السفر لماليزيا اثناء فترة الحمل؟؟؟؟

[رمسه777]

مرحبا خواتي..
عندي كم استفسار و حابه تردون و تشورون علي..
انا ناويه على السفر مع زوجي وعيالي 6 و 3 سنين و انا حامل و على موعد السفرة اخر شهر 6 بكون في الشهر السادس..
كنت حابه اروح لندن بس غيرت رايي عشان سالفة الاجهزة الجديدة اللي مركبينها في المطارات عشان التفتيش و اخاف يكون فيها ضرر على الجنين وغيره من الاسباب..
المهم انا وزوجي جاعدين نفكر انا نروح ماليزيا عشر ايام نغير جو ونخلي العيال يستانسون..
بس ما ادري هل بيكون السفر في الشهر السادس امن للجنين و هل في خطر من اجهزة التفتيش في المطارات..قصدي الاجهزة القديمه اللي مثل البوابه و نمر من تحتها هل فيها ضرر على الجنين او هي امنه؟؟؟​

 

[حروف من ذهب*]

ديري بالج لا تغلطين مثل غلطت بنت عمتي ارهقت نفسها ونزل عليها دم وتمرمطت بس الحمد الله مع المثبتات والراحه ثبت الحمل كانت رايحه البحرين 4 ايام بس وردت وقعدت يومين ونزل الدم من المشي وكثر القعده
ان شألله اذا ولدتي سافري وستانسي
والله يسعدج

 

[جوديے... كيوت]

حبيبتي

الله يقومج بسلامه

انا من زمان كان بخاطري اسافر وكنت حامل وكنسلت لاني كنت توني اتنساه

والحمدالله توني رحت وتوفقت فيها


بس والله قلت الحمدالله اني ماسافرت وانا حامل

لانه راح يضيق خلقج الالعاب وحركه وتمشي وايد مشي والله انا الي مو حامل مع الجو كنت اتعب

والله حتى اغلب العوائل تحط عيالها بعرابانه لانه مشي وانتي شوي قاعده تثقلين

ولانه الجو رطوبه واغلب الجولاتهم الصبح وتاخذ نص يوم وراح تتعبين ويضيق خلقج وبدال

لا ترحون تستانسون راح تأزمون ماتدرين شنو يصير فيج انتي حامل

طريج من الكويت لي كوالامبور والله يملل ويتعب انتي حامل وعيالج الله يعينج



نصيحه والله اجليها وان شالله لي ولدتي روحي

ليش ماتحجزين شاليه عشان تستانسين وتونسين اليهال

والله يتمم عليج

 

[رمسه777]

مشكورين خواتي و شكلي خلاص بكنسل..و اخلي الوناسه حج بعد الولادة انشالله

 

[حروف من ذهب*]

الل يتمم عليج ان شألله بالولاده السهله والسفره الحلوه

 

[om MaRyooM]

الله يهنيكم انشالله

بس دامج بتكونين بالسادس مضطرة تروحين؟؟؟ اذا كلش كلش روحو مكان قريب مثل دبي ولا مصر
لأن الارهاق والمسافة الطويلة موزينة ورح تتعبين ترا مارح تستانسين خصوصا ان بتكون عليج مسؤولية عيالج اسم الله عليهم وانتي أدرى بنفسج
وترا في شركات طيران مايخلونج تركبين الا من تكونين يايبة تقرير طبي من دكتورتج تسمحلج فيه بالسفر


وسالفة الاجهزة ياقلبي ماياثر ..خو انتي مارح تسوين فحص اشعة كلها ثانيتين بتمرين تحت الجهاز وخلاص

 

[ام احلى خلودى]

شوفى حبيبتى سالفه السفرة وانتى بالسادس عادى من الشهر الشهر الرابع لى السابع تقدرين تسافرين واهم شى انج تاخذين تقرير من دكتورتج .....بس السالفه مو سالفه اى شهر السالفه سالفه تعب وخاصه ماليزيا كلها مشى يعنى وااايد راح تتعبين وما انصحج تروحيلها ,, روحيلج مكان اقرب وعقب الولادة روحى شهر العسل ماليزيا

 

[اسوومه85]

الله يهنيكم انشالله

بس دامج بتكونين بالسادس مضطرة تروحين؟؟؟ اذا كلش كلش روحو مكان قريب مثل دبي ولا مصر
لأن الارهاق والمسافة الطويلة موزينة ورح تتعبين ترا مارح تستانسين خصوصا ان بتكون عليج مسؤولية عيالج اسم الله عليهم وانتي أدرى بنفسج
وترا في شركات طيران مايخلونج تركبين الا من تكونين يايبة تقرير طبي من دكتورتج تسمحلج فيه بالسفر


وسالفة الاجهزة ياقلبي ماياثر ..خو انتي مارح تسوين فحص اشعة كلها ثانيتين بتمرين تحت الجهاز وخلاص

انا معااااااااها

 

[noorq8]

أنا بقولج جمله في يوم من الأيام قالتها لي طبيبتي ,كنت حامل وأبي أسافر قالت لي ,انتي كل يوم بتحملين ؟؟
السفر ماراح يطير لكن البيبي ممكن يطير.

 

[شجن الدنيا]

لمن سافرنا ماليزيا إختي كانت حامل بالخامس تعبت واااايد خصوصا بالطياره
وهم لمن راحت أحس الكل إستانس إلا هي مو قادره لا تركب بالألعاب الغريبه ولا تمشي وايد بالسوق
ولا ترتاح بالسفينه كله ترجع وهمن كنا خايفين عليها يعني تعبتنا معاها ما أنصحج تروحين
والله يارب يرزقج بالصيف اللي بعده أحلا سفره بالدنيا