السياحه فى الكويت الحبيبه

[شهد ستايل*]

السلام عليككم ورحمه الله وبركاته ....
شلونكم حبايبى انشالله بخير ....:eh_s(17):
الكل يتحجى عن السياحه برة الكويت ...والاغلب يشوف الوناسه برة الكويت..
ترى فى ديرتنا الحبيبه وايد اماكن سياحيه ..
الكل اذا سافر بره الكويت... وحسب كل ديرة يحط جدول وين يروح بايام الااجازة فى هالبلد ... نفس الشى لو نحط برنامج... فى حال ا ذا لم نسافر... وكل يوم نقضيه فى اماكن سياحيه فى الكويت جان تخلص الااجازة ونخلص البرنامج
عندنا المشروعات السياحيه مرافقها اكثر من 15 مرفق هذا اللى على بالى وغير اللى ما ادرى عنه ....
ومنها متنزه الخيران ... اسبوع فى منتزه الخيران... يغير النفسيه وفيه الوناسه مع العايله ... وبروحكم اذا تبون هههه...بصراحه انا كنت فى المنتزه ومتعوده على طول اروح هناك بصراحه تغيير واحس انه بعد يعتبر سفرة ...
والمرافق الثانيه اذا يوميا نزور مكان راح تخلص الاجازة..
وبعدين فى الفنادق لو نحط جم يوم نزور جم فندق ونحجز يومين ثلااثه بعد تعتبر سفرة قصيرة ...
ومطاعم ومجمعات وتسوق مثل برة
يعنى ديرتنا فيها الخير كله ...واحلى من برة...:eh_s(1):

كلامى موم معناه انى ما اسافر والاا ما احب السفر ...
بالعكس انا احب السفر وراح اسافر اخر الااسبوع الى ام الدنيا ........

ناطرة تعقيباتكم على موضوع السياحه فى الكويت..:eh_s(2):

اشوفكم على خير............:eh_s(8):
شتبون اييبلكم من مصر امروا حبايبى تدللوا ... :eh_s(3):

 

[rawona]

رد

كلامج كله على العين والراس وديرتنا حلوه ومافيها شي بس ....

المشكله انج بالسفر اتصدين عن الناس ومشاكلهم وبلاويهم وتغيريين الويووه اللي تشوفينها كل يوم ..

ومثل ما قلتي عندنا مرافق سياحيه .. مثل الخيران وغيرها .. وانا وحده من روواد الخيران كل سنه لازم اخذلي اسبوع اهناك حتى لو بسافر بس قوليلي الخيران من جم سنه موجود؟؟ شنو التغييرات والتحسينات اللي سووها؟؟ هذا اهو من عرفناه ولا طوروا فيه ولا شي بس فالحيلي لط بفلوس هالاوادم وكل سنه زايدين بالاسعار على الطل ..

وين عندج بعد تروحين؟ الترفيهيه والشعب وصالة التزلج؟؟ ما يصلحون لكل واحد وبعدين الجو حاار ما يساعد ..


الحسنه الوحيده الاكوابارك لو باقارنها بمثلها بدول الخليج بتطلع ولاشي!! ماعندنا غير هالسوقه مالينا واحنا انفرفر فيها وانقط افلوسنا على هالكافيهات .. وكل مول نفس الثاني نفس المحلات وساعات حتى اتشوفين نفس الاوادم!!

على الاقل بره الواحد مو بس يغير جو ويغير اشكال؟؟ لا السفر له سبع فوايد مثل ما يقولون يكفي منها الراحه النفسيه واتشوفين اماكن يديده عمرج ما شفتيه و تتعرفين على ثقافات مختلفه و عادات غير .. واهم من هذا كله تمشين براحتج وانتي واثقه ان مافي احد يخزج لول .. وبس

والا اشرايكم؟ :eh_s(7):​

 

[سلمى..]

وانا اقول بصراحه شركه المشروعات السياحيه غاليه وتجاريه مره رحنا الاكوابارك اطلعت تذاكرنا 70 دينار حتى الجاهل بو سنتين خذوله تذكره iii
اذكر مقابله مع السنعوسي قالوله الاسعار غاليه قال هذا انتوااذا سافرتوا تصرفون ؟؟ii
شوفي الرد شلون ؟؟
حنا نسافر كل سنه مره لكن هذي ديرتنا بنطلع كل اسبوع شلون نلحق على هالمصاريف؟

 

[شهد ستايل*]

هلاا وغلاا حبايبى....
مشكورين على المرور وتعليقاتكم وردودكم ,,,,,

انا اقول فى حال اذا احنا مو مسافرين ترى ديرتنا حلوة..

ولوحطيتى فى بالج اللى راح تشوفينه هناك راح نلاقيه هنى ... بس عاد الجو هذا من ربنا
بصراحه اذا سافر الواحد يفكر اول شى فى التسوق والوناسه ....هذا موجود هنى
ما نفكر فى الااثار والااماكن التاريخيه بس هذا الفرق ...

المهم انا ودى تكون الكويت دوله سياحيه من الدرجه الااولى وفيها المقومات ... وانشالله احد من المسؤلين يشوفون هالحجى ويسوون شى
مو بس كله لهم
شوفوا دبى كانت اقل من الكويت وشلون صارت

؟
؟
؟
؟
وبس سلامتكم
والله المستعان

 

[شهد ستايل*]

شدعوة .................
وينكم شدعوة بنات .....
مو عاجبتكم ديرتنا الغاليه ...........
مافى تعقيبات ..........

 

[¤§ زيتونة §¤]

يسلمووو شهد ستايل


بارك الله فيج


وفعلا كويتنا فيها المرافق الحلوة والمجمعات الراقية الي الناس اتيي تدورها هني وتتعنى لها عنوة

واللي مو مسافر يقدر يسوي له برنامج حلو حتى لو يخلي بين يومين يوم راحة او زوارة بيت الاهل بجذي يقدر ينسق مع العايلة والربع وتصير عطلة ممتعة

مو يهد بيته علبو الربع رايحين حداق ولا دوانية ولا سفرة ويا الربع عالماشي لا الصراحة عطلة الصيف انا اعتبرها للعايلة بس الربع مالهم حق فيها هههههههه

والام وعيالها يقدرون ينسقون طلعة ويا اصدقاءهم ولا الخالات والعمات يعني طلعة حريمي حق مجمع غدا العاب لليهال تسوق او حتى تشتري اغراض البيت .


والله الكويت موفرة لنا كل شي والجو بعد هذا من الله مالنا دخل فيه ونقدر ندخل هالمجمعات بعز الظهر والحمدلله التكييف ثلج ولا يعلى عليه



الصراحة ودي اتكلم بعد بس مابي ادوخ راسكم
وعلى فكرة انا لو قعدت بديرتي الحمدلله يا ربي ما راح يصير فيني شي بالعكس بديرتي وبين اهلي

 

[¤§ زيتونة §¤]

يبت لكم اهم الاماكن الساحية واللي ممكن تضيفونها بجدول السياحة والطلعات عندكم

بالنسبه للسوق والتسوق:-
المارينا مول
سوق شرق
المهلب
الفنار
كويت مجك
العثمان
السندس
النقره الجنوبي والشمالي
ليلى غاليري
غاليريا 2002
البستان
مجمع تاله
الثريا
مجمع مريم
لاند مارك بالسالميه
المثنى
مجمع الرايا
الصالحيه
الاوقاف
البلوكات للاقمشه(مخصص للقماش)
الصيفي بلاس
المناور
الدبوس
حمره مول
العربيد غاليريا
مترو
النمران (مخصص للعبي والملافع)
مجمع طيور الجنه
سوق المباركيه



الاماكن الترفيهيه والسياحيه:-
ابراج الكويت
المدينه الترفيهيه
حديقه الشعب
شوبيز
الاكوابارك (للالعاب المائيه)
صاله التزلج
شاطئ المسيله
حديقه الحيوان
الخيران
منتجع شيك
يوم البحار ( البحاره)
حديقه جليب الشيوخ


السينمات:-
سينما الفنار
سينما شرق
سينما المهلب
سينما مترو
سينما السيارات
سينما بلازا
سينما ليلى
سينما المارينا
سينما السالميه
سينما الشعب
سينما غرناطه
سينما اجيال

وهذا الرابط بعد وايد حلو يونس

http://www.hamaden73.com/kuwait.htm

 

[اميرة القلوب]

وكل مول نفس الثاني نفس المحلات وساعات حتى اتشوفين نفس الاوادم!!
ههههههههههههههههه عجييييبه انتي خيتو وربي ضحكتيني ،،،،كلاامش عسل

ديــــرتنا حلوه،،،ولو عنا سافرنا الشوووق يرجعنا حب الوطن غالي والعيشه في جنه

 

[MISS88]

أحلى كلالالالالالالالالالالالام
يا شهد ستايل
وكلامج 100%

 

[ك و ي ت ي ه]

كلامج عدل

 

[شهد ستايل*]

السلام عليكم ورحمه الله وبركاته
شلونكم حبايبى انشالله بخير ...

يسلموووووووووووو
يسلمو يسلمو


ولوعنا سافرنا الشوق ير جعنا

 

[غير كل الناس]

شهد حبيت اسلم عليج

 

[um-naser]

الله يخليج شهد ستايل الواحد وده يستانس بالصيف بالكويت بس الجو ما يتعدل الا تالي الليل--لي بغينا نتمشى الساعة 11 بالليل ونسهر بره كل المجمعات مسكرة حتى المطاعم تسكر -شيصير لو يخلون المجمعات تفتح لي الصبح -في ناس وايد بالصيف تسهر وتنام الصبح لأن الجو حار-------

 

[شهد ستايل*]

ومنا لمسؤولين انشالله يسمعون اقتراحج ,,,,,,,,,,,,

على الاقل فى فترة الصيف والاجازات ...........

ومنج اقتراح ومنى اقترح ومنها والباقى جم اقتراح ...........


اكيد بيوصل للمسؤولين ويهتمون فى السياحيه الكويتيه .......

وشكرا لكم...

سنوافيكم باخر التطورات لاحقا ..........

المرشده السياحيه لدى دوله الحب ................ شهد ترافيل ........

 

[طال السكوت]

اى والله المشروعات السياحيه نصب واحتيال

اقل طلعه مع عيالج لازم 30 او 40 دينار اشدعووووووه ؟؟

ولو سافرتي هال40 تصرفين فيها يوم كامل وتزيد بعد

يعنى اكيد السفر احسن وارخص

 

[شهد ستايل*]

السلام عليكم ورحمه الله وبركاته ......
شلونكم حبايبى انشالله بخير ...
حبايبى تسلمون على المروروالمشاركه فى الموضوع...

حبيبتى متعبه عسافها.... ليش نستانس اذا صرفنا 40 برة...ونزعل اذا كانت فى ديرتنا ... يعنى الواحد قاطهم هالفلوس بدون فايده وبدون وناسه فى الكويت ...
بس برة نستانس فيهم

ما سمعتوا مدام ايفرل شنوقالت عن الكويت واهى اللبنانيه ... ولبنان احلى من الكويت ...وجدام الملايين قالت

الكويت نجمه فى السما

يعطيج العافيه مدام ايفرل...

انا ماكنت اطالع البرنامج بس البرايم بس عقبها قمت اتابع اليوميات عشان مدام ايفرل....

وانا اقول

..............خلوها نجمه فى السما ............

بالتوفيق لديرتنا وللجميع انشالله .......