انا فهمتني وحده معاي بالدوام صارلها 10 سنين ماشاءالله ,,,,,,,,,,,, يعني فاهمه
المهم
انا بطبق الحجي هذا اذا كانت المدرسه تعيين جديد
اول ماتتعين الوحده تكون معلم د الدرجه الرابعه
طبعا شنو الفرق بين معلم ( أ - ب - ج - د) والدرجه الرابعه والثالثه والخ ؟؟؟؟؟؟؟؟؟؟؟؟؟؟؟؟؟؟؟؟؟؟
الاول مستواج الوظيفي والثاني تدرجج وسنين خبرتج بالوظيفه
المهم اذا انتي معلم د توج جيبي امتياز سنتين ورا بعض اهم شي فوق 90 مو شرط امتياز عالي تصيرين معلم ج
واذا جبتي بعد امتياز السنتين اللي وراها تصيرين معلم ب واذا بعد امتيازين مبروك عليج معلم أ
وبنفس الوقت اذا جبتي 5 سنين امتياز تصيرين عالدرجه الثالثه لكن اذا ما اخذتي امتيازات تصيرين عالدرجه الثالثه بالاقدميه تاخذينها عقب 7 مادري 6 سنين
وطبعا كل هذا يزيد معاشج تقريبا من معلم د الى ج 28 او 30 دينار حلوه واذا من ج الى ب طبعا يزيدونج اكثر
واذا جبتي امتياز فوق ال 94 تاخين اعمال ممتازه يعني تجيج مكافاة باخر السنه اللي وصلت الحين بالقرار الجديد تقريبا 800
هذا اللي انا فهمته وان شاء الله اكون افدتج
