السلحفاة برمائيه الله يعافيكم

[دانات]

اهلين بنات وشلونكم ان شا الله بخير بصراحه انا شريت سلحفاة برمائيه وحاطتها في حوض سمك وفي ماي قليل ومعاه اكل



ابي اي معلومات عنها للي سبق انها ربتها لاني مادري عنها شي ومتى اعطيها اكل ومتى اغير الماي يالي اللي عندها اي معلومات لا تبخل على وعساها على القوه:tek:

 

[semony]

هلا وغلا فيك اختي

ومبرووك عليك السلحووووفه ^_^


جمعت لك هذي المعلومات اتمنى تكون مفيده لك



**************************


منزل السلحفاة :

البيت الآمن مهم جدا لسلحفاتك ، و يمكن أن تطلقها في المنزل حرة و لكن مع الحذر فقد تختبىء تحت الأثاث و يصعب عليك العثور عليها . أما في الليل فلا بد أن توفر لها المأوى المناسب مثل صندوق خشبي أو علبة كبيرة من الورق المقوى . مع تبطين العلبة بالأعشاب التي يجب أن تغيرها من حين لأخر مع مراعاة أن تكون العلبة واسعة حتى تكون السلحفاة مستريحة داخلها
_______________________


طعام السلحفاة :

السلحفاة حيوان نباتي ، تحب كل ما هو أخضر اللون ، لذلك وفر لها كل يوم بعض أوراق الخس ، أو شرائح رقيقة من الخيار و القثاء أو غيرها . و هي لا تتناول الطعام كل يوم بنفس الكمية فلا يقلقك هذا ، خاصة عندما تعرف أن السلاحف تستطيع البقاء بلا طعاما أياما طويلة قد تضل إلى عشرين يوما ، و لكن لا تعتمد على ذلك ، فالسلحفاة تصوم عن الطعام برغبتها فقط .. فلا تفرض عليها الصوم

و لأنها تعشق أي نوع من أنواع النبات الأخضر فاحذر إذا أطلقتها في حديقتك لأنها قد تتغذى على ما بها من نبات !

أما عن الماء فيجب عليك توفير إناء مناسب مملوء بالماء لتشرب منه السلحفاة و في الجو الحار تحب الغوص في الماء لترطيب جسدها

______________________________________

نصائح هامة :

إذا لاحظت أن سلحفاتك مصابة بالقراد فلا تحاول شد الحشرة من فوق بالقوة فهي تكون ملتصقة بساق السلحفاة بقوة شديدة بل اسكب على الحشرة نقطة من زيت الطعام فتنكمش ، ثم تزال بسهولة بواسطة ملقاط .

لا تترك السلحفاة ملقاة على ظهرها ، و أعدلها في الحال ، لأنها لا تستطيع ذلك فوق الأرض المستوية للمنزل ، أما فوق الأراضي الوعرة فهي قادرة على تعديل وضعها بسهولة .

لا تحاول تلميع و صقل صدفة السلحفاة بالزيت أو بالشمع لان الصدفة غير مصمتة كما تبدو .. بل أن بها ثقوبا دقيقة لا تدركها العين ، يصيبها الزيت بالضرر

 

[semony]

اختي عشان اساعدك اكثر ياريت تذكريلي نوع السلحفه

او تنزلي صورتها

لانو تربيه كل نوع يختلف عن الاخر

مثال عندك السلحفاه ذات الاذن الحمراء في هذه الصوره





في انتظارك

 

[شغفني حبآ.~]

انا كان عندي بس الصغار

كنت احط لهم اكل مره باليوم والي اهو الربيان المجفف الصغير بس ما احط واجد يعني الي احسه يكفيهم

واغير الماي كل يومين او يوميا بس مايزيد عن يومين

ومره طلعت وحده من الحوض جم دقيقه ورديتها اليوم الثاني ماتت مادري ليش

بس اهم شي يكون الماي مو مغطيهم حيل عشان يقدرون يطلعون راسهم يشمون هوا :d

 

[راقية بأخلاقي]

اب اب (ضمن حملة لا للدخلاء بالمنتدى)

 

[mss.lol]

انا كنت مربية وحده

واهي هذي الي يبيعونها بالجمعيات لول ماعرف نوعها هع

امممم ضلت عندي سنتين تقريبابس ماتت لمن سافر

كانت سحلة التربيه ترا مايبيلها شي
يعني لازم تغيرين الماي كل يوم او يومين

وتعطينهم الاكل

هلوله انا كنت اطلع سلحفاتي برة عاده اكثر من دقيقه ماماتت

حتى ساعات اوديها الحديقه

بالتوفيق حبيبتي واذا تبين اي شي قولي ^^

 

[دانات]

الله يعطيكم العافيه بنات كفيتو

 

[sanyora]

انا كان عندى صغيرة تونس واكها اى بعلبة مجفف
ماادرى اذا اهى نفسها لى تقصدينها اذا اهى ترى تربية سهلة

 

[Sallo0oma]

حبيبتي انا كنت اربي سلاحف 5 سنين نفس نوعج برمائيه

كنت ابدل مايهم مرتين باليوم الصبح وبليل ولا تترسين الحوض كله علشان يتنفسون مره بالاسبوع كنت اترس الحوض واخليهم يتسبحون لمده 3 دقايق اذا شفتيهم مستانسين عالوضع خليهم لما تشوفينهم تعبو من اللعب بالماي قللي الماي

مره باليوم اوكلهم اكلهم كان ربيان مجفف ديري بالج توكلينهم دود لانه في علبه ربيان وفي علبه دود حقهم انتي لما تبين تشترين ساليهم هاذا ربيان ولا دود لانه الدود ريحته خاااااااااااااااااااااايسه

ولما ياكلون الاكل ويخلصون بدلي مايهم يعني الصبح بدلي الماي وبليل لما تحطين الربيان لما يخلصون بدلي الماي

وكنت اعطيهم باليوم خس غير الربيان يعني وجبه خفيفه والله كانو ياكلونه يحبونه وايد

امممممممممم بعد شنو خله اذكر :ggdw:

ايييييييييي وكنت اطلعهم امشيهم بالحوش ماشاء الله الي يقول السلاحف بطيئه غلطان لانه كانو سريعين كل وحده كانت تروح بجهة وانا مخليه اليهال يلحقونهم اخاف يطلعون بالسكه لازم تمشينهم انا كنت امشيهم بالاسبوع يمكن 3 مرات اخليهم بو ساعه برا الحوض يطلقون ارويلاتهم :krkrkr:

 

[AFRoDiT]

ضروووووري تعرضينها للشمس
السلاحف البرمائيه تحب الشمس
ولازم عندها بالحوض شي مرتفع تصعد عليه عشان تتشمس

واذا عندج اكثر من وحده شوفي شكلهم يونس و هم يتشمسون فوق بعض يهبلووون

 

[Sallo0oma]

اي صج نسيت اقولج لازم تحطين لهم صخر الزينه الصغار الملونين علشان يلعبون عليه لازم عاد انتي شوفيهم يددشون تحته وينخشون والصخر هاذا بعد لازم تغسلينه عدل انا كنت اغسله كل يوم بماي ومره بالاسبوع بصابون بس تاكدي انه الصابون راح منه قبل لاتحطينه بالحوض مع الماي

واي شي تبين حبوبه ساليني