السونار ولا إحساس الأم ؟؟

[ماعاد بدري}~]

شخبااركم بنات ..

قبل اسبوعين تقريبا او اكثر سويت سونار قالتلي الدكتوره بنت
بس ي بنات احساسي من اول ماحملت ان اللي بطني ولد وحتى لما قالتلي بنت انا ماصدقت .،،، احساسي يقول ولد والحمدلله على نعمة ربي علي بس هل ممكن يغلط السونار . انا بالشهر الخامس لما سويته السونار ...

 

[فرزاشيهـ]

ممكن يغلط

بس لا تشغلين نفسج بهالفكره و اللي يجي من الله حياه الله ��

 

[qoot]

ماتوقع يغلط لانه انتي بالشهرر الخامس يبين اذا بنت او ولد

يمكن انتي نفسج بولد فتحسين انج حامل بولد

 

[CuTe KuwaiTia]

مرات يغلط بس اغلب الاحيان صح اذا اكدت لج و ماعندها شك

والله يا حبيبتي كلهم نعمة وحلوين الله يتمم عليج

 

[قلب زوجي وولدي]

السونار مرات يغلط ومرات يضبط

بس طبعا نادر يغلط خصوصا لو رحتي كذا دكتور
وأكد لج نفس النوع وتقريبا بالخامس يكون واضح


واحساس الام هم ممكن يغلط وممكن يصدق حسب كل وحده
ممكن وحده ودها بنت فاحساسها بنت والعكس تمام

انا صارت معاي مره غلط احساسي ومرتين صدق احساسي


والحمدالله كلهم خير ونعمه

 

[New_bride]

خلج عالسونار
احساس الام مو دايما صح

 

[Pink_Roses]

هالشي مافيه احساس السونار اهو اللي بين يا بنت يا ولد ومافيه مجال للغلط والا تقول السونار مو مبين وما ادري شنو جذابة

 

[sharshora80]

المهم البيبي كامل وان شاء الله يولد بصحه وسلامه والبطن اللي تجيب بنت تجيب ولد

السونار مايغلط ياقلبي بس انتي شكلج مشتهيه ولد

 

[@سيدة نفسي@]

السونار اذا الدكتور شاطر أضبط مليون مرة من احساس الأم

 

[Kikooo]

ما اتوقع يغلط السونار انا سويت سونار اربع مرات اول مره قالو ولد وبعدها قالوا بنت والمرتين الاخيرتين قالوا ولد واكدت لي انه ولد بس انا احساسي بنت ولاكن جهزت ولادي والحمد لله الي يجي من الله حياه الله كلهم نعمة لله الحمد اهم شي سالمين وكاملين وان شاء الله يرزقنا بالذريه اللصالحة

 

[# غنوجة بيبي #]

كنت حاسه ولد 100%

و بالسونار بنت و يبت بنت

يعني السونار اهو اللي يصدق

الام احساسها ما يصدق دايم

 

[فيلجاويه كيوت]

خلج عالسونار
احساس الام مو دايما صح

:eh_s(15):

 

[فيلجاويه كيوت]

خلج عالسونار
احساس الام مو دايما صح

:eh_s(15):

 

[anmah]

اذا كانت الدكتوره متأكده .. يعني ماقالت يمكن بنت، اغلب الظن انها متأكده ان بنيه.

بس هم مرات يغلطون سبحان الله كلشي جايز

نطري موعدچ الياي او شوفي دكتوره ثانيه.

الله يتمم عليچ حبيبتي

 

[American.Life]

السونار طبعا حبيبتي

 

[أإلع ـشق دلع ـهـأإ]

طبعا السونار اهو الصح لانه يبين لج الجنس ويوم شفتيه اكيد اشرت ع العضو اذا في بارز ولد والبنت مافي شي

وترا يكوون واااضح السونار


والاحساس لاتصدقينه لانه مجرد احساس

والله يرزقج اللي تمنين

 

[Jana123]

ادعي بس يكون الجنين سليم متعافى بنت ولا ولد نعمه

 

[mrs.abk]

السونار أصدق حبوبة ..

أنا مجربة هالشيء لا الوحام ولا شكل البطن ولا الاحساس .. السونار

 

[نجمة فجر]

السونار اصدق لان احساس الام يجي من رغبتها شنو تبي

كنت ابي ولد وكل احساسي ان ولد وملزمة والسونار يقول بنت وجبت بنت يازين البنات رحمة من الله