السيريلاك (لكل أم تعانى من حساسيه فى صدر طفلها)

[عاشقه الاسمرانى27]

يعطيكم العافيه أمهات المستقبل .. بنات انا موضوعى للنصيحه يمكن ياهل يتحمل ياهل غيره ما يتحمل .فى بنات بيأيدونى وفى بنات بيعرضونى .بس انا بنبهكم ....​

والله يشهد على :yaaaaaarb:​

أنا بكتب تجربتى وبكتب السبب لكم وكل رفيجاتى اللى يعطون عيالهم سيريلاك عيالهم فيهم حساسيه بالصدر وبلغم ما يروح ويوصل للتنك الله يحفظ عيالكم من كل شر يارب​

عيالى الكبار ما عطيتهم سيريلاك والله صحتهم كانت ماشاء الله عليهم ولا فيهم الا العافيه ولاطبيب ولا يحزنون...ولدى اللى قبل الاخير عطيته سيريلاك وللاسف ماكان يحب شئ غير السيريلاك والحلو فقط ما ياكل شئ مالح حتى لو بدون ملح لازم حلو غير مناعته اللى وايد ضعيفه ومن أقل شئ ينومونه بالمستشفى اسما الله على عيالكم.. وهدا مشكلتى وقصتى مع صغيرى اللى عاش على الكمام وانا مو عارفه من شنو؟؟؟​

وولدى عمره 11 شهر أسما الله عليه عطيته السيريلاك من عمر 5 شهور ونص تقريبا نفس أخوه​

بس للاسف ووولدى من أول ما اخده واهو مو قادر يتنفس وصدره يقفل ويتنك وبلغم ولا يعرف ينام وأنا على باللى من الجو ومن السنترال تعبت مع هالصبى والله واروح المستشفى يقولولى ما نقدر نسويله شئ غير تعطينه كمام ولا يسئلونى شنو تعطيه ولا شنو ياكل ولدى تعب أكثر مع الكمام ومره قاعده احاجى رفيجتى وأقولها على مرض ولدى قالتلى انت تعطينه سيريلاك قتلها ائى قالتلى مرض ولدج صدره والحساسيه من السيريلاك بجميع أنواعه القمح والعسل والفواكه والتمر وحتى سيريلاك الارز داش فيه مادة بروتين حيواني وللاكتوز وطبعا أهم يحطون فيه سكر والشئ اللى عارفته بعدين ان اليهال قبل السنه ما ياخدون شئ فيه قمح لانه يجيبب حساسيه ومو زين للياهل ..انا الحين قطعت عن ولدى السيلايلاك ولدى الحمد لله تعدل شوى بس للحين ما يحب الشئ المالح لازم الشئ الحلو ماياكل حتى المليوبا ما يبيه بس شئ حالى ووديته دكتورة تغذيه قالتلى السيريلاك مو زين ومو كل طفل يقدر يتحمله بس الزبده انه مو زين جان اقولها حتى سيريلاك الارز قالتلى بعد نفس الشئ فيه نسبه من القمح وبروتين حيوانى وقالتلى أبعدى عن اى شئ فيه قمح حتى البسكويت اللى فيه القمح ودايجستف بالقمح ...وسئلت كم دكتور غيرها قالولى السيريلاك بأروبا وامريكا ما يعطونه عيالهم.

وانا بسوى بحث على جوجل قريت للبنات يقولون يتصنع بأسرائيل ..بس التفسير انا السريلاك صناعته ايرانيه شلون ما أدرى....

وانا بسوى بحث طلعلى الموضوع هدا لام كانت تسئل بعد
http://www.q8yat.com/t561778.html

الله يحفظ عيالى وعيال المسلمين من كل شر يارب:yaaaaaarb:

 

[ريم خانم]

معقوله ؟
انا بنتي ماتاكله وقاعده اغصبها عليه وشوي بدت تتقبله بس ماادري اذا يضر
الله يحمي اطفالنا ويخليهم لنا يارب

 

[عاشقه الاسمرانى27]

ريم خانم حبيبتى لاتغصبين عليها فيه ميلوبا وأشياء ثانيه وفى الخضار احسن وأنظف وانتى تسوينه لها وعارفه شلون مسويته

الله يخلليهالج يارب ويحفظها من كل شر يارب..امين يا عمرى​

 

[ام الحلوااات]

يـــعـــــطـــيــــج الـــعـــــافــــيــــه

 

[-_-Designer-_-]

مشكووووووووووووووورة و يعطيج العافيه , عاد انا ولدي الحين عمره 5 شهور و قبل فتره عطيته سيريلاك بالارز و حبه بس شكلي بقطع عنه , على قولتج الشي الطبيعي خضار مفيوحه مع الفواكه افيد و انضف و الاهم ان انا الي اسويله و عارفه ولدي شياكل

 

[hooryah q8]

صح كلامج كثرت السيريلاك تأذي صدر الياهل انا بنتي لما تعب صدرها وكانت اتكح وايد خالتي ام ريلي الله يحفظها نبهتني على هالشي و قالتلي هالفترة لا تحطيلها سريلاك بالحليب ترا يتعب صدرها ولا تعطينها بسكوت او شي فيه قمح

حتى احنا الكبار وقت المرض و كحه لازم ماناكل بسكوت او شي فيه قمح
صح في يهال يتحملونه و في لا و حتي الي يتحملونه الاحسن ماتكثرون منه

بس حبيبتي صاحبة الموضوع سالفة صناعته من اسرائيل و ايران و يدخلون السياسة حتى باصغر المواضيع خلونا اكبر من جذي و كبروا اعقولكم احنا مو يهال عشان كل شي تقلبونه سياسة !! شكو السريلاك بسرائيل و ايران!!!!!
و السيريلاك موجود من احنا كنا يهال قبل لا نتزوج و انعيل!!


والله يحفظ اعيالنا

 

[جنى]

انا عيالي يتحسسون م القمح قبل السنة حتى سيريلاك رايس مكتوب عليه يوجد اثر للقمح و الجلوتين

 

[om MaRyooM]

معقووووول ؟؟؟؟
شي غريب والله




شكرا عالتنبيه وجزاج الله الف خير

 

[أم حورية]

مشكورة ويزاج الله خير،، كل شي جايز

انا عندي قاعدة دايما انصح فيها الامهات

اكل البيت انظف واضمن واحسن من المعلبات مثل سريلاك وغيره

وحتى لو مايضر السريلاك ما ورعه الا المتن

وفي معلومة سمعتها من دكتورة تغذية تقول ان بسكوت فيرلز فيه ارقام تسبب امرراض خطيرة حطو بالكم

وديرو بالكم لان احيانا يشيلون الارقام

خلكم على اكل البيت احسن اشزين اكل يداتنا لعيالهم قبل *

 

[Om fhoood]

حبيبتي ربي يشفيه

بس السبب مو من السيريلاك من القمح اللي فيه لان في يهال واغلب اليهال ترى يتحسسون من القمح وهالشي يسبب لهم طفح جلدي وحساسية بانواعها الصدر الخشم وغيره

 

[MOOON&M]

اب


علشان الكل يستفيد من موضوعج

 

[ليمون ونعناع]

انا دكتور قالي توه نفس الشي ان السيريلاك يسوي حساسيه وعطاني دوا للحساسيه مو بس دكتور واحد اربع دكاترة نفس الشي
بس ليش يبيعونه بالجمعيات ويعطونه بالتموين مايخافون على عيالنا
فيه دكتورة قالت لي ان السيريلاك مافيه اي فايده
ياريت يقطعونه من السوق

 

[ليمون ونعناع]

تذكرت بعد من مضار السيريلاك ان يتعب الامعاء وايد ويظل الياهل يبجي
هذا كلام الدكتور

 

[سعادتي انت]

بنات انا ملاحظه على ولدي من اعطيه سيرلاك على طول يمشي بطنه
مادري هل له علاقه بالامعاء..وخوفتوني بصراحه..الله يحفظ عيالنا

 

[تفداج روحي]

حبيبتي السيريلاك ما ينفع حق كل اليهال
دكتوره ولدي لما شافت ولدي جهازه التنفسي تعبان عطتني قائمه ممنوعات من بينها السيريلاك وبسكوت اليهال المصنوع من القمح

ودام عيالج يتحسسون منه خليه عنج وقطعيه في وايد شغلات ممكن ياكلونها غيره*

 

[ام كداوي]

صح كلامك انابنتي عمرها تسع شهور كله رايحة جاية من المستشفيات من سبة البلغم وحساسية الصدر لينما لقيت دكتورة زينة قالتلي وقفي عن بنتك السيريلاك وحتى حليب الصيدلية حاولي تخففي منه وعطتني دوا الحساسية انا الحين وقفتلها السيريلاك وحتى الحليب قمت ما اعطيها اعطيها الحليب العادي مال الجمعية بس اخليه لين يغلى زين واعطيها وصارت احسن حيل