السلام عليكم ورحمة الله وبركاته

[كاتي%%]

معلمات شلونكم وشخباركم

صارلي تقريبا اسبوع من تعييني (( تعيين جديد ))

بس مدرسة صبيان وثاني شي احس قسمنا فيه احزاب وحييل يحشون بغيرهم وغير النقزات

بس مو علي .. على ابلات إهم بينهم يعرفونهم

وماادري ان مستانسة بالوظيفة ومع الادراة ومع باجي الاقسام بس القسم اللي انا فيه

مو مريح ماادري احس لمن اسولف ما يسمعون وانا توني ماشافوا خيري من شري

بالعكس اقط وياهم وحيل متعاونة معاهم وانا احب اخذ واعطي وياهم بس اهم مايسولفون

كأنهم حزب ماادري شنو اسوي مع اني مرتاحة مع الادارة و والاقسام الثانية اعزموني ورحت لهم وكانوا حبوبين

يعني من المواقف اللي صارت لي بهالاسبوع وماادري اذا شي عادي كان في اجتماع لنا رياضيات مع المشرفة شنو قالت المدرسة س للمدرسة ف يالله امشي وجيبي دفاتر تحضيرج وانا قاعدة ماقالولي ماادري ليش هالتصرف الناس للناس ومع اني جديدة وقاعدة اضحك معاهم بتقرب منهم اكثر واسولف بس ماادري بصراحة


حبيت ادردش معاكم وافضي عن نفسي شوي مع اني افكر واقول باخر الشهر اخذ معاش واتونس
وماني مضيقة ع عمري

وجزاها خير اللي تفيدني اقدر انقل اللحين مع اني تعيين جديد توني ومتى بينقلوني

يمكن اطيح بمدرسة ثانية وقسم ثاني حبوب ماعنده هالحزازيات وهالاحزاب

وين اقدم نقلي من المدرسة او من المنطقة

واسفة ع الازعاج

 

[توتي فروتـي]

رد : السلام عليكم ورحمة الله وبركاته

لا لا تفكرين بالنقل الحين .,
توج ماصارلج اكثر من اسبوع .

ممكن تتأقلمين مع الوضع ., وربما تتعودين عليهم .,
يمكن الي يصيرلج تصورات كونج تعيين جديد.,

لا تستعيلين ., والله يعينج .,

 

[جنون العشق]

تتاقلمين مع الوقت

 

[KOKO_284I]

رد : رد: السلام عليكم ورحمة الله وبركاته

طولي بالج اهم شي بالشغل طولت البال

 

[اريج الرياض]

رد : رد: السلام عليكم ورحمة الله وبركاته

صدقيني مع الوقت تتاقلمين انتي اهتمي بشغلك وبس و انسي وانبسطي
الاشياء السخيفه اللي تصدر من بعض المعلمات حطيها وراء ظهرك اذا بدايتك جذي ماراح توصلين للي تتطمحيله مووووووووفقه يارب
يارب يسر امري يارب
سبحان الله والحمدالله والله اكبر ولا اله الا الله

 

[رضاهم جنه]

يا كرهي للقسم الي جذي

يمكن مع الوقت يعرفونج عدل بس الحين يتحاشونج لما يشوفون شنو طبعج

 

[جـمـان]

لانج يديده و اهم ماخذين على بعض من قبل يبيلج وقت تتعودين عليهم و يتعودون عليج وسوالف النغزات هذه عاديه
مجتمع حريم هالسوالف اذا مالقيتها بقسمج تلقينها بقسم ثاني

 

[منال القلب]

عادي حبيبتي عطي نفسج شهر وبعدين يتعودون عليج
اهم شي ان ادارتج زينة ومدرستج زينة حمدي ربج والله يسهل عليج ويوفقج

 

[منال القلب]

عادي حبيبتي عطي نفسج شهر وبعدين يتعودون عليج
اهم شي ان ادارتج زينة ومدرستج زينة حمدي ربج والله يسهل عليج ويوفقج