السفر مع اهل الزوج

[هيفاء 966]

مرحباً شلونكم.
انا عضوه يديده وأبي أستشيركم بشغله. هل طبيعي انج لمن تسافرين مع ريلك واهله انج تنامين مع خواته واهوا ينام بغرفة ثانية ويا امه. ؟؟؟ انا هذا اللي يصير لي انا تزوجت صغيره ومن بعد زواجي بجم شهر سافرت مع امه وخواته وصار لي هالشي والحين انا وعيت وحسيت انه مو طبيعي. شرايكم شقول لزوجي عشان ما يتكرر هالشي والا تشوفونه عادي وما يستحمل اقوله * ببس احس بموت من القهر

 

[مسؤولة تعيين]

لا طبعا مو عادي هو ريلج مو اخوج ! لا تسمحين حق هالشي اصلا المفروض حتى هو مايرضا

 

[لمى الهاجري]

كح كح ليش ما يخلي خواته مع امه وانتي معاه بالغرفة يعني ي ما بتم بروحها

 

[حبوبة الأطفال]

مثل ماقالت الاخت لمى الهاجري

غرفة لج ولزوجج وغرفة لامه وخواته

واصلا المفروض هالفكرة تخطر على بال زوجج اول شي

ياربي مااتخيل اني أسافر مع اهله وانا بغرفة واهو بغرفة ... والله اسافر مع اهلي احسن

ربي يسخرلج زوجج ويهديه

 

[الأميرة جوري]

اي اختى عادي انتى معاه وامه مع خواته.... شيء طبيعي

 

[*peace*]

lol

صراحه شي يضحك

اهوا حسب خالتج وحمولتج شلونهم معاج زينين او لا؟!!!

وبعدين زوجج شلون ساكت موفاهمه عاجبه الوضع؟

 

[لوفيه]

ليش يعني بالسفر حرام ولا عيب

لا حبيبتي اثنينكم بغرفه والباجي بغرفه

قوليله جذي

 

[! بــدويه وآآيــد !]

،


شكو نايم مع امه ومخليج مع خواته المفروض امه وخواته وانتي وزوجج
وااي ياشين السفر مع اهل الزوج عساني ماجربه

لاحبيبتي قوليله لما تكونون بروحكم وقبل السفره امك مع خواتك بغرفه وانا وانت بغرفه !

 

[Patcholli]

مستحيل اسوي هالشي الصراحه ..
وفعلا هالشي غلط وماله داعي انتي مسافره تستانسين وتغيرين جو مع زوجج .. واهله حياهم الله بس انتي غلط تنامين معاهم .. قعدتج ونومج وطلعتج ويا زوجج ..
قوليله باختصار وبكل صراحه ما اخذ راحتي وماقدر انام ولا اقعد ولا اتصرف على كيفي ..

 

[G!RLooNa]

يمكن ناقصه حنان

 

[Model Look]

هههههههه

اسمحيلي بس شي يضحك هههههههه

مادري ليش ريلج ماتحجى ولا امه ماتعرف يعني شي بالعقل

 

[صادقة بكلمتي]

غريبه شلون يبدل وامه نفس الشي يعني اهو كبير موو ياهل الا بحاله وحده ان امه مرى كبيرة وايد ومحتاجه احد يشيلها او يساعدها بس هم تقولين خواته موجودين يعني امهم تتكشف عورتها عليهم ان محتاجه اولى من ولدها غريبه بصراحه ما ادري شقولج وضحي لنا اكثر يمكن نقدر نساعدج

 

[am faisal]

تجربة حرمت اكررها

 

[هيفاء 966]

مشكورين بنات على ردودكم واللي يسالون هل امه كبيره لا عادي إحنا ناخذ شقه وقعدتنا الاساسيه في الصاله

 

[Gifts&Occaions]

غريبة ماتنامين بنفس غرفته

 

[فديت من سماني]

ما اتخيل نفسي هو بغرفه و انا بغرفه

 

[om Firas]

كلللش مو حلوه الحركه ولا بعد شقه يعني كلكم مع بعض
يعني المفروض انتي واهو بغرفه بروحكم والباقي مع بعض
ريلج غريب صراحه

 

[دمعاتي تونسني]

لاتقولين له شي بس اذا قررتوا تسافرون قولي له اني طوفت المرا الا طافت بس انشاالله اذا رحنا تنام معاي
لاني زوجتك وبعدين يمكن امه تبيه ينام عندها يمكن غيره

انا محرمه اسافر مع اهل زوجي عشان المواقف والسوالف الا تجينا من وري هالسفره يبون الزوجه 24 ساعه تخدمهم ولازقه فيهم واذا قعدت تسولف ويا زوجها قالوا ها ماتبينا

 

[دانات البحر]

انا نفس الحاله يا قلبي صار لي سنين متزوجه وما سافرت معاه بروحنا الا مرتين
وبعدين صارت سفراتنا كلها مع اهله واخوانه وحريمهم وفي السكن ينام مع اخوانه
وانا مع خواته والحين انام مع عيالي وهو طبعاً مع اخوانه والله ان حتى السوق لما اطلب منه يوديني يقولي اتصلي على امي وخواتي اذا بيروحون معانا السوق ولا لا حزتها ودي اصرررررررررررخ من قمة راسي من القهر تعبت افهم فيه لكن لاحياة لمن تنادي

 

[دمعاتي تونسني]

انا نفس الحاله يا قلبي صار لي سنين متزوجه وما سافرت معاه بروحنا الا مرتين
وبعدين صارت سفراتنا كلها مع اهله واخوانه وحريمهم وفي السكن ينام مع اخوانه
وانا مع خواته والحين انام مع عيالي وهو طبعاً مع اخوانه والله ان حتى السوق لما اطلب منه يوديني يقولي اتصلي على امي وخواتي اذا بيروحون معانا السوق ولا لا حزتها ودي اصرررررررررررخ من قمة راسي من القهر تعبت افهم فيه لكن لاحياة لمن تنادي

انتي معطيته وجه ياقلبي شلون متحمله حتي السوق مع اهله اصلا ما اتوقع تحسين بالسفره ليش ماتكلمينه وتفهمينه ان من حقج تنامين معاه بنفس الغرفه والله تكسرون الخاطر الله يصبركم:yaaaaaarb: