السلام عليكم

[يطة لابسة شنطة]

بنات الله يعافيكم كيف تعرفين ان فيك هرمون حليب بدون ماتكشفين يعني ابغى الاعراض

 

[كويتية ورديه]

هلا اختي انا عن نفسي كنت لمن ارعص صدري كان يطلع افرازات شفافه منا وتحسين وارم بس الدكتور يقول موشرط مواي وحده يطلع وياها يعني عادي يكون مرتفع ومن غير اعراض بعد بس انا كانت هذي اعراضي

 

[دمثة]

حبي انا يجيني الم بصدري فظيع والصداع ما يفارقني

 

[كويتيه مذهله 87]

حبيبتي انا ما احس لا عوار ولا يطلع من صدري افرازات ولا حليب والصراحه من احلل يطلع عندي الحليب مرتفع

يعني مو شرط تحسين بأعراض معينه
اذا شااكه حللي حبيبتي منتي خسرانه شي تري الارتفااع يسبب تأخر الحمل

 

[ملاك-77]

ماكان يطلع معاي أعراض نهائيا

بس كان مبين بالتحليل

حللي افضل لج

 

[++The DuchesS++]

التحليل احسن حل
انا يوم كان فيني مره احس بعوار
ومره لا يعني مو شرط الاعراض

 

[نف نف22]

موشرط تحسين بشي انا الحين مرتفع 700 والدوره شهرين مايت واليوم انزلت كان فيني هرمون الحليب ويرفع الدوره ولا تنزل الا لما تنزلينه بالمنشف الحليب واشتهي اكل وااااااااايد وزني يزيد بس

 

[يطة لابسة شنطة]

الله يجزاكم خير بس ابسأل عادي احلل وانا علي الدورة

 

[كـ غلا ــلي]

بالنسبة لي احس بعوارض الحمل فمره احس بانتفاخ بالصدر ومرات بالبطن ومرات بلوعه ومرا تتتاخر الدوره جم يوم

اطير من الفرحه عبالي حامل ولا يطلع الهرمون مرتفع وبس

 

[كويتيه مذهله 87]

الله يجزاكم خير بس ابسأل عادي احلل وانا علي الدورة

حبيبتي هالتحليل يسوونه ثاني يوم الدوره

 

[الدم البنفسجي]

تختلف الاعراض من شخص لاخر انا الدورة تطول معاي وماتمشي عدل

بس انصحكم بالبردقوووووووووش زين وايد لهرمون الحليب

 

[نيبال الايمان]

ياعمرى مو شرط تكون فى اعراض معينة تحس فيها كل الحريم 000احسن شى حللى وان شاء الله باذن واحد حد ما يطلع فيج شى 000 وان طلع ياعمرى لا تحاتين علاجه سهل وعادى وهى حبوب تاخذينا مرتين بالاسبوع يعنى نص حبة كل 3 ايام وان شاء الله باذن واحد احد خلال شهر كل شى يرجع طبيعى وهالحبوب اسمها دوكسينيز 000

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[يطة لابسة شنطة]

الله يجزاكم خير وانا انشاء الله ابروح احلل وادعولي يكون مافيني شيء

 

[كويتية ورديه]

ان شاءالله يارب مافيج شي حبيبتي وتبشرينا قريب