السفر في الشهر الاول

[عروسه قمر]

السلام عليكم
بنات انا توني دريت اني حامل و هذا اول بيبي بس بغيت اعرف عادي اسافر في الشهر الاول ؟ كنا امخططين حق سفرة سريعه بس مادري يصير ولا لا ؟ :bbbiu:
و مع العلم ان ليلحين ماراجعت عند دكتورة..!
اتمنى انكم اتساعدوني :eh_s(7):​

 

[Model Look]

روحي عند دكتوره خل تعطيج فوليك اسيد وتسويلج سونار اذا وضعج عادي ولا لا

انا حللت حامل وبعد اسبوع سافرت

اول شي رحت لدكتوره وعطتني فوليك اسيد وسوت لي سونار وقالت عادي تسافرين

 

[! بــدويه وآآيــد !]

،


حبيبتي انا امس قالت لي دكتورتي لازم اسوي سونار اذا بتسافرين يبين اذا عادي تسافرين او لا
روحي شوفي شتقولج
والف مبروك الحمل الله يثبته يارب وتشوفينه بحضنج سليم معافى

 

[عروسه قمر]

حبايبي والله مشكورين بسرعه رديتو :****
خذيت موعد عند دكتورة ماجدة اليتامى حطولي تاريخ 4\1 عقب جم يوم ..
انشالله يارب اتقولي عادي
وااي شعور غريب :$

 

[sosowaty]

حبيبتي عادي كا انا سافرت و رديت و ما صار فيني شي يوم رديت بس بعد السفرة بجم اسبوع اجهضت لاني كنت هامله نفسي

 

["Om 3AzOoZ"]

والله انا اكتشفت اني حامل بالسفر وقبلها ماكنت ادري وسفرتي كانت طويله الله الحافظ حفظلي جنيني لاني ماكنت ادري عنه، بس بما انج بالكويت روحي راجعي وبعدين سافري احسن بس الله يعينج عالنساة انا النساة خلتني اكره السفره مع انه المفرووض تكون سفرة العمر .

 

[عروسه قمر]

الله يستررررر وااي انشالله اتكون النساة خفيفة :"(
حبيبتي سوسواتي شلون يعني كنتي هامله نفسج؟
و ماعليه اهم شي صحتج والياهل يتعوض :*

 

[Bedor-al.3taiby]

والله انا اشوف انها عاديه
بس لا تسمعين كلامي لاني ماجربت لوووول
توني حامل بأول بيبي و ما جربت اسافر فيه ماصارلي 3 شهور

 

[مجنونه هواهـ]

حبيبتي عادي انا سافرت 2 اسبوع من حملي والحمدالله ما صار شي

 

[" ام حمود "]

اول شيء سوي سونار وشوفي شنو تقولج دكتورتج ..
وألف مبرووك والله يثبته لج وحافظي ع نفسسسج حبوبة ..
ولاتشيلين شي ثقيل .. واخذي حبوب فوليك أسد

 

[sosowaty]

هملت نفسي بعد ما رديت من السفر ما كنت اريح نفسي ودوامي من الساعه ٨ االي ٥ و كنت وااايد امشي حيل هامله نفسي

يعني الاجهاااض كلش مو من السفر لان من بعد مارديت من السفر سمعت نبض الييبي

بس حزتها كنت حامل بالاشهر الاولي

 

[نونه الزعفرانه]

لا طبعا٣ الشهور الأولى وااااايد حرجه
نصيحة حتى لو قالت لج الدكتوره سافري لا تسافرين

واالله يثبته لج يارب لاااااحقه عالسفر حبيبتي
اشفيكم كلكم مسافرين بالشهور الاولى تتنسون بالسفر
هههههههه

 

[خوووخه w]

انا اقولج لاتسافرين الطياره موزينه عليج والمشي اكيد اذا رحتي بتمشين وبتطلعين لاتروحين خلي سفرتج ورا الاربعين احسن لج والله نصييييحه بعدين اتحسفين السفره باي وقت اما الحمال مو على كيفه الواحد

 

[كتالونيه]

الله يثبته
ذكرتيني لما سافرت وجاني الوحام وتعبت حيل
ومااستانست كرهت الروحه بسبب الوحام
اهم شي راجعي عند الدكتوره وهي بتفيدج
اكثر منا

 

[أكذب عليك]

الف مبروك حبيبتي
انابسافر يوم السبت وبكون برابع فالدكتور قالتلي دام خلصتي الثالث اوكي
انا اللي اعرفه السفر عادي بس الوحام غثيث انا اول شهرين كرهت حياتي
فاذا اقدرين اجليها شهرين لاتعبين روحج

 

[Eng.Kokoro]

مااافضل السفر باول ٣ اشهر لانهم اصعب اشهر

 

[المها الابيض]

انا سافرت وانا حامل بس سويت سونار اول وعطتني الدكتوره
مثبت وفولك اسيد وانا طلبت تكتبلي حبوب الترجيع مكرم السامع
وسافرت ورديت ومابدا وحامي الحمدلله بس عقب على الشهر الثالث
نزل علي دم وعقب نزلت مشيمتي بس هذا مومقياس
لأني بحملي الاول كان ينزل علي دم بعد