السونار الرباعي ... بليز ساعدوني

[المسكـ]

:eh_s(22):السلام عليكم

أسعد الله أيامكم
وكل عام وانتوا بالف خير

ويارب يخفف عليكم تعب الحمال ويتمم عليكم وتشوفون عيالكم بين ايدينكم :eh_s(7):


بنات انا ودي اسوي السونار الرباعي
موهامني شكل البيبي
هامني الصحه وبعدين الجنس

ودي اعرف شنو فييني

السؤال الحين انا بالاسبوع الخامس عشر
ينفع اسويه الحين يعني يبين الجنس ؟؟؟
وشنو احسن مستشفى يسوونه وجم اسعارهم ومنو الدكتوور

واللي يسلمكم ترا انا على الله ثم عليكم

لاتطلعون من غير رد

واللي ترد يارب ينولها اللي بخاطرها ويرزقها ربي ويحفظ عيالها وريلها واهل بيتها :eh_s(22):
​

 

[المسكـ]

نسيت اقولكم
ترا ريلي مايرضى بدكتور لازم دكتووره بليز لاتخيبون ضني فيكم​

 

[يا كويتنا]

ياقلبي تو الناس


والحين فترة تكوين المخ والاجزاء الاشيا الاساسيه بجسم الجنين


سوي سونار عادي عند مستشفى السلام في دكتوره هنديه زينه وقالتلي جنس البيبي من الاسبوع١٤


ونصيحه لا تسوين رباعي خليه علا اول السادس باذن الله*

 

[موج-البحر]

مادري والله

بس ماحبيت اطلع بدون رد وان شاءالله تقومين بالسلامة ​

 

[دآنة آلرشآيده]

تو الناس ع الرباعي
اهو افضل فتره من اخر الشهر الخامس
لي السابع حتي قالو اذا كبر البيبي مايسونه يعني بالثامن
مايكون واضح لان البيبي يكون كبيير ​

 

[om MaRyooM]

ترا جنس المولود مو شرط يبين بسرعة

هذي نسب متفاوتة على حسب سرعة تكون الجنين

بس دكتوري قالي الاكيد يبين ويثبت بالاسبوع 18

عندج دكتورة ليلى اشكناني تفصلج السونار عدل يعني تشرح بظمير

ومادري عن باجي الدكاترة والله لأني ماجربت

 

[الضــبي]

اب
اب

 

[@سيدة نفسي@]

انا سويت سونار تفصيلي بالسلام بالاسبوع الـ16

وكان وااااضح النوع ,, سويته بـ40 دينار لأني

دخلت متأخرة بعد الساعة 11 ,, أشوف البنات يعطون

سعر أقل فمادري بصراحة جم يطلع سعره بالدوام الرسمي,,

والتفصيلي أحسن من العادي,,أما الرباعي سويته بالاسبوع الـ20

وكان شكل البيبي يخررررررع ,, سويته بالأمومة أيام العرض

ناسية والله جم كان سعره ,, أنا أنصحج تصبرين أسبوع وتروحين

السلام واذا حابة تسوين رباعي خليه بالأسابيع من 21 الى 27

عشان تكون ملامح البيبي كاملة نوعا ما ..

 

[Violetta]

الرباعي يسوونه من الاسبوع ال ٢٤
انا رحت كنت بالاسبوع ال ٢٣ مارضو يسوون لي
و انصحج بطيبه كلينك صور و فيديو ب ٤٥ دينار

 

[(أم نونو)]

حبيبيتي روحي لدكتور اشرف بالسلام قسم اشعه وسونار

ما شالله سوناره واضح ويفصلج الجنين عدل مدل ويعرف الجنس من الاسبوع 11 بالسونار العادي واذا بغيتي رباعي الابعاد قولي للدكتور يحطلج تشوفين ملامحه عدل

 

[المسكـ]

حبايبي مشكورين عالردود
بس انا ودي اعرف جنسه بس مو الا الشكل عادي
وريلي موراضي ادش عند دكتور اشرف مع اني ميته ودي اروحله شسوي
خلاص احتمال اروح عند الهنديه اللي بالسلام او ليلى اشكناني

 

[انثى الكويت]

تو الناس عالرباعي لا تسوينه الا لما توصلين اخر اسبوع بالسادس او اول اسبوع بالسابع

 

[q8 knosha]

لااعتقد توالناس عليج
انا سويته يوم كنت بالسادس
وقالتلي الدكتوره بسويلج واشوف يمكن مايطلع واضح لان صغير واذا طلع واضح بكملج
والحمدالله واضح وشفت كل شي
اهوا حلو بس نطري على عمرج

 

[q8 knosha]

اذا تبين تعرفين جنسه ماله داعي الرباعي!
انا سويت سونار عادي يوم كنت بأول الرابع وقالتلي صبي والحمدالله طلع صبي

 

[المسكـ]

اذا صبي يبين بسرعه انا على ولدي بييين بسرعه اول الرابع بس اذا بنت ما يبين االا بنهاية الرابع وبداية الخامس وانا وراي دوام مدرسه يعني بجهز قبل الامتحانات افتكككككككك وبيني وبينكم انا ابي بنوته عشان جذي حدي متشفقه والله يرزقني يارب ويرزق كل وحد دشت وردت علي

 

[@ام يوسف@]

انا سويته بالسابع بمستشفى الولاده الصباح

 

[المسكـ]

مستشفى الولاده لازم موعد صح شلون احطه

 

[على الطيب تربيت]

على حسب انتي شمنو تبين ان تبين تشوفين نوعه بنت او ولد عليج بالسونار العادي باي عياده او مستشفى خاص
وان كنتي تبين تتاكدي من سلامته نطري شوي وسوي الي يقولون عليه الرباعي مع اني ما انصحج فيه

 

[مفرفشة ومنعنشة]

الحين الي فهمته انه افضل وقت للرباعي الاسبوع ال 22
انزين منو دكتورة شاطرة بالرباعي وباي مستشفى ؟ لانه حتى انا ما ابي دكتور ريال ابي مره

 

[مفرفشة ومنعنشة]

الووووووووووووووووووو