السياقه + النفاب فسرولي الموضوع

[أم ليلى 2008]

السلام عليكم شلونكم بنات
انا شوي متأذيه صارت معاي سالفه وانقهرت والسبب لاني بس لابسه نقاب

سالفتي باختصار ياطويلات العمر

انا منقبه وابي اتعلم سياقه ولولا اضطراري كان ما فكرت بالموضوع من اصله
المهم راح اخوي وسجلني بمدرسة تعليم القياده
اليوم الاول للتدريب بمجرد ماركبت السياره قالت لي فصخي النقاب ممنوع طقتني البووهه

طبعا قتلها لأ ردت علي براحتك ماتبين كيفج قتلها شنو يعني قالت تبين اعلمك فصخيه وإلا ما اقدر
لأن هذا قانون عندنا
المهم اني نزلت من السياره وانا متأذيه وايد .

فألحين ابي اعرف النقبات شلون تعلموا ؟!!

وسمعت ان اساسا ممنوع منقبه تسوق صح هذا الكلام ؟؟؟
الشوارع متروسه منقبات يسووقون شلوووون !!!

ابي اعرف شنو تسوون اذا وقفكم ضابط او صار تفتيش لان انا الصراحه مومستعده اني افصخ النقاب


وبالاخير إلي تعرف مدربه زينه وصبوره وترضى تعلمني بما اني منقبه ياريت تعطيني رقمها ولو يكوون سعرها رخيص واااايد زين :eh_s(15)::eh_s(15):


بنات عفيه إلي مرت بنفس تجربتي او عندها معرفه بهالموضوع ياريت ترد على الموضوع


:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[Tom ♥ Jerry]

,


نعم نعم من صجها هاذي !!!!
نص الشارع منقبات يسوقون وين عايشه هالمدربه ؟ ؛@
بطت جبــــدي !

آمممم آنتي وين بالكويت ؟!
اذا بالكويت كلآمهآ كلا غلط × غلط
منو قال المنقبه مآ تسوق لا يبه تسوق و تطلع ليسن وبواسطه بعد هههه
هاذي تفلسف عليج .. خليها دوري مدربه ثانيه ..

 

[لمى الهاجري]

مادري عادي وايد منقبات يسوقون

 

[لوريت]

ماقدر اعلق .. ماعرف قوانين الكويت ..

بس عندنا عادي.. تسوق بنقاب ولا برقع اللي هو

 

[[[ عيون جابر ]]]

امبي شكوووو مايصير هذي تستعبط عليج شوفي غيرها

 

[ليتني مـآ كبرت]

هههههههههههههههههههه قتلتني ضحك هالمدربة

وين عايشة على كيفها تطلع قوانين

لايبا عادي تتدربين وتسوقين بنقابج

وحتى الشرطي ماراح يطلب تفصخينه

دروي لج على مدربة ثانبة ياكثرهم

 

[عادت ذكرياتي]

لا بعد عمري منو قال هذي الظاهر مطلعة القانون من عقلها !!!!!!!!!!!!!!!!!!!!!!!!!! الله يهديها

أعرف وحدة تسوق وتلبس بوشية بعد ^_^ والوضع طبيعي وحتى الشرطي ماله حق يقولج تفصخين النقاب ما كو قانون جذي


بس أقولج عشان مو تصدقين يمكن يصادفج شرطي ما يخاف ربه ويقص عليج يقولج فصخي النقاب فلازم تكون عندج خلفية إن ماكو جذي بالكويت .... خو من وين هالحجي !!!

 

[dalo0oa121]

يمكن قالت لج ممنوع تحسب انج ماتشوفين من النقاب
شنهي جنسيتها المدربة؟؟
او يمكن
خايفة انج ماتكونين انتي صاحبة السيارة وتبي تتاكد
وليش ماكلمتي المدير او اي شخص اخر يشتغل قولي له
عن السالفة

 

[∫ ∫ ∫ ∫ جــوان ∫ ∫ ∫ ∫]

ماعندها سالفه

شنو ممنوع اغلب بنات الكويت منقبات ويسوقون واشكثر اشوف بنات منقبات فى سيارات التعليم

ماتبى تعلمج وانتى لابسه نقاب شوفى غيرها مع ان ما قد احد مدح التعليم مع مره بس اهون من التعليم مع رجال غريب

 

[Patcholli]

مينونه هاذي او انها مستحقره معاج ..!!

انا لما كنت اتدرب كنا نروح ناخذ وحده منقبه من بيتهم وبعدين يردوني بيتنا عشان يصير دورها بالتدريب .. يعني مافي مشكله بس الظاهر هاذي نذله

 

[فـــخـــر]

*اي في قانون ممنوع المنقبات يسوقون بس مو مطبقينه قانون ع الورق بس << قريته بالجريده مره

بس عادي امي وخالاتي منقبات ويسوقون

دوري غير هالمدربه : \

 

[كويتية بروما]

هالمدربه حقيييره دوري غيرها
وبالتفتيش لا وقفج ضابط مايقولج لافصخي النقاب ولاشي بالعكس اهم من يشوفون مره يطوفونها
موفقه

 

[سكرة،]

لا حبيبتي هذي يا مخرفه ولا أول مره تدرب ومطلعه هالقوانين من أفاها
عادي المنقبات يسوقون وانتي شايفه الشوارع متروسه
وبالتفتيش ما يقولون نزلي نقاب خخخخخخخخخخخ ضحكتيني صصصصج على هالسالفه
إذا ما تبي تدربج وانتي متنقبه كيفها اهي الخسرانه
دوري غيرها .

 

[جنون العاطفه]

دوري غيرها غلطانه هالمدربه
شكثر في مدربات حياتي ​

 

[حلا الزين]

دوريلج مدربة غيرها هذي تستعبط عليج من وين جابت هالقانون نص بنات الكويت متنقبات و يسوقون بعد

 

[∫ ∫ ∫ ∫ جــوان ∫ ∫ ∫ ∫]

هههههههههههههههههههههههههههههههههههه


بنات شلختو المدربه خلاص ارحموها

 

[Japanese]

تخف علي الفرنسيه! انا لو منج اشتكي عليها

بآوروبا واميركا وغيره ممكن اتوقع هالموضوع بس هني بالخليج لااااءءء وابدا بعد!

وايد بنات قبايل يسوقون ومستحيل مستحيل مستحيل حد يقولهم افصخو نقاباتكم ولا شي جي

مادري بس ماقد سمعت بقانون جي ويتروالي حتى لو فيه قانون اظن ناس وايد ماراح توافق عليه :/

انا اقول تشوفين لج مدربه غيرها ،، تتفلسف بعد عبالها قاعده في يورب الشرهه ع اللي مخليها تقعد تفتي ع كيفها

عصببببتتت

 

[راديو]

صح سامعه فيه هالقانون
بسس ماتطبق /
..ماصادفني هالموضوع كلششش
نصيحه دوري غيرها شكثرهم بلوسيط /
موفقه اختي

 

[.. روحي تحبه ..]

..

أنا منقبة وأسوق تدربت وقدمت التراي بنقابي محد قالي فصخي حتى التفتيش مايقولون ..

..

 

[ajeeba_21]

ماعندها سالفه الظاهر ما تحب النقاب
بس مو من حقها تقول لج فصخي