السلام عليكم

[سّرآبْ]

السلام عليكم ورحمه الله

انا قبولكم قصه حياتي ويا المدرسة :eh_s(2):

:eh_s(4):

اول شئ انا لمن كنت بابتدائي كان مستواي زين بعدين في متوسط صرت كسلانه وفاشله وماكان عندي طموح نسبي كانت بالستينات إذا ذاكرت أروح الامتحان وأنا ملخصه نص او ربع الكتاب
بعد متوسط صرت افكر ان أنا لازم اشد حيلي وأغير من نفسي كنت ع الأقل حابه لما اتخرج اتوظف وظيفه عدله ويصير عندي راتب زين
لما رحت ثانوي بعاشر ما كنت أشارك بالحصص وايد نادرا بس كنت اذاكر أيام الامتحانات واسهر وايد بس كانت تمر علي أشياء اول مره افتحها بليله الامتحانات
لما خلصت نسبتي بالفترة الثالثة والرابعة 70و71

الحين انا حتى ماني عارفه ادش علمي ولا ادبي:eh_s(16):
مبدئيا انا اخترت ادبي:eh_s(4): انا شاطره بالاجتماعيات

بس طموحي مو أدبي :eh_s(10):

نفسي أصير شئ متعلق بالطب بس مو دكتوراه يعني مثلا ممرضه
عشان أصير هال شئ لازم ادخل علمي
ولا ها لطموح أوفر علي :eh_s(11):

وش تنصحوني ادخل علمي ولا أدبي

وكم احتاج عشان أجيب نسبه ب 11 و12 ؟
عشان بعدين اشتغل وظيفه عدله

:eh_s(7):

 

[ms_kakawa]

اذا انتي مثل ما تقولين نسبتج بين 71 ، دشي ادبي احسن واسهل
اما العلمي كلش ماينفع حق نسبتج الادبي احسن وحاولي تيبين اعلى بشوي
عشان يالله تصيرين مدرسه ومعاج معاش سنع ، صدقيني العلمي بتكونين فيه افشل
مااقول جذي عشان احطمج لا بالعكس عشان مصلحتج وتاخذين شغله زينه ومعاش عدل
وحاولي كل درس من ماده تقعدين تراجعين اللي خذيتيه بيومه صدقيني المعلومه بتثبت لي اخر يوم بحياتج
والله يوفقج يارب

 

[(عسل وقشطة)]

شوفي حبيبتي انتي قبل كل شي استخيري ربج والله يكتبلج الخيرة
انا علمي
واكرة الحفظ لاتخلين الاجتماعيات مقياس لج ابداً
انا بعاشر بالاجتماعيات كله درجات كاملة ماشاء الله وفوق هذا رحت علمي
والحمد لله ماشيه فيه تمام
واذا فعلاً عندج طموح وترى اذا شديتي حيلج ونجحتي بالقدرات تقدرين تدخلين طب مساعد
واذا تبين علمي لازم تشدين حيلج وتنسين الماضي خلاص هذا راح لازم تبدين من جديد وترى تقدرين تتخرجين بنسبه بالتسعين لكن يبيلها جد واجتهاد
انا قلت لبنات اختي الي تروح ادبي اطلع عيونها من مكانهم لان الادبي صعب حق الي مايحبون يحفظون
والقرار راجعلج وبئيدج لكن شي حلو يكون عندج طموح لان في وايد ناس ما عندهم طموح
وترى لحد الحين ماطاف شي اذا شديتي حيل ويبتي ٩٠-٨٥ ب١١ وا١٢ ونجحتي بالقدرات ممكن تدخلين طب مساعد
او ترحين معهد تمريض
لكن شدي حيلج واستخيري الله وشاوري اهلج وخواتج والله يكتب لج الي فيه الخيرة
واذا دحلتي علمي لازم تنسين الماضي وتجتهدين عشان حلمج وطموحج بالتوفييق
لاتنسيني من دعواتج

 

[(عسل وقشطة)]

وانا بروح اقرى كتيبات الجامعة عشان اقولج المجالات الي تقدرين تدخليهم وتشتغلين ممرضة او مساعدة طبيب

 

[الفيلة العصلة]

العلمي حتي لو يبني ٧٠ تدخلين الجامعه توكيلي على الله وروحي علمي

 

[(عسل وقشطة)]

حبيبتي انتي اذا شديتي حيلج وجبتي ٨-٨٥ ونجحتي فوق ٦٠ بالقدرات تدخلين طب مساعد

 

[حلفت عℳري*ｼ]

أنا مع عسل و قشدة بكل كلمة قالتها

 

[DR.MEME]

شوفي حبيبتي اول شي استخيري والله يكتب لج الخير
وصدقيني اذا انتي حابة شي وحطيتي هدف ببالج تقدرين تسوينه انسي المتوسط خلاص راحت
اذا تبين تدخلين بشي متعلق بالطب صدقيني ما في شي يجبج بمكانج لازم تشدين حيلج وانتي تسعين وكل شخص في داخله قدرات بس احنا كسولين
اذا انتي شايفة نفسج شاطرة بالاجتماعيات لا تنسين الادبي فيه فروع وايد تاريخ وجغرافيا وجذي شوفي فيج حيل تحفظين ؟

بس مو معنى كلامي روحي لعلمي لا هم العلمي صعب ويبيله مجابل صدقيني هم فيه رياضيات وكيميا وفيزيا وجلوجيا كلها ضيم انتي شوفي قدرات وين الي تقدرين عليه دخليه لا توهقين نفسج بشي انتي مو قده

وبالنهاية هذا قرارج

اتمنى لج كل التوفيق ​