السفر مع قروبات

[مستقبلي احلى]

خواتي مفكرة اسافر مع قروبات وحبيت اسألكم اشرايكم
بالسفر بهذي الطريقة وناسة ولا اللتزام وما تأيدونه بخاطري اسافر مع ناس مجموعة
اذا جربتي السفر مع قروب ابي اعرف اي دوله رحتي لها وشنو اللي ما عجبك

 

[حاااايره]

هلا ياقلبي والله اذا انتي متزوجه ما انصحج
انا اسافر مع اهلي قروبات وناسه وجمعه في التزام بس اذا ماتبين تروحين مو غصب اهو برامج معينه مع قايد
اما اذا متزوجه ما أأيد انا سافرت سنغافوره أستراليا تايلند والله ما ارتحت بنات ومغازل وضعك بصوت عالي ومياعه مادري وهم مرات يروح زوجي يقعد مع الرياجيل اللي بالقروب يحلفون عليه على قهوه ويقولون لا تخاف عالمدام مع اهلنا واهو يجامل مادري واتباط بايخ حلاتج مع زوجج تسافرين من الديره وتنفردين معاه تحسون بالحريه
هذي وجهة نظري حبيبتي

 

[رفرف]

انا ماجربت الصراحة بس اهلي راحو ماليزيا مع قروب وايد استانسو يقولون مانحاتي شي بس شايلين هم جناطنا ..

 

[Q8tya_GirL]

حلوو السفر مع قروب انا رحت فيينا و ميونخ وزلمسي و ايطاليا و لقروب اللي ويانا وايد ونيسين

 

[مستقبلي احلى]

بارك الله فيكم

 

[ghalaty]

السفر مع مجموعات التزام وتقيد وصح في مغازل ماتحسين بالحريه التزام ولويه من المطار

 

[moors]

موشيئ بروحج احسن

 

[al7reyaa]

السلام عليكم ورحمة الله وبركاته

انا استانست مع القروب وايد الحمد لله قروبنا كان ممتاز وايد

والله يرزقنا سفره سنعه ووناسه

رحت مع قروب النمسا و المانيا وايطاليا

خوش ناس

القايد اينن الله يعافيه


وموشرط تلتزمين كل رحله تروحين

 

[شاي اخضر]

اتوقع اقروبات احسن ماينقص عليكم وتروحون كل مكان انا وزوجي سافرنا بروحنا وندمنا انهبونا التكاسي خصوصا اذا رايحين لمكان اول مره

 

[coffee]

اهلين

اذا ديره مو رايحتلها من قبل انصحج مع قروب بس عاد انتي وحضج بالمرشد ونوعية الناس اللي معاج

 

[شهدQ]

انا اقول اذا تعرفين الدوله

روحو بروحكم تاخذون راحتكم اكثر وهم احلى

ماتعرفون رحو مع قروبات مع اني ماايد كل شي عن اي دوله بادق تفاصيلها تحصلينها بمنتدى العرب المسافرون

 

[توتة الحلوة]

على حسب كل وحدة ,,,, انا شخصيا مرة وحدة سافرت مع قروب ورحنا ماليزيا واحس ان القروب لويه وعلى الحظ ساعات اللي معاج خوش ناس وساعات لوعة جبد ... وساعات وياج ناس بس يحنون ويهذرون وايد ..
بس انا أفضل بروحي مع ريلي وعيالي احنا نخطط حق السفرة من التذاكر لي الفنادق ، بصراحة انا رحت السويد وهولندا والمانيا وبلجيكا وسويسرا ولوكسمبورج وكل ديرة منهم رحت لها كذا مرة وكله بروحنا بدون قروب وكنا نتنقل من ديرة لي ديرة بالقطارات يعني ساعتين ولا ثلاث ولا انتي بديرة ثانية .
يعني باختصار اذا انتو تعرفون تدبرون عمركم بالسفر ....روحو بروحكم احسن.