السلام عليكم مساعده تكفوووون

[qswa]

تكفوون يابنات اقسم بالله تعباانه من الحال اللي احنا فيه الله لايحطكم بنفسه









بيتنا محسوود كثير باحلامي تجيني وحده تقولي ياكثر الحسد اللي فبيتكم ماعرف هالوحده ونفس الشي امي قالتلها مطوعه نفس الكلام ياكثر الحسد اللي فبيتكم مع العلم اني متزوجه واختي متزوجه واخوي ع باب زواج كان متحمس حييل للزواج ومستانس الحين يقول متضايق ومابيها وكاره كل شي وكاره حياتي كلها امي كل يوم تبجي وتتضايق من غير سبب انا من اروح عرس ولا عشا ارد اتهاوش مع زوجي والله العظيم من غير سبب ونفس الشي اختي واللي يجنن اكثر ( بيتنا ) من انتجمع فيه جدام امي بالتحديد انتهاوش انا واختي لين تنهار امي مع العلم علاقتي باختي حلوه حيل بس لما نتجمع فبيتنا يصير هالشي بشكل مو طبيعي امي جتها فتره اكرهتني فيها بدون سبب ومرات تكره جمعتنا انا واختي من كثر مانتهاوش ويا بعض يابنات ياناس البلا فبيتنا من سكنا فيه مشكله ورا مشكله انا ادري انه محسودين ع بيتنا لانه قصر الحمدلله مو بيت عكس اللي يصيرون لنا دخلهم محدوود وبيوتهم ع قدهم حياتنا صارت لاتطااق استغفرالله كنا نسكت ونقول طبيعي بس اخووي يوم قررب عرسه الحين وكان حييييييييييييييل طاير من الفرحه فجاه يقول مابي بطلق ؟؟ يابنات انا ارجي الله ثم ارجاكم تكفون لاتخلووني تكفووون مليون مره ساعدوني ابي شيخ دين موثوق فيه ابيه يجي يقرا فبيتنا ويقرا علي انا وامي واخوي واختي تكفون ساعدوني الله يفرجها عليكم ناطره ردوودكم

 

[ياحُبِي لِلكويت]

لاحول ولاقوة الا بالله .. حبيبتي شغلو سورة البقره لمده ثلاث ايام او اكثر ولاتنسون الاذكار والدعاء وعسى ربي يفرج همكم ويسعدكم ويجمعكم بالخيير ويوفق اخووج ويبعد عنكم المشاكل اللهم اميين ,,,, الناس ماتعطي خيير على كل شي كثر الخيير وكثر الحسد الانسان مرات يحسد نفسه او حتى اقرب الناس له واهو مايدري العياذبالله قوو ايمانكم ولاتوسوسون المهم سوره البقره والاذكار وان شاءالله معافين ياارب ... ورفع لعيونج ^-^

 

[بنت المدير]

حيبتي ليش ما تطلعون من بيتكم وتستاجرون بيت متواضع عشان تطفون العين لان صديقة اختي مثل حالتكم من سكنوافي بيت كل يحكي فيه من زينه وعلطول ابوهم مرض فجاه ومات بعد شهرين من سكنوا,,اختي ما ابغى اخوفك بس حبيت اقولك عشان تلحقون على انفسكم وياليت تاخذين اثر كل واحد دخل بيتكم من جماعتكم

 

[فدوووو]

شوفي توقيعي و بتستفيدي

هذا واااضح انه حسد وعين

بس لاتبيعيون بيتكم حراام والله حنا كنا راح نبيعه بس هونا لاننا ماراح نلاقي مثل بيتنا

 

[qswa]

مشكورييين بنات ماقصرتوو فديتكم اذا ع بيعة البيت مانقدر والله لايحدنا ع بيعته والله يكافينا شرهم المشكله امي هذا بلاها من تزوجت ابووي العيون ع فلوس ابوي وحاسدين امي عليها من قبل لاتجينا اقصد اهل امي لانها احسن وضع منهم بوااجد بعدين الحسد ع شهايدنا انا واخواني الحمدلله بعدين ع زواجاتنا الحمدلله يارب والحين كل امورنا قاعده تتلدد حسبي الله ونعم الوكيل فيهم ادعولنا تكفون

 

[عواشق الكويت]

اختي الغاليه
شغلي في بيتكم سورة البقره
واقري على نفسج وعلى اخوانج وامج
وانا عندي حل بس بدون زعل
اخذي غسولج انتي واخوانج وامج وابوج
واشربوه
ومايحسد المال إلي اصحابه

 

[سعوديه^^كويتيه]

حبيبتي من جدك جالسه للحين تنطرين حل
احمدي ربك انك عرفتي انها عين واسئلي عن شيخ ثقه ومعروف وقوليله الي صار بس انا حذرتك اهم شئ يكون شيخ ثقه ومعروف لان بعضهم يقولون احنا شيوخ ومن هالكلام وماتدرين الا مسوينلك سحر وناشرين غسيلكم عشان كذا انتبهي مو اي شيخ

ثاني شئ : خذي موية كل من زاركم وكل الي شاكين فيهم لاتستحين خذيه وهم مايدرون واذ ماتقدرين وصي احد ثقـــــــــــه
واهم شئ حصني نفسك وزوجك واهلك خليهم يتعوذون بعد الفجر والمغرب
وشغلوا سورة البقره ببيتك وبيت اهلك وبعد لو تشغلونه بغرفكم وانتم نايمين وايات تحصين

واي استسفار انا حاضره
اتمنى اني ساعدتك
تكفين طمنيني عنك

اسئل الله العضيم ان يفرج كربتك

 

[هنوو العنزي]

لاحول ولاقوة الا بالله .. حبيبتي شغلو سورة البقره لمده ثلاث ايام او اكثر ولاتنسون الاذكار والدعاء وعسى ربي يفرج همكم ويسعدكم ويجمعكم بالخيير ويوفق اخووج ويبعد عنكم المشاكل اللهم اميين ,,,, الناس ماتعطي خيير على كل شي كثر الخيير وكثر الحسد الانسان مرات يحسد نفسه او حتى اقرب الناس له واهو مايدري العياذبالله قوو ايمانكم ولاتوسوسون المهم سوره البقره والاذكار وان شاءالله معافين ياارب ... ورفع لعيونج ^-^

اهى اهى ياحياتي وربي كسرتي خاطري وحيل تقطع قلبي ياحياتي والله

وانا مع كلام اختي وانشاءلله ربي يعافيكم ياارب

 

[YoMnA]

الله ايسر لكم أموركم وان شاء عرس اخوج بيتم على خير
نفس ما قالولج البنات شغلي سورة البقرة واقري الرقيه
الشرعية وكثري من الدعاء وتصدقي ولا تشلين هموم دام
لج رب كريم أمن يجيب المضطر اذا دعاه ويكشف السوء توكلي
على ربج ولا تحاتين
الله يحفظكم من كل شر*

 

[اشراقه]

اذا متاكده انها عين خوذي فوطه وامسحي فيها المنطقه اللي عند الباب...بعدين حطيها بكميه من الماءواستحموا فيه ..وخلي القران في بيتكم24 ساعه..انا سامعه ان العين تجلب الشياطين معهاللشي المعيون سواء شخص اوبيت او سياره..عشان جذي دايم تناجرووون مع بعض...