السلام عليكم بنات محتاجه مساعدتكم لو سمحتو!!

[Rose ilq8]

السلام عليكم
انا عضوة جديدة في المنتدى ؛)
مشكلتي زوجي احبه و يحبني بس الله يهداه دايم وقته بالدوانيه ،، اذا ماراح الدوام يقعد الصبح و يبدل ويروح هناك !!
و انا اكون قاعدة عادي !!! و اذا رجع من الدوام قعد شويه وياي ويا بنتي و يروح الدوانيه و مايرد الا بليل !!!!!
شسوييييي اذا ابي اجذبه حق البيت !!! اكو طريقه او شي!!!
ساعدوني لو سمحتو

 

[أنسأنة غير]

والله مادري شقولك الله يعينك

 

[ديانا سبنسر]

سوي لج جو يشده للبيت مثل العصاري زهبي شاي وقهوة وحلا وفطاير ورتبي بيتج وخلي ريحته حلوة وافتحي معاه مواضيع هو يحبها مثل يعني شاركيييه اهتماماته
واهتمي انتي بلوكج وغيري من فترة لفترة
الله يهديه لج ويسخره

 

[نشيج الروح]

كلميه وقولي له أن من حقكم تقعدون معاه .... أو بالوقت الي موجود فيه فالبيت هيئي له جو دواوين .... يعني لعبي معاه جنجفة إذا يحبها .... شوفي كورة قدم .... >>> الأشياء الي يسويها بالدوانية باختصار ...

 

[گـحِـلْ |~]

,

لا تهيئين ولآ شيء

مو حلوه تكونين نفس اهتمامآت ربعه ! يعني تخيلي قاعده تتابعين معاه مباراه ! حدهآ مو حلوه..

كل الشباب كذا

 

[اسواريه]

الله يهديه لج

 

[iLLuMinaTion]

الله يعينج والله يهديه

 

[ابلة لولوة]

عدل كلامها ديانا

لبسي له وكشخي

شوفي شنو اللي يونسه بالدوانيه وحاولي تسوينه
يعني شاركيه اهتماماته حتى لو ماتحبينها

كرة قدم , او أفلام يفضلها ضغطي على نفسج وجاريه ​

 

[عاشقة هواك]

الله يعينج

 

[انا لحبيبي .]

حبيبتي احكيلو يومين بالديوانيه يوم معي انا وبنتك ، حاولي احكي معه بشغلات بتهمه وشي بحبو

لاتجبريه على شي ، بس فهميه انه لازم يقعد معكم

النقاش والمصارحه حلوه بالحياه الزوجيه

 

[فلنتينو]

والله غالبية الريايل جذي

 

[Rose ilq8]

مشكووووووريييين يا بنات ماقصرتو ان شاء الله و الله يوفقكم يارب و يسخر لكم ازواجكم 

 

[مألوفة]

شنو تشاركه اهتمامته وتجاريه

اول يوم ثاني يوم ثالت يوم انزين وبعدين ترى ماكو فايدة ريلي نفس ريلها ولا ييت كلمته يقولي شنو تبيني اجابلج 24 ساعه

هذيلي رياييل الدواوين كله قاعدين بها الدوانيات ويتحجون بخلق الله وناسين حريمهم<<<<<<<<<< وحدة مقهورة حدهااااااااا

ترى مهما سويتي ماكو فايدة انا كنت ما امنعه من الدوانية اقوله روح وانطره لين يرد لا رد حط راسه ونام جنه ماكو مرا ناطرته

تقولون شاركيه اهتماماته يبا مهما تسوين اللي بطبعه شي ما يووز منه

 

[غرق بالماي]

الريال مافي شي يغيره هذا طبعه مايتغير لو شنو تسوين

 

[زوجة عزيز]

قولي له يخصص له يومين بلاسبوع يقعد معاج مو لازم كل يوم يروح

 

[Noor_AlQ8]

حبيبتي بالايام العادية بالمغرب شاي وقهوة وحلوى الخ

وكل البيت مجتمع حتى لو عمره خمس سنوات



الى صلاة العشاء

هذا نظام امي قبل لما كنت عندها لدرجة حتى اخواني الشباب هياته وتلقين يردون المغرب يقعدون بالصالة حتى لو ماكو احد بس تعودوا قعدت العايلة المغرب والدواوين ابوي واخواني كانوا من العشاء الى الليل عادي الساعه اللي متفقين عليها او متعودين عليها يعني ١١ او اي وقت ثاني


والعصر طبيعياً فيه يطلعون بعد بس ساعه ساعتين وقبله يكون قاعدين بالبيت مالهم خلق الشموس ويطلعون هالساعتين ويردون المغرب

 

[مناير البيت]

شوفي شنو اهتماماته وشاركيه فيها ​

 

[دلع العتبان]

عادي كل الرياجيل جذي شتسوين ياقلبي

الا اذا شي يجذبه بالبيت شوفي النقص انتي ؟

 

[Rose ilq8]

شنو تشاركه اهتمامته وتجاريه

اول يوم ثاني يوم ثالت يوم انزين وبعدين ترى ماكو فايدة ريلي نفس ريلها ولا ييت كلمته يقولي شنو تبيني اجابلج 24 ساعه

هذيلي رياييل الدواوين كله قاعدين بها الدوانيات ويتحجون بخلق الله وناسين حريمهم<<<<<<<<<< وحدة مقهورة حدهااااااااا

ترى مهما سويتي ماكو فايدة انا كنت ما امنعه من الدوانية اقوله روح وانطره لين يرد لا رد حط راسه ونام جنه ماكو مرا ناطرته

تقولون شاركيه اهتماماته يبا مهما تسوين اللي بطبعه شي ما يووز منه

اخت مألوفه انتي نفسي انا انطر و لما يوصل اقولي تعبان و ابي انام!!!!! وانا ولا كأني موجودة تعبت والله ،،،، الله كريم

 

[Rose ilq8]

مشكوووووريييين يا بنات ماقصرتو  ان شاء الله بحاول والله المستعان
الله يوفقكم ان شاء الله