السكن في دبي ارجو الرد ضروري

[sky]

السلام عليكم بنات بالنسبه للسكن في دبي وين احسن اسكن مقابل سيتي سنتر ولا مول الامارات واحسن حق اليهال

 

[بنت عبدالغني شربت]

هلا والله اختي سكاي انا من رايي مول الامارات بس انتي وميزانيتج لانه فنادق دبي ناااااار عطيني حدود سعر الليله وانا اقولج عن الفندق بس السعر لازم يكون فوق 60دينار بالليله اذا تبين مكان نظيف وحلو

حياج الله حبيبتي

 

[بنت عبدالغني شربت]

http://www.q8yat.net/showthread.php?t=105949

ان شاء الله موضوعي هذا يفيدج

 

[sky]

مشكوره اختي والله يعطيج العافيه انا ودي شقق فندقيه لأن احنى نكون سبعه مع عيالي والخدامه فقلنا شقه فندقيه احسن يقولون ان في شقق فندقيه مقابل مول الامارات ومقابل سيتي سنتر

 

[tofy]

في شقق سيتي سيزون جدام السيتي سنتر بالو سيزن الي اهو من شهر 5 إلى 9 الشقة ب59 دينار

وعندج شقق فلورا بارك وايد حلوين يم سيتي سنتر بالو سيزن بعد 73 دينار الشقة فيها غرفتين


وانا انصح بالسكن صوب ديرة لانة صوب مول الإمارات كلة بنيان وشاحنات

ووايد مولات يدية فتحة صوب ديرة مثل مردف مول و دبي فستيفال سيتي

 

[sky]

مشكورين وايد على الرد لاخلى ولا عدم ان شاء الله وسؤال بنات مول الامارات بعيد عن وسط دبي

 

[supermarket]

انا من رايي الشخصي سكني يم سيتي سنتر( ديرة )

لان مول الامارات ( شارع الشيخ زايد ) كل شي بعيد عنه

 

[غيـ الناس ـر]

انصحج يم مول الامارات .. يعني القريب منه الفنادق برج العرب والجميرا ..


ابن بطوطه يبعد عنه ربع ساعه وكذلك برجمان ..


بس اتوقع مول الامارات عيالج يستانسون اكثر لان فيه سكي .. وفيه العاب فوق وفيه مطاعم وفيه استعراضات حتى ايام الدوام مو الويك اند


انا توني رايحه من جم اسبوع وحمدت ربي اني سكنت بمول الامارات لاني كنت ناويه اسكن بالستي سنتر

 

[sky]

مشكورين بنات على الرد ما قصرتو بس جذي انا احترت وايد بين السكن بجانب سيتي سنتر ولا مول الامارات