عسل]

هلا عباية رااس



لا انا مستحيل اسوي عمليه بس مفكره بالليزر


وفي دكتور قالي جربي كريم كله كولاجين قيمته 40 دينار

بس مدري قنال الصايغ حطمتني قالتلي انسي تلقين أي كريم بالدنيا يشيلها

اذا جلسات ليزر وتقشير تخفيها بنسبه قليله فما بالج بالكريمات

عاد انا اقتنعت بكلامها لان فعلا لو فكرنا فيها

تلقين ان كل كلمة قالتها صح



بس عباية انا اتكلم عن الخطوط البيضا القديمه مو الحمرا



بس قوليلي رايج يعني عااادي اخليها او اسوي ليزر

لان اللي ذابحني ان جسمي روووعه وتقسيمته حيييل حلوه متناسقه

بس اللي مشوهني هالخطوط بالذااات بمكان ( ...... ) <<اتوقع عرفتيه

تصدقين عاااد طووول المده اللي طافت كنت عبالي ان هالخطوط فيني انا بروحي

لجذي كنت من قلب استحي ومااتكلم عند احد بس طلع ان الكل فيه
والفرق ان تختلف كميته من وحده لثانيه

 

[* عباية راس *]

نبض قلبه


تلاقينه بكل الصيدليات متوفر




وجودي عسل


أدري ان قصدج الخطوط البيضه القديمه وهذا اللي اتكلم عنه بعد عادي اعرف بنات حطوا هالكريم والتزموا فيه ورااااااااااااااح تعرفين شنو اختفى وانا شريته بس ما لي خلق احطه

جربيه والتزمي فيه مو يومين خليج شهر شهرين وبتشوفين النتيجه ان شاء الله

 

[jours]

مشكورين كل اللي ردو وشاركو معانا

جزاكم الله خير