السونار الرباعي 0000 رويال حياة :)

[really cat]

شلونكم بنات

خذيت موعد للفور دي ( السونار الرباعي )

بمستشفى رويال حياة

شرايكم فيه ؟؟

منو جربت ؟؟ وعند اى دكتور بالضبط ؟؟

الصراحه ما أبى اقط فلوس على الفاضى ياليت اتفيدوني

 

[آهات الليل]

هلا حبيبتي انا جربته من سنين بطيبه كلنك بالشهر ال7 يهبل الصراحه وتستانسين وايد
الله يتمم عليج يارب

 

[االفرس]

حبيبتي انا جربته قبل ثلاث سنين بولدي بالعرف وكان وايد حلووو ودقيق وسبحان الله نفس الوجه اللي شفته بالسونار شفته لما ولدت البيبي ... الله يهون عليج وعلي بالسلامه ..

 

[جمالي خيالي]

وانا جربت سونار رويال الرباعي ماعجبني لان البيبي كان نايم ومعطينه ظهره
وعشان هالسبب مادفعت المبلغ كامل يمكن دفعت نص المبلغ ماذكر بالضبط

 

[really cat]

مشكووورين بنات على الردود يعطيكم العافيه:eh_s(7):



نبي تجارب برويال حياة
معقوله محد مسوى فور دى من قبل

 

[هنـاتي]

بنـات آنا كان بخاطري أسويه

بس فيه دكتور قال لزوجي ترا كل هذا مو صج

سونار فور دي و ثري دي يقول ماكو سونارات جذي السونار واحد

انا استغربت قلت شلووون انا شايفه بعيني درجات الوضوح

قاله بس يغيرون الالوان يخلونه ملون او اسود وابيض

الصراحة ما اقتنعت ولا صدقت ؟؟؟؟؟؟؟؟؟؟؟؟؟؟؟

احس بخاطري اسوي واللي جربت تفيدنا عن الفرق اللي حسته ​

 

[really cat]

هلا هناتي

امبيه معقوله الكلاااام

بس البنات يمدحونه ويقولون واااضع حيييل




بنات وينكم

شكلى بهووون خلااااص ما شجعتونى
انا موعدى يوم السبت وابى تجاربكم

 

[engnera]

شكل الياهل غير عن الولاده ولدي طلع فلبيني وبالولاده مسمسم اسمله عليه

 

[هنـاتي]

والله علمي علمج يااختي

اي نبي اللي مجربه تفيدنا

عشان نعرف صج او لا

لان وآنا اقرى بالمنتدى لقيت كذا وحدة تقول تحسفت لاني سويته؟؟

و فيه بنات مدحوه ويقولون بين ملامح الياهل

انا بعد اسبوع انشالله باذن الله ادخل السادس

اذا نويت اسويه بالسادس والا متى ؟​

 

[really cat]

engnera
هههههههههههههه
امبيه من صجج
الله يخليه لج انشاالله



هناتى
يقولون أحسن وقت اخر السادس
او اول السابع
يعنى الاسبوع 26 و27 و28

 

[هنـاتي]

مشكورة يا قلبي عسى الله يسهل عليج يا رب و ايسر أمورج​

 

[ماحب اتدلع]

ههههههههه اتخيل تشوفين وي مو حلو تقولين لا اصلا مو واضح واذا حلو تقولون باين باين هههههههههه مساكين يالحريم نكسر الخاطر على كل شي مطفوقين مانقدر نصبر