السلام عليكم

[سّرآبْ]

هلا بنات شلونكم
انا يعني باختصار
وحده فاشله .. انزين يعنني بايعتها ماهمني دراستي اروح المدرسه وارد طبعا ولا كني رايحه ماانتبه
وولا اشارك وولا اذاكر بس اذاكر ايام الامتحانات نسبتي ماتزيد عن 67 او 68 انجح ع الحفه يايبه دور
ثاني مرتين بس ماسقطت ليش لانه المدرسه اللي كنت فيها تغشش
المهم انا بروح ثانوي عاشر فحابه اتغير من ناحيه كل شي ابي اصير اذاكر واشارك بالحصص ابي اييب
نسبه جد جد خايفه اسقط ببعدين يضيع مستقبلي .. ابيكم تنصحوني بعد شنو قولولي شلون افضل طرق
المذاكره شلون انتوا تذاكرون .. العلمي والادبي وين اسهل والمجالات شنو ؟ .. مثلا انا ميولي رسم
بس مو محترفه هوايه ورسمي عادي فيمكن ماادشه ..

السكرتاريه شنو يدشونه علمي ولا ادبي ، والتربيه الفنيه ، البدنيه ،
اداره اعمال شنو بعدين اشتغل اذا درسته وعلمي ولا ادبي
والاعلام بعد

بس هذي التخصصات اللي فبالي رغم اني مو واثقه من نفسي فيها
مو واثقه اني اروح ثانوي وصعب واصير شاطره واييب ننسبه انا ماقلت ابي عالي اقلها 70 يعني :eh_s(2):

وبعد حابه اسئل عن مدرسه السالميه الثانويه ، ومدرسه الجابريه الثانويه ؟

وشنو بعد .. مم انا زفت بالانجليزي فحابه اطور نفسي شنو تعرفون معاهد ؟

وبس ادري قررقرت وايد وقلت كلام ماله داعي رقعو انتوو خخ :eh_s(1):

 

["." simba]

اول شي انتي مو فاشلة انتي يمكن مالج خلق تدرسين او ما تعرفين اسس الدراسة الصحيحة لان محد فاشل بالدنيا

و بعدين عادي لا تحاتيين ترا بالثانوية يساعدون وايد اذا شافوج ملتزمة يعطونج درجات شفوي بالهبل

و درجات الشفوي حييل تنجح و نزيد من نسبتج الابلة بيدها 8 او 6 درجات و ترا ينفعونج وااايد و الامتحان هم يكون من 12 او 8 درجات انا مو متذكره عدل

بالنسبة للجامعة و اي تخصص هذا يمكن انتي بعدين تحددينه لانج للحين ما شفتي المواد و منو اللي انتي ضعيفه فيها و منو انتي قوية فيها

و ترا عاشر واايد وايد سهلة بالنسبة لي بس مادري اذا انتو دفعتكم بيغيرون المناهج و لا لا

و هم اذا غيروها عادي لا تحاتيين لان بتكونين ماخذة نفس المنهج ب 8 و 9 فماراح يفرق وايد

وو العلمي مو صعب بس يحتاج طوله بال و تركييز و اذا عديتي عاشر بسلام فأنتي حق العلمي

و ترا هم الادبي وايد حلو رفيجاتي يقولون انه سهل و تقدرين تييبين درجات فيه ولا تصدقين اللي يقولج الادبي ماله مستقبل لان لو ماله مستقبل جان الدولة ما كلفت على نفسها و حطت فلوس و ماشيه فيه من سنين و منين

و طريقة دراستي انا ما اقولج اني ادرس اول بأول بس احل واجباتي و ادرس للقصير عدل ولا تستهينين بالقصير لانه يفيدج بالدراسة حق امتحان الفتره ، و قبل امتحان الفتره ادرس الكمية اللي ما امتحنتها للقصير ووو بس و اذا في شي مو فاهمته ييبي مدرس بس لاتعتمدين عليه و انشالله تييبين جيد جداً على هل دراسة و موفقه انشالله انا خريجة علمي

 

[KOKO_284I]

شعورج بتأنيب الضمير هذي خطوه ايجابيه

شوفي انتي شنو مأخذ عقلج وتفكيرج ومو مخليج اتحبين الدراسة

والله يوفقج يارب

 

[MayOumii~]

سؤال ؟
إنتي من داخلج مقتنعة إنج وصلتي لمرحلة الفشل ؟
،،

ليش ما تحولين هالفشل حق سبب من اسبآب تحقيق الهدف
ليش ما تحطين لج هدف أكبر من إنج اتكونين اخصائية او ما الى ذلك ولا هانو الاخصائيات ومحد ينكر دورهم
لكن ...

المهنة الي بتختارينها لآزم تحبينها ،، لآ تختآرين على أسآس سهل بسيط ومريح
دايما السهل المريح سلبيآته كثيرة
ليش ما تتمنين إنج تكونين دكتوورة مثلا
ترى مو صعبة كلش ولا تقولين مآ قدر لان هالكلمة هدمت طموحآت كآنت ممكن تنبني لولآ أصحآبها مآ كررو ابآلهم كلمة ( أنآ فآشل )

ترى الدكتورة وظيفة ما تبور وبأي وقت تشتغلين وفوق هذا وظيفة انسآنية والي يحبهآ ماراح يشوف غيرها مهما اتسمت بالصعوبة
وهذا غير احترآم النآس لج وتقديرهم ... كآفي لي قآلو الدكتورة فلآنة يت الكل يحترمج

بتكونين انسانة [ متعلمة فاهمة واعية مفكرة طموحة قوية وفوق هذا وظيفتج أجرهآ ما يعلم فيها غير ربج سبحآنه ]
كآفي لمن تشوفين ابتسامة المريض رآح تحسين إن تعب سنين تلاشى بدقايق


هذا مثآل عطيتج اياه حق طموح
ممكن تكونين مهندسة .. محامية .. قانونية .. معلمة .. صيدلانية ..الخ
كل مهنة من هالمهن تحقق لج مكآنة وسعادة بحيآتج فقط اذا كنتي تحبينها

ومآكو مهن بالدنيا كلها بتضيع مستقبلج كثر المهنة الي تكرهينها مهما كآنت قوتها حتى لو ( دكتورة )
أهم شي بالعمل اهو الإخلآص♥

أول خطوة تسوينها قبل لا تحطين خطة للدرآسة انج تفكرين انتي شنو تبين بالمستقبل
لا تفكرين بروحج لا ،، شآركي رفيجآتج أهلج ودوري وبحثي بكل وظيفة وشوفي ميولج وين
لكن دير باآلج تتخذين قرآر بشي انتي مو مقتنعة فيه .. فخلي اول شي رآيج بعدها رآي النآس

ثآني شي دراستج لا تستهينين فيهآ .. حآولي تغصبين نفسج وتحسسينها ان الدراسة ونآسة
ترى العقل البآطن يترجم أفكارج ومع الايام تقتنعين بالي تقولينه وتحبينها ..
لا تهدرين وقتج عالتلفون او النت وبنفس الوقت لا تحرمين نفسج
خلي وقت للدراسة و وقت للونآسة

مآقولج جابلي ودرسي يوميا لكن كل يوم مجرد اقري الدرس ( وفهميه ) وحط على فهميه مليون خط
فهم الدرس اهم من حفظه

الثآنوية كلها فهم عدا موآد الأدبي أغلبها حفظ وقليل الفهم فيهآ
لحد يخرعج يقولج الثآنوي صعبة !!

ترى الثآنوي حالها حال اي مرحلة بحيآتج شي يديد ممكن يأثر على نفسيتج
بيدج تتحكمين بالنفسية واذا تحكمتي فيها عدل بتقدرين توصلين للي تبينه

مآكو شي مستحيل .. مسحي هالكلمة من قآموسج كل انسان عنده موهبة
لكن الذكي الي يكتشف موهبته

مو شرط موهبته لها علاقة بالكيميا او الرياضيات او الاحياء او الفلسفة ... او ... الخ
ممكن موهبج تكون بالرياضة بهالحالة صيري مدرسة بدنية ( مو عيب ولا حرآم )
المجال الي تبدعين فيه مهما كان سهل او صعب او زين او مو زين اهوا الي تبدعين فيه

يمكن يكون طموحج اكبر من مدرسة بدنية وتكملين ماستر او دكتوراه وتصيرين دكتورة بهالمجال

كل مجال فيه ابداع لكن الي يبدع اهوا عاشق المجال مو الي مرتاحله لانه سهل وبسيط ومعاشه قوي

ياما شفنا دكاترة ما يعطون من قلبهم وشفنا موظفين ما يتعدى معاشهم 700 مبدعين بشغلهم ايا كانت الوظيفة

انتي مجرد حطي الهدف جدامج وسوي المستحيل عشآن وبجذي راح تلقين الدافع الي يوصلج لطموحج
وقبل هذا كله لا تنسين نفسج بالدعاء و قولي لامج تدعي لج وحآفظي عالصلآة وشوفي الله سبحانه شلون يوفقج بكل خطوة

وحتى لو ما توفقتي لا تخلين الشيطآن يلعب براسج ويرجع لافكآرج كلمة ( الفشل )
خليج اقوى منه وحاربي هالكلمة وانسيها وبدليها بكلمة [ المحاولة خير من اليأس ]


وموفقة ان شاء الله حبيبتي

 

[memo_elnz8a]

و عليكم السلاام
تبيين الصج انا كنت جذي لما كنت بالمتووسط بس لما دشيي الثنويي دررست و طبعاً حطيتلي مدررساات و هالسووالف
و و مثل ما قالت اختي koko الشعوور بتأنيب الضميير و حااولي ان ماا يشغللج شي عن درااستج
و الله يوفقج حياتي و تييبين ٩٠ مو ٧٠ << اصلا انتي قااعد تحبطيين نفسسج حطيي ببالج نسبه عااليه واايد يعني ٩٠ و فووق و انشالله تيييبينهاا
مووفقه قلبووو

 

[^^طالبه^^]

انتي لو فاشله ماتقولين عن نفسج فاشله
بس انتي طبيعتج ماتهتمين بالامور الجديه وطنشه الدراسه هذي اهي السالفه
ولو فاشله قلتي بطقاق مراح تفرق وياي اذا متوسط او ثانوي

لا حبيبتي انتي انسانه ماخذه الدنيا تساهيل ولمي شفتي ان الثانويه نظامها تراكميو تاخذين نسبه من 10 الين 12
قلتي لنفسج استووب كافي لعب كافي استهتار خل اشوف نفسي خل استوعب علي نفسي وكا الحمدالله اكتشفتي نفسج قبل ماتبدي الدراسه الحمدالله وما ضيعتي وقت وتقدرين تحاولين من اول سنه لج بعاشر

البنات الي وياج مايعرفونج
مايدرون انج كنتي بالمتوسط معدلج جيد
يعني لو تجيبين امتياز بثانويه مراح يقولون اوله هذي السنه الي طافت ناجحه بالدز والحين امتياز

وعاشر بس يبيلها متابعه اول بآول لانها دسمه حيييل
و11 و12 بعد

بس اذا عديتي عاشر راح تعرفين انتي حق شنو تميلين للادبي او العلمي

وحطي ببالج اقل شيء تجيبينه بكل سنه لا يقل عن 90
حتي لو ماجبتي 90
خلي هالفكره ببالج انا لازم اجيب 90
اذا ماجبتي 90
راح تكونين شاده حيلج راح تجيبين 85 يعني مو نفس 70
انتي تحطين ببالج 70 راح تجيبين اقل من 70 صدقيني
خلي ثقتج بنفسج عاليه
والانقلش حاولي تدشين معهد قوي محادثه وكتابه وقراءه علشان تعودين نفسج بالامتحانات والحصص
وخلي بالج ان الثانويه راح تفتح لج ابواب لو جبتي معدل عالي
مايندرى باجر تجيبين 96 ونشوفج دكتوره لنا
حبيبتي خلي عندج جديه بالموضوووع وشدي حيلج
والله ويوفقج ويسهل دربج يارب

 

[أم_فلان_الفلاني]

البنات قالوا درر
بس حابة اضيف جم شغلة

اولا لا تقولين علمي وادبي الحين
دشي عاشر وشوفي شنو معدلج بالمواد العلمية وكذالك الادبية

وثانيا لا تقولين رفيجاتي دشو علمي بدش معاهم او العكس
لانه ماراح ينفعونج رفجاتج اذا صار شي لاسمح الله

وثالثا اهوا انا بما انج انتي حابه تغيري من نفسج ودراستج راح تقدرين لو شنو يصير
وقولي حق نفس ان انا مو ناقصني عقل علشان البنات اييبون اعلى مني

ورابعا والاخر لاتقولين على روحج فاشله والمادة صعبه والابلة حاطة على وولا تستسهلين المواد
وتقولين ان هذي سهله بعدين ادرس وحاولي كثر ما تقدرين انج تيبين درجة كاملة في القصير
وعند الابلة لانه يرفع المعدل وايد

والله يوفقج ويوفق الجميع:yaaaaaarb:

 

[7lawah]

مآ قصروآ آلبنآت ،

و آلثآنوية مرحلة عآديه بـ تمر نفس مآ مرت عليج آلمتوسط ..

و آلله يوفقج آن شآء آلله ،