السياحه في دبي غير الاسواق

[#ريما#]

مرحبا بنات

ان شاءالله بعد 4 ايام بروح دبي مع زوجي لمدة 5 ايام

و ابي اماكن سياحيه و رومانسيه غير الاسواق لاني عارفه الاسواق عدل

وشكرااااااااا ياااليت تردون علي سريعااا سريعااا


:eh_s(17):

ما ننحرمشي

 

[أحـلام]

عندج الخور .. وشاطي جميرا .. منطقة برج خليفة ممكن تتمشين صوب النافورة ...

حديقة مشرف .. حديقة زعبيل ..

وممكن تسيرين على أبوظبي فيها جــــزر هادية ،، جزيرة السمالية وجزيرة المايا ..

وعندج بالشارجة ( قناة القصباء ) مكان مفتوح وحلووو ...

كنت بقولج العين ( المبزرة الخضراء ) بس يمكن مشوار طويل عليج
لانها تبعد عن دبي بحدود الساعتيين .. ،،، مكان مفتوح وفيه الماي الحارة ..

 

[#ريما#]

مشكوووره ياحبيبتي ماقصرتييي : )


اييه اعرفها عين فايضه الي مايها حاره رحت لها قبل جم سنه مع ماما وخواتي : )

وبعد ابي اماكن قريبه في دبي مثل سفينه فيها مطعم و عشاء رومانسي وو اجواء جذي

 

[#ريما#]

up
up




up


up


up

 

[سري الدفين]

1- the walk , هذا حلو حيل حق تمشي سوق مفتوح دشي قوقل وكتبي الأسم وراح تطلعلج صورا .
2- مجمع الوافي (( في قسم مصري وتونسي وأقسام مختلفه )) وايد حلو للتمشي
3- سوق مدينه الجميرة في قوارب ويطل علي برج العرب .
4- متحف دبي وايد حلو .
5- الباص المائي حيل حلو .باص يدور فيج وبعدين يطب بالماي
5-قريه البوم

 

[ام سيف الامارات]

وايد اماكن مو بس في دبي كل الامارات عندج مدينة العين وبوظبي عالم فراري والشارجه فيها وايد متاحف وكل اماره تقول الزود عندي وهيه صح باص العجيب اللي في دبي وغير الحدايق

 

[دلوعة أبوهآ]

سفره موفقه ..

 

[dubai girl]

اجرو لكم يخت من مرسى دبي

وخواتي ماقصرن

^^

 

[محاميـــة]

اي والله بنات بغيت اسال عن اتلانتس اذا بنروح الزحلاقية اللي فيها ماي شرايكم فيها انا بروح دبي عيد زواجي ومثل ماقالت اختي ريما نبي اماكن غير السوق يعني ترفيييه + اماكن رومانسية