السلام عليكم ورحمة الله وبركاته

[كل الحلا فحبيبي]

السلام عليكم ورحمة الله وبركاته

بنات انا امس مراجعتي عند دكتور الحوامل وانصدمت لما قالي ان البيبي متاخر نموه عند الطبيعي اسبوعين يعني ما كبر وزنه ويقولي نموه صغبر ويبي يولدني بسرعه فما ادري هل للضغط علاقه وحبوب الضغط يقولون ما تكبر البيبي وانا قيصريه من قبل وما ابي اولد قيصريه بعد فهو قالي لازم تولدين قيصريه لان الرحم مو متهيئ للولاده بعد واخاف نعطيج طلق صناعي راح تتعبين والبيبي بعد فانتو شيرو على يا بنات منو ولدت باول الثامن وكانت قيصريه من قبل وجابت طبيعي وهيا ما فيها طلق ومع الطلق الصناعي انفتح الرحم وجم ساعه قعدتي تطلقين وهل اقدر اخذ محرضات للرحم من الحين

 

[ذهــب]

حبيبتي وعليكم السلام ورحمة الله وبركاته
انا يوم كنت حامل بالخامس قالتلي الدكتورة اللي سوتلي سونار ان البيبي متأخر اسبوعين وبس عادي وعطتني موعد ولادتي بعد الموعد الاصلي بأسبوعين بس مافالتلي لازم نولدج ومن هالخرابيط وانا كنت آخذ بيبي اسبرين بس اصلا ماله علاقه عادي ومو هو مسبب هذا وكاني ولدت طبيعي بالموعد الاصلي مو اللي بعد اسبوعين الحمدلله وهذا انا اللحين نفاس وبنتي بصحة وعافية الحمدلله ماشاءالله تبارك الله..

 

[ذهــب]

مادري اذا الشهر الخامس يفرق عن الثامن ؟؟ انتي متى قالولج هالكلام؟؟
وبعدين شلون بيولدج وهو ماكمل نموه الطبيعي؟؟؟

 

[كل الحلا فحبيبي]

مشكوره حبيبتي ذهب انا الحين باخر السابع والدكتور يقول لازم بعد ما تاخذين من الثامن اسبوع لازم تولدين عشان الحضانه بهالحاله احسن من بطنج فما ني عارفه

 

[om 7sony]

استشيري طبيب ثاني حبيبتي
اخذي اكثر من راي
من مختصين
والله يهون عليج وعلى كل الحوامل يا رب

 

[Dark SouL]

مشكوره حبيبتي ذهب انا الحين باخر السابع والدكتور يقول لازم بعد ما تاخذين من الثامن اسبوع لازم تولدين عشان الحضانه بهالحاله احسن من بطنج فما ني عارفه

حبيبتي لا تحاتين دام الدكتور قال اهو ابخص وعارف مصلحتج ومصلحة البيبي
والله يسهل عليج يارب وتشوفينه كامل وبحضنج

 

[@ام يوسف@]

الله يهون عليج ويقومج بالسلامه انتي والبيبي

 

[ذهــب]

الله يسهل عليج يارب هاا طمنينا عليج