السفر والحمل

[*ريمي*]

السلام عليكم شلووووووونكم
عندي استفسار اقدر اسافر وانا حامل بالشهر ال4 ؟
مسافه يعني بو 7 ساعات ...

 

[شوارفسكيه حمره]

نفس السؤال لانه طقت جبديييي
ابي اسااااااااااااااااااافر

 

[درر و ألماس]

مدري بس الضغط الجوي يمكن يأثر عالجنين ..
لان دايما ا يسألون وقت المغادره اذا حامل او لاء ,,

بس هم بعد اعرف وحده سافرت بالشهر الرابع و ما أثر عليها
لكن مدري الاحتياط واجب و عقب الانفاس ساافرووااا ههههههه

بالتوفيق

 

[درر و ألماس]

لاا ما يقهرج الا اذا سااافر الزوج مع ربعه و ترك مرته لانها حاامل

تحطططططططططيم نفسسسسي
اعععع > <"

 

[*ريمي*]

ابي اسااافر يمكن صج تعب بس لي ولدت قلبي علياهل يكون .. بناااات وينكم الي تعرف بلييييز تفيدنا

 

[Meeesh]

انا سألت دكتورتي وقالتلي مامنه ضرر ابدا بس اهم شي نكثر سوائل بالطياره ونحرك رجولنا ونتمشى بالطياره بين وقت ووقت
وانا ان شاء الله ناويه اسافر اخر هالشهر ولله الحافظ

اذا حابه تسافرين روحي للدكتوره خل تسويلك سونار وتتأكد انه كل شي سليم ووضع المشيمه تمام وهي تقرر اذا عادي تسافرين او لا

 

[*ريمي*]

انا حاليا بال٣ لي وقت السفر اكون بال٤ ... بس بحجز قبل موعد المراجعه فا حابة اتطمن
مشكورين حبايبي

 

[صيتة الخالد]

عااااااااادي جدا
وكل الدكاترة مجمعين على هالشي
بس بالاشهر الاخيرة مادري

بنات بسأل عن السفر بالسيارة بالشهر السادس جذي،،
عادي ولا يعور الظهر؟!!!
انا صج لاحظت نفسي وانا بأول الرابع مااتحمل اطول بالقعدة بمكان واحد
بس ابي وحدة جربت او تعرف احد جرب
خااااطري اروح عمرة بالصيف بالسيارة من زمااااان مارحت

 

[batool H]

سالت دكتورتي وقالت عادي انا سافرت بالرابع مسافه 4 ساعات تقريبا والحمد لله مافيني الا العافيه

 

[ام الحلوااات]

اللـــه يـــســهــــل امـــــــرج

 

[*kim*]

انا قبل سألت دكتوري وقالي عادي كل شي سليم كنت بالرابع سافرت مسافه 8 ساعات مافيني شي بالرجعه هم 8 ساعات نزيف وجاني اختناق وحالتي حاله ومرضت من رجعت والجاهل نزل عنق الرحم وفي ناس يسافرون عادي على حسب مابي اخرعج بس حبيت اذكر تجربتي

 

[*kim*]

استخيري احسن لج

 

[رانس]

اول شي تطمني على البيبي واستشيري دكتورتج انا قبل دكتورتي قالت عادي سافري بس احتياط اخذي مثبتات وكل ساعه بالطريق وقفي وريحي لج ربع ساعه وياكثر ماسافرت والحمدالله اهم شي استودعي مافي رحمج لله

 

[q8 بقلب اماراتى]

انا سافرت من الامارات للكويت بس مسافه قصيره ساعه وربع كنت اتعب بس اول يوم عقب عادى

 

[q8 بقلب اماراتى]

مانصحج بلمسافه البعيده البيبي اهم وهانت

 

[سكيتليز]

افضلك تسالي الدكتورة حقتك عشان تطمني لانها ادرى بوضعك ولاتجازفي
وربي يكتبلك الخير ويسرلك حملك وولادتك انتي وانا وكل حامل

 

[sosowaty]

عااااادي جدا بس لا تكثرين من الحركة و ريحي نفسج كل ماتعبتي

اهوه الي ممنوع من السابع الي التاسع

لان في بعض الحريم يولدون ولادة مبكرةة

 

[أوراق مبعثره !]

حبيبتي بالرابع السفر عادي بس احتياط روحي الطبيب قبلها وتاكدي كل شي اوكي واخذي منها ورقه تكتبها لج بالانجليزي لان في طوط طيران ماتمشي بدونها وعن نص السادس ومافوق ما ينصحون بالسفر

 

[*ريمي*]

مشكورين بنااات ماقصرتو اي قلت جذي بشوف اادكتوره بس موعدي بعد توالناس فا ابي احجز من الحين

 

[ام دندوونه]

أنا الحمد الله سافرت بالثالث بس قبل السفر استشرت دكتورتي وشفت وضع البيبي وهم الضغط وعطتني دكتورتي حبوب مثبته أكلتها اول ماركبت الطيارة والحمد سفرتي كانت ساعتين وتيسرت الامور وهذي هي بنوتي بحضني مافيها الا العافية